story

လုင်​ငယ်​​သွေး ရှင်​လူ​လေး

¸¸♬·¯·♩¸¸♪·¯·♫¸¸¸¸♬·❤

​ဒီနှစ်​သီတင်းကျွတ်​လပြည့်​ကျော်​ ၁ ရက်​ဆို

​ဖွေး​ဖွေးသိမ့်တ​ယောက်​ ၄နှစ်​ပြည့်ပြီ။ ဒါ​ကြောင့်စက်​တင်​ဘာလမကုန်​ခင်​

ကတည်းက ရှင်​လူကြီးအာ​ချောင်​ပြီး ​ဖွေးကို

ကတိ​ပေးထားတာရှိတယ်​။``ဒီလကုန်​

လခထုတ်​ပြီးတာနဲ့ သမီး​လေး​မွေး​နေ့အကြို

ညစာစားပွဲကိုအညာ​သွေးမှာလုပ်​​ပေးမယ်​´´

လို့။အဲဒါ ရက်​ညှိကြည့်​တော့ ​ဖွေးအဖွားက

၃၀ရက်​တနင်္ဂ​နွေကိုကြိုက်​တယ်​။ရှင်​လူကြီးက တနင်္ဂ​နွေ ရုံးပိတ်​ရက်​ဖြစ်​​နေလို့ လခ

မထုတ်​ဖြစ်​ရင်​ ဘယ်​လိုလုပ်​မလဲ ဆို​တော့

​ဖွေးအဖွားက စိုက်​ထား​ပေးမယ်​ ဆိုတာနဲ့

တနင်္ဂ​နွေ ၃၀ ရက်​ကိုပဲ​ရွေးခဲ့တယ်​။ ကံ​ကောင်းချင်​​တော့ ရှင်​လူ့အလုပ်​က ၂၉

ရက်​၊စ​နေ​နေ့ကတည်းကလခထုတ်​​ပေးတယ်​။ ရက်​သတ်​မှတ်​ပြီးခါမှ ဒီတနင်္ဂ​နွေမှာ

​ဖွေးတ​ယောက်​​နေမ​ကောင်းချင်​၊ ​ချောင်း​တွေဆိုးပြီးဖျားချင်​​နေလို့ မ​နေ့ညက

သူ့အ​ဖေ​မောင်​ဝင်း​တောင်​အိပ်​​ရေးပျက်​ရ

ဆိုပဲ။ ​ဖွေးကအိပ်​မက်​မက်​ပြီး က​ယောင်​ကတမ်း​တွေ ​အော်​တယ်​တဲ့။

​အော်​ပုံက..ဘာတဲ့..``ဆိုင်းမိုင်​´´တဲ့၊ ဖြစ်​ပုံက။အဲဒါရှင်​လူလည်း​ဖွေးကိုတ​နေ့လုံး

အကဲခတ်​​နေတာ။​ချောင်းဆိုးတာကလွဲလို့

လူကလန်း​နေတယ်​။ပြီး​တော့ ရှင့်လူ့ကတိကိုလည်း သူမ​မေ့ဘူး။

လူတကာကို ``ည​နေကျ အညာ​သွေး မှာသွားစားမယ်​´´ချည်းကြွား​နေတယ်​။

ဒါနဲ့ သူ​ချောင်းဆိုးသက်​သာ​အောင်​ မင်းမင်းကို ပိုက်​ဆံ​ပေးပြီး သက်​လွင်​​ဆေးဆိုင်​က ဘိုင်​အိုဂျက်​ဆစ်​အရည်​တပုလင်း နှစ်​​ထောင့်ငါးရာနဲ့ ဝယ်​ခိုင်းပြီးတိုက်​ထားရတယ်​။ ​ဖွေးတို့အိမ်​က

လူစုံချင်​​တော့ ​ရွှေပြည်​သာက သူ့အမ

ပန်းအိဖြူနဲ့အကိုလည်း​ရောက်​​နေတယ်​။

ည​နေ​စောင်း​တော့ ရှင်​လူဖိတ်​ထားတဲ့

​မြောက်​ဥက္ကလာက ​ဖွေးရဲ့ ဦးငယ်​နဲ့ဇနီးလည်း​ရောက်​လာတယ်​။

အဲဒါ ​ဖွေးတီတီ​လေး မခိုင်​လည်းအလုပ်​ကပြန်​​ရောက်​​ရော ​ဖွေးဦးငယ်​ကားနဲ့ပဲ အညာ​သွေးကိုချီတက်​ခဲ့ကြတယ်​။

အားလုံး ​ဖွေးအဖွားရယ်​၊​ဖွေးတို့သားအမိသားအဖ

သုံး​ယောက်​ရယ်​၊​ဖွေးတီတီ​လေးရယ်​၊

​ဖွေးဦးငယ်​တို့လင်​မယားရယ်​၊ ​ဖွေးအမ ပန်းအိဖြူတို့​မောင်​နှမရယ်​ ဆို​တော့ ရှင်​လူပါ အားလုံး​ပေါင်း ၁၀​ ယောက်​။

ဆိုင်​ထဲမှာစားပွဲနှစ်​လုံးဆက်​လိုက်​ရတာ​ပေါ့ဗျာ။ ရှင်​လူကြီးလည်း ​ဖွေးအတွက်​လုပ်​တဲ့ပွဲမို့ အားလုံးကိုကြိုက်​တာမှာခိုင်းလိုက်​တယ်​။

​ဖွေးက သိတ်​​တော့မစားနိုင်​ပါဘူး။သူမကြိုက်​တာဆို ပြန်​​ထွေးထုတ်​​သေးတာ။ ​ဖွေး​ပျော်​​နေတာ​တော့ အရမ်းပဲ။ ရှင်​လူလည်း​ပျော်​တာ​ပေါ့ဗျာ။ အဲ..ရှင်​လူကြီးပို​ပျော်​ရတဲ့အ​ကြောင်းက

​တော့ အားလုံးစားပြီး ​ဘေလ်​ရှင်းတဲ့အချိန်​ ကျသင့်​ငွေက ၅၀၀ ကျပ်​ ၂၀၀ကျပ်​ ၁၀၀ကျပ်​ပြည်​တွင်းအခွန်​တံဆိပ်​​ခေါင်းသုံးခု ထပ်​ကပ်​​ငွေ ၈၀၀ ကျပ်​အပါအဝင်​

စုစု​ပေါင်းကျသင့်​ငွေ ၁၇၃၀၀ ကျပ်​ဆို​တော့။ ရှင်​လူကြီး အသက်​ ၆၄ နှစ်​ပြည့်တဲ့ မနှစ်​က စပြီး ဒီ၂၀၁၈ သြဂုတ်​

မှာ ည​စောင့်လုပ်​သက်​တနှစ်​ပြည့်ခဲ့ပြီးပြီ။

သူများ​တွေ ပင်​စင်​နာဖြစ်​ချိန်​မှာ ရှင်​လူက

​နေ့တဆိုင်းညတဆိုင်းလုပ်​သား​မောင်​ (ဝမ်းနှုတ်​​ဆေးနဲ့ မမှား​စေလိုပါ)၂၄နာရီဂျူတီ​မောင်​အလုပ်​သမားကြီး​ပေါ့ဗျာ။

ခု တည​နေတည်းတင်​ အခွန်​ ၈၀၀ ကျပ်​ကို

နိုင်​ငံ​တော်​အတွက်​ထမ်း​ဆောင်​ခဲ့တဲ့ အခွန်​ထမ်းပြည်​သူ။ ဒါ​တောင်​ မ​နေ့ကရယ်​

တ​နေ့ကရယ်​ ဟိုတ​လောတုန်းက​တွေရယ်​ ဘီယာ​သောက်​ခဲ့တာ​တွေ မပါ​သေးဘူး။

လွန်​ခဲ့တဲ့ ဆယ်​နှစ်​နီးပါးက ကွယ်​လွန်​ခဲ့တဲ့

ဇနီးသည်​ မမကိုသိရလိုက်​တာ..

``မမ​ရေ ..မမက​တော့ အခွန်​လွတ်​​ဈေး

​ရောက်​သွားပြီ၊​ဟောဒီက​မောင်​အလုပ်​သမားကြီးက

​တော့ အခွန်​​တွေ​ဆောင်​ဖို့ ဆက်​ကြိုးစားလိုက်​အုံးမယ်​ မမ​ရေ။ဒီအလုပ်​နှစ်​ခုအပြင်​ နှင်းခါးမိုးကမ်းလှမ်းထားတဲ့ website အတွက်​ စာမူ​တွေ​ရေး​ပေးရအုံးမယ်​။

``စာမူခရမှာပါ အကိုရ တဲ့´´

အင်း..​နောက်​ထပ်​ အလုပ်​​လေး​တွေလည်း

ရှာထားအုံးမှ၊ ​လေဘာလည်းသက်​တမ်းသွားတိုးရအုံးမယ်​။

၈၅နှစ်​ပြည့်မှနိုင်​ငံ​တော်​က​ထောက်​ပံ့​ကြေး​ပေးမှာ

ဆိိုု​တော့ ရှင်​လူ၆၅ ဆိုတာ လုင်​​ငယ်​​သွေး အားမာန်​​မွေးရမ​လေ¸¸♬·¯·♩¸¸♪·¯·♫¸¸¸¸♬·

​ရှေ့သို့သာသွား ​သောကြာကြယ်​အလား

ဘဝဆိုတာများ ​နောက်​မပြန်​နဲ့​လေ....

story#observation #shinlhu

story

ပတ်ပြေးကောင်🐌🦀🦂🦇🐝🦋

စားပွဲဝိုင်းပေါ်ပတ်ပြေးနေတဲ့ပိုးကောင်လေးကို တွေ့တာနဲ့

ဖုန်းကင်မရာဖွင့် ဇွန်းဆွဲ​ပြီး

ဓပုံရိုက်ယူလိုက်မိတယ်။

ဘာကြောင့်သူ့ကိုဓပုံရိုက်မိတာလဲ.. မသိ။ဘာအဓိပ္ပါယ်ရှိလို့လဲ ..မသိ။အဓိပ္ပါယ်မဲ့ စားပွဲဝိုင်းကိုပတ်ပြေးနေတာကိုစိတ်ဝင်စားတာလား...မသိ။သူ့နာမည်မသိလို့တောင် ပတ်ပြေးကောင်လို့ပဲ ရေးလိုက်မိတယ်။သူ့ပုံကို fb တင်ပြီးစာလေးနည်းနည်းရေးဖို့စိတ်ကူးပြီး ရေးလိုက်မိတယ်။ဒီစာနဲ့ ဒီပုံလေးဟာ

လောဘ ဒေါသ မောဟဆိုတဲ့ကိလေသာကိုဖြစ်စေသလား...မသိ။သေချာပြောနိုင်တာတခုကတော့ ကမ္ဘာပေါ်မှာ ပတ်ပြေးကောင်တွေအများကြီးရှိနေတယ်ဆိုတာပါပဲ။

story#observation #shinlhu

story

ကြောင်တကောင်ရဲ့ကျေး‌ဇူး

😺😸😻😼😽🙀😾👺🎃👽

           "ရှင်လူရေ သမီးချက်ထားတဲ့ ငါးခေါင်းဟင်း လာ ကြည့်ပါအုံး" ၊ ဒီမနက် ထူးထူး ခြားခြား ဖွေးဖွေးသိမ့် အမေ ငမိုးရိပ် ခေါ်နေတာနဲ့ သူ့ဟင်းအိုး တည်ထားရာမီးဖိုချောင်ထဲ ဝင် ကြည့်ရတယ်။

ပွက်ပွက်ဆူ‌နေတဲ့ ဒယ်နီထဲမှာ ငါးခေါင်းတွေက ပေါလော။ ရှင်လူက ဟင်းရည် မြည်းဖို့ဇွန်းရှာတော့

ငမိုးရိပ်က "ဆားတွေ အချိုမှုန့်တွေမထည့်ရသေးဘူး" ဆိုတာနဲ့

မ မြည်းတော့။ ရှင်လူ က ဟင်းတွေထဲမှာ ဝက်သား ပြီးရင် ငါးခေါင်းချဉ်ရည် အ ကြိုက်ဆုံး။ ဒီ ကြားထဲ တသက်လုံး အဝတ်သာ လျှော်ပြီး မီးဖိုချောင်မဝင်တတ်လို့

ဖွေးအမေ သက်စုလှိုင်ကို ငမိုးရိပ်လို့ရှင်လူကိုယ်တိုင် နာမည်ပေးထားတာ။ ခုတော့ ခဝါသည် ငမိုးရိပ်က မလုပ်စဖူး ခါတမာ အလုပ်

ဝင်လုပ်နေတော့ ရှင်လူ အံ့ သြနေပေါ့။ ငါးခေါင်းချဉ်ရည် ကြိုက်တဲ့

ရှင်လူ့အတွက် နေ့လည်စာအတွက် အိုကေ ပြီပေါ့။

           အဲဒါ နေ့ခင်း ထမင်းစားတော့ "ငါးခေါင်းတွေ အကုန်ထည့်စား ဦးလေး ၊အိမ်က ဘသူမှ မစားဘူး"တဲ့။ ဗု‌ဒ္ဓေါ‌...ငမိုးရိပ်လက်ရာပဲ အယုံ ကြည်မရှိတာလား ၊ငါးခေါင်းပဲ မ ကြိုက် ကြတာလားမသိ ၊အိမ်သားတွေမစားဘူးဆိုတော့။ ဒါပေမယ့် ရှင်လူ ကြား

လိုက်သလောက်တော့ ငမိုးရိပ်

လက်ရာကို တက္ကစီ ခဏ နားတုန်း

သူ့ယော ကျာ်းမောင်ဝင်း ဝင်စားသွားတာတွေ့ရတယ်။ သမီး

၈ နှစ်အရွယ်ရောက်မှ ရှားရှားပါးပါး စားရတဲ့ မိန်းမလက်ရာ ကို 

လက်လွတ်မခံတဲ့ သဘော။ နောက်တယောက်က ရှေ့အဆောင်

တပင်တိုင် မြနန်းက တို့ဟူးကုမ္ပဏီ မန်နေဂျင်း အပိန်မ။ အပိန်မက လည်း တကိုယ်တော်မုဆိုး

မ ပြီ ပြီ အရမ်း ချွေတာ တာ (ကပ်စေးနှဲတယ်‌)‌ပြောရင် ရန်စောင်ခံရမစိုးလို့။ သူလည်း ငါးခေါင်းတခု

ဝင်ဖဲ့သွားလေရဲ့။

           "စား စား ရှင်လူ ၊အကုန်စား သွား" ဆိုတာနဲ့

            "ဟဲ့  နှစ်ခေါင်းဆို ဝပါ ပြီ၊

ငါ အကုန် ဘယ်စားနိုင်ပါ့မလဲ"

            " ငါးခေါင်းဟင်းက ချဉ်ပြုံးပြုံး နဲ့အရည်သောက်လေးဆိုတော့စားကောင်း သား" 

               ရှင်လူက ဝမ်းပန်းတသာ ချီးမွမ်းခန်း ဖွင့်လိုက်တော့

               "မ‌နေ့ကကျန်တဲ့ချဉ်ပေါင် ‌ကြော်နဲ့ရောလိုက်တာ"

               အမ် ဒါ ‌ကြောင့် စောစောက ငမိုးရိပ်တို့အမေ "ချဉ်ပေါင်‌ကြော်တွေ ဘယ်ရောက်သွားလဲ" မေးနေသံ ကြားလိုက်တာကိုး။

              "ငါးခေါင်းက ဘယ်လိုဝယ်ရလဲ" စားကောင်းကောင်းနဲ့

ငမိုးရိပ် ကို စပ်စုလိုက်မိတယ်။

               " ‌ကြောင်အတွက်ဝယ်တာပါ ဦးလေးရယ် ၊လှည်းသည်က တထုပ် ‌ခြောက်ရာရောင်းတာ၊ နှစ်ထုပ်ပဲကျန်တော့လို့ ဖောက်သည် ဆို ပြီး တထောင်နဲ့ ပေးလိုက်တာ၊ အားလုံး ဆယ်ခေါင်း"

            အမ်.... ‌ကြောင်စာဝယ်ရင်း လျော့ဈေးနဲ့ပိုဝယ်လာတာပဲ။

            အဲ့‌ကြောင်က အမှန်တော့ သူများအိမ်က‌ကြောင်။ ငမိုးရိပ်တို့အိမ်လာ ပြီး Demonstration အလုပ်ကောင်းလို့ စားသာနေတာ။ ဖွေး

တို့အခန်းက ကြွက်ပေါတော့ 

သူကလာ ပြီး ကြွက်ဖမ်း ပြတယ်။

အိမ် ကြွက်ကလေးတွေဖမ်း ပြီး

စားတာလည်းမဟုတ်။သွားနဲ့ကိုက်လို့လဲသွားရင် လက်နဲ့ဖိထားလိုက် ၊ပြန်လွှတ်လိုက် ၊ဟိုကအမော‌ပြေ ထ‌ပြေးရင် ပြန်ဖမ်းလိုက်

လုပ် ပြနေတာ။ အဲ...သူ့နား ‌မြေ

ကြွက် ကြီးတွေ ဖြတ်သွားရင်တော့ မ မြင်သလို မျက်နှာလွှဲနေတတ်တာ။အဲဒါ ငမိုးရိပ်တို့သားအမိတွေက "သား သား နဲ့ သည်းသည်း လှုပ်နေတာ ၊ငမိုးရိပ်က သူ့လက်ထဲ ပိုက်ဆံမရှိတောင် ‌ကြောင်စာအတွက် ငါးဝယ်ဖို့ဆို ချေးငှား ဝယ်တာ ၊ဝ တ္တရားအပျက်မခံဘူး။ ဖွေးကလည်း သူ့‌ကြောင်ကို

ဂျူဂျူး လို့နာမည်ပေးထားတယ်။

           ဘာပဲ ဖြစ် ဖြစ်လေ ၊ ဒီ

‌ကြောင် ‌ကြောင့် ငါးခေါင်းချဉ်ရည်ဟင်းနဲ့ထမင်းကို ဘိုက်ကားအောင် စားထားရတာ။ကတညုတ

ကတဝေဒီ(ကိုယ့်ပေါ် ပြုဖူး သူ့ကျေးဇူး ၊အထူး သိတတ်ရမှာပေါ့)

           "သမီး ဖွေးဖွေးရေ ၊သမီး

‌ကြောင် ခေါ်လာခဲ့၊ဓပုံရိုက်ရအောင်"

            "ဘာလုပ်ဖို့တုန်း"

            "လိုင်းပေါ် တင်ရမယ်၊

ကျေးဇူးရှင်မို့လို့"

story#observation #shinlhu

story

ဖွေးဖွေးသိမ့်နဲ့ နဖာချေးပြဿနာ

🌊🌴🌴💃🚶🌴🌴🌊

မနေ့က ဆရာမကြီးခင်မမ(ပညာရေး)

နာရေးပို့ဖို့ကားတွေက ကမနက်၁၀ နာရီ ထွက်မှာဆိုတော့ ရှင်လူမနက်အလုပ်ကအထွက် အိမ်မပြန်တော့၊ နာရေးအိမ်ပဲ တန်းသွားလိုက်တော့တယ်။ နာရေးပို့ပြီး ၁၂ နာရီခွဲလောက်ပြန်ရောက်တော့လည်း ဘုန်းသက်ပိုင်အိမ်မှာ အားလုံး လူစုံတက်စုံ စုမိကြပြန်ကရော။ ဘုန်းသက်ပိုင်တို့ မောင်နှမတတွေက ထမင်းပြင်ကြွေးတာနဲ့ အားလုံး ဝိုင်းစားလိုက်ကြပြီး လေချဉ်တက်ကြပြန်ကရော။ ဒီလိုနဲ့ တယောက်မျက်နှာ တယောက်ကြည့်နေကြရင်း

ခြေလှမ်းတွေက.. ဟို ဂမ္ဘီရ ဝတ္ထု တွေထဲက ကြပ်တွေလို လမ်းမဘက်ကိုဦးတည်ရွေ့လျားလာကြရင်း၊ ကဗျာဆရာ လူကြမ်းကြီးတွေ ဘီယာဆိုင်ထဲဝင်ခဲ့ကြ။အာ့လိုနဲ့

ညနေစောင်းလို့ နာရီကြည့်လိုက်တော့ အိမ်ပြန်ချိန်မရှိတော့၊ ဒါနဲ့ပဲ ရှင်လူ အလုပ်တန်းဝင်ခဲ့ပေါ့။ ညဘက်ဖုန်းဆက်တော့

ဖွေးဖွေးသိမ့်က "ဘယ်ဒေလျှောက်သွားနေတာလဲ"တဲ့။"သမီးပဲ ရှင်လူ့ကို ဘဒိတ်မှောက်တယ်ဆို၊ ဒါကြောင့်ပြန်မလာတော့ဘူး"ဆိုတော့ "မမှောက်ပါဘူး ပြန်လာ"တဲ့။ "နင်...ရှင်လူ့ကို ချစ်လို့လား"ဆိုတော့"ချစ်တယ်"တဲ့။ဟဲဟဲ

ကဗျာလေး စာလေးရေးရင်း နိုင်ငံရေးသမားတွေနဲ့လည်း အပေါင်းကြာခဲ့တော့

ကိုယ်အိမ်မပြန်ဖြစ်တာတောင် ကြံဖန်

အမြတ်ထုတ်မိသေးတော့။ အဲဒါ ဒီမနက်အိမ်ပြန်ရောက်တော့ ဖွေးက ရှင်လူ့ကိုပြေးဖက်ရင်းအလွမ်းသယ်ရှာတယ်။ဖွေးက ရှင်လူ့ရင်ခွင်ထဲကနေ ထူးထူးဆန်းဆန်း မေးခွန်းတခု မေးပြန်တယ်

"ရှင်လူ...နဖာချေးစားရင်သေလား"

"အမ်...သေတာပေါ့" ၊ရှင်လူလည်း ဖွေးမေးလို့ ပြန်သာဖြေလိုက်ရတယ်။တကယ်သေမသေတော့မသိ။ကြားဖူးနေတာတော့

အရပ်ထဲက တချို့ အရက်သမားမယားတွေသူတို့ယောက်ျားငမူးကိုထိန်းမရရင်"ဒီမသာကောင်တော့ ဒင်းအရက်ခွက်ထဲနဖာချေးကိုထည့်ထားအုံးမယ်၊ဒါမှမြန်မြန်သေမှာ"ဆိုတဲ့စကားကြားဖူးရုံသာ။

ဒီလိုနဲ့ ရှင်လူလည်းမနေ့ကတနေ့လုံးရေမချိုးလိုက်ရလို့ ရေချိုးဖို့ပြင်ရင်း"သမီးလေး

ရှင်လူ့ကို ခေါင်းလျှော်ပေးအုံး"ဆိုတော့

"လျှော်ပေးမယ် "ဆိုပြီးထွက်လာတယ်။အဲဒါ Shampoo ကမရှိတော့၊"သမီးရယ်

ရှေ့က ဖိုးလဝန်းတို့ဆိုင်မှာ Shampooတထုပ် အကြွေးသွားဝယ်ခဲ့ "ဆိုတော့ ဖွေးကထွက်သွားပြီး Clear တထုပ်ဝယ်လာတယ်။ဖွေးက သူ့အဖေ သူ့ကိုဆိုင်ခေါ်သွားပြီးခေါင်းလျှော်ပေးထားဖူးတော့ မှတ်ထားတယ်။ဆံပင်ကိုဖွတာ၊ ဆွဲစုပြီး အပေါ်သပ်တင်တာ၊ လက်လေးနဲ့ဆုပ်ပြီး ခပ်တင်းတင်းလေးဆွဲတာ။အဲ့လိုဆွဲရင်း ပြောသေးတယ်"အပူထွက်အောင်လို့"တဲ့။ဖွေးဖွေးသိမ့်ခေါင်းလျှော်ပေးရင် အရမ်းအရသာရှိတာ။ တသက်လုံး ဇိမ်ခံတဲ့အကျင့်ဆိုမုန်းတတ်တဲ့ရှင်လူတောင်ဖွေးရဲ့လက်စွမ်းကိုတော့သဘောကျနေမိတယ်။ဖွေးရှင်လူ့ကိုခေါင်းလျှော်ပေးနေတုန်း အပေါ်ထပ်က ဒေါ်နွဲ့ဆင်းလာမှပဲ မနက်ကဖွေးမေးတဲ့ နဖာချေးပြဿနာကိစ္စသိရတော့တယ်။

နဖာချေးစားရင်သေတတ်တယ်လို့ ဒေါ်နွဲ့ပြောတာကို ဖွေးက"ဒါဆို ဖွားဖွားနွဲ့က နဖာချေးစားဖူးလို့လား "လို့ပြန်မေးသတဲ့၊ဒီတော့ ဒေါ်နွဲ့က "ဖွးဖွားနွဲ့ရဲ့ အဖိုးတွေ အဖွားတွေပြောလို့သိရတာ"ဆိုတော့ ဖွေးက"ဖွားဖွားနွဲ့ အဖိုးတွေ အဖွားတွေကရော နဖာချေးစားဖူးလို့လား"ဆိုတော့ ဒေါ်နွဲ့ အဖြေရကြပ်ပြီး "မနက် ရှင်လူပြန်လာမှမေး"ဆိုပြီး လွှဲချခဲ့တာကိုး။အင်း..ရှင်လူကြီးလည်းတသက်လုံး အသေအချာ မစူးစမ်းပဲ နေလာတဲ့ နဖာချေးပြဿနာ ဖွေးဖွေးသိမ့်လက်ထက်ကျမှပဲ အဖြေမှန်သိရတော့မယ်။

ဒီလိုပါပဲ...ကိုယ်တွေ ပေါ့ပေါ့ဆဆနေလာတဲ့ ကိစ္စတွေ ဖွေးတို့လိုသုတေသနသမားတွေလက်ထက်ကျ အဖြေမှန်တွေဘာတွေ ရ ပြီးဖွံ့ဖြိုးတိုးတက်လာမှာ မြင်ယောင်မိသေးတော့...

story#observation #shinlhu

story

ရှင်လူ နှစ်ကိုယ်ခွဲ

😁😠🎃🙄🤗🤣😗🤔🤐

      

            လူတွေဟာ တဏှာ ၊မာန၊

ဒဌိ စတဲ့ ပပဉ္စ တရားတွေ နဲ့ ရှုပ်ထွေး ပွေလီလှတယ်။ အယ်လဲ့ ရှင်လူ ကြီး နိဒါန်းကိုဖတ် ပြီး ဒီလူ

ကြီး တရားဟော တော့မှာပဲ လို့မ

ထင်လိုက် ကြပါနဲ့။ အမှန်တော့

မိမိ လေ့လာသိရှိထားတဲ့ ပညတ်၊

ပါဠိစကားလုံးတွေ ကို အလွယ်တကူ ယူသုံးလိုက်တာပါ ။ တကယ်တော့ လတ်တလော အ‌ခြေအနေအရ ရှင်လူ ကြီး ဗုဒ္ဓ ဘာသာဝင်

အ ဖြစ်က ခဏ ခွင့်ယူထားပါတယ်။ ယာယီ ဘာသာမဲ့ ပေါ့ဗျာ။

တချို့က ဗုဒ္ဓ ဓမ္မ ကို သူတို့ရဲ့

ပုဂ္ဂလိကပိုင် ပစ္စည်းလိုလို ၊ငရဲနဲ့နိဗ္ဗာန်ကို သူတို့ကပဲ ကံထရိုက်ဆွဲထား သလို လို အလွဲသုံးစားတွေ

လုပ်နေတာ မြင် ပြီး သောက်ညင်ကပ် လာလို့ ခွင့်ယူ ပြီး ခေတ္တ

ဘာသာမဲ့ ခံယူထားတာပါ။ ဒါ‌ကြောင့် ခုချိန်မှာ ရှင်လူ ကြီး တရားလည်းမနာ ၊တရားလည်း ဟောမှာမဟုတ်ပါ။ ရှင်းတယ်နော်။

            ရှင်လူ ခု ‌ပြောချင်တဲ့အ‌ကြောင်းက Psychology (စိတ်ပညာ)နဲ့ပတ်သက်လို့ ကိုယ်တိုင် ကြုံနေရတဲ့ ပြဿနာ အ‌ကြောင်း ဆွေးနွေးချင်လို့ နိဒါန်းပျိုးနေတာပါ။ တကယ်တော့ လူတွေ

(အန္ဓ ပုထုဇဉ်) ဟာ မိမိကိုယ်မိမိတောင် နားမလည်သူတွေ ဖြစ်ပါတယ်။ဒါတောင် အများအားဖြင့်တော့ သူတပါးအပေါ် ဆရာ ကြီး

လုပ်ချင် ကြပါတယ်။ ထားပါတော့

ရှင်လူ အဓိက ‌ပြောချင်တာက ဒါမဟုတ်ဘူး။ ကွကိုယ် ကိုယ့်အ‌ကြောင်း ကိုယ်မသိ တဲ့ကိစ္စပါ။

          မှတ်မှတ်ရရ နှစ်ပေါင်း သုံးဆယ် မက ၊ ဒါမှမဟုတ် ဒီထက်အများ ကြီးပိုချင်လည်းပိုနိုင်ပါတယ်။ အိမ်မက်ဆိုးတခုကို နှစ်ပေါင်းများစွာ ဆက်တိုက်မက်နေတာ။ 

            အရင်ကလည်း တခါ နှစ်ခါတော့ ရေးခဲ့ဖူးပါတယ်။သာမာန် အ ဖြစ်အပျက် အနေနဲ့သာ ရေးခဲ့တာပါ။ ဒီတခါတော့ ပညာရပ်

ဗဟုသုတတွေနဲ့ပါ နှိုင်းယှဉ် သုံးသပ် ချင်လို့ ခုလို လေ‌ကြောရှည်နေတာ ဖြစ်ပါတယ်။

             လွန်ခဲ့တဲ့ နှစ်ပေါင်းများစွာ(ဇနီးသည်မကွယ်လွန်ခင်ကတည်းက)ရှင်လူ ကြီး အိပ်မက် ထဲမှာ

ရန် ဖြစ်တဲ့အကျင့် တခု ရှိပါတယ်။ဇနီး သည် ပြန်‌ပြောလို့သိရတာပါ။

           "မောင် ညတုန်းက ယောင် ပြီး ဆဲဆို သောင်းကျန်းနေတာ

အသံကျယ် ကြီးနဲ့ ခွန်နှစ်အိမ် ကြား၊ ရှစ်အိမ် ကြား၊ ဒီ ကြားထဲ

ထိုး ကြိတ် ကန်ကျောက်နေလို့

‌ခြေတွေ လက်တွေပါ ဖမ်းချုပ်ထားရတယ်" တဲ့။ ဇနီးသည် ကွယ်လွန်

ပြီး နောက်ပိုင်း ကျတော့လည်း 

အခန်းနီးချင်းတွေ ဆီက ရှင်လူ့အိပ်မက် ရန်ပွဲ သတင်း တွေ အ မြဲလို ပြန် ကြားနေရ ပြန်တယ်။

ကျောက်ပန်းတောင်းဘက် အလှူသွားတော့လည်း အားလုံး စုအိပ်တဲ့ တည်းအိမ်မှာ နာမည် ကြီးသွား ပြန်တယ်။ လွန်ခဲ့တဲ့ ၅ နှစ် ကျော်

 Bella ကုမ္ပဏီ မှာ ညစောင့်

ဝင်လုပ်တော့လည်း အတူ တာဝန်ကျတဲ့ ပါတနာ ကြီးက "ညက

အကို ယောင် ပြီး ဆဲနေတာ အကျယ် ကြီးပဲ"တဲ့။ အဲဒါ ညတိုင်းလိုလိုဆိုတော့ ပတ်ဝန်းကျင်ကို အားနာလာတယ်။ ဒါ‌ကြောင့် ညမအိပ်ဘဲလည်းမနေရဲ။ အသက်အရွယ်အရ

အိပ်ရေး မဝလို့ကျန်းမာရေးထိတာလည်း ကြုံဖူးထားလေ တော့။

           ခု လက်ရှိလုံ ခြုံရေး ဝင်နေတဲ့ ကုမ္ပဏီမှာလည်း  ဒီအတိုင်းပဲ ဆိုပါတော့။ အခု အတူ တာဝန်ကျ တဲ့ ပါတနာ ကြီးက ညည ရှင်လူ ယောင်ရင် ကြမ်းပုတ် သတိပေးတတ်တယ်။ ဒီလို သတိပေးလို့မှ မရ ရင်"ချ ချ ...ချထား"ဆို ပြီး ‌မြှောက်ပေးကရော။ တနေ့ကဆို ရှင်လူ ကြီး ခြင်ထောင်အ ပြင်ဘက်ရောက်နေ ပြ်ီ ၊ ဒူးတဖက်ထောင် တဖက်လှဲ အနေထားနဲ့ လက်သီးကို အသကုန် လွှဲ ပြီး ရန်သူ့မျက်ခွက်ကို ထိုးဖို့ရွယ်လိုက်တာ ဘော်ဒါ ကြီးရဲ့"ချ ချ"ဆိုတဲ့အသံ ကြားမှ သတိရလာတော့ကုလားထိုင် လွတ် ကြီးကို ထိုးမိတော့မလို့။ တလောကလည်း တဘုန်း ဘုန်း အသံတွေ ကြားသတဲ့။ အဲဒါ မနက်ဘက် လက်ဖမိုး တွေ ကြည့်လိုက်တော့ 

လက်သီးစောင်းမှာ သွေးတွေ စို့နေတယ် ၊ညက သံမံတလင်းကို

အသကုန် ဆော်ထားပေသကိုး။

            မေတ္တာလည်းပို့ပါရဲ့၊အ

မျှလည်းဝေပါရဲ့၊ ဒါတောင် ဖောက်မရ တဲ့ အကုသိုလ် ရန်ပွဲ။ အခု

ခွင့်ယူ ပြီး ဘာသာမဲ့ လုပ်ထားလိုက်တော့ အေးကရော၊ သူချကိုယ်ချပဲ။ လောလောဆည် ခွင့်ကာလ ဘာသာမဲ့ လုပ်ထားလေတော့ မိမိလေ့လာထားတဲ့ ဗုဒ္ဓအဘိဓမ္မာ ထဲက ဝိထိစိတ် ၊ဘဝင်စိတ်အ‌ကြောင်းတွေ မ‌ပြောတော့ဘဲ

အရင်က ဖတ်ဖူးတဲ့ ဗဟုသုတတွေ

ပြန်သတိရတယ်။ 

           Robert Louis Stevenson ရဲ့ ကမ္ဘာကျော်

Dr Jekyll and Mr Hyde

ဝတ္ထုထဲမှာ ဒေါက်တာ Jekyll ဟာ သူ့ရဲ့'ဒုတိယ' သဘာဝကို ဖော်ထုတ်ချင်တာကြောင့်  ကြင်နာတတ် ပြီး လေးစားစရာလည်း‌ကောင်း အသိဉာဏ်လည်းရှိတဲ့ သိပ္ပံပညာရှင် အ ဖြစ်ကနေ သူ့ကိုယ်သူ Mr Hyde အသွင်ပြောင်း ပြီး နောင်တ  ဒါမှမဟုတ် သူရဲ့မကောင်းတေဲ့ရာဇဝတ်မှု‌တွေနဲ့နည်းလမ်းများအတွက် တာဝန်မယူတတ်တဲ့ သူရဲ့ ဆိုးယုတ်တဲ့အတ္တကို‌ပြောင်းလဲစေခဲ့တယ်။ အမှန်တော့ လူတကိုယ် စိတ်နှစ်မျိုးအ‌ကြောင်း ခွဲ ခြမ်း စိတ်ဖြာ ပြထားတဲ့ ဝတ္ထုပဲ။

နောက်တခုက ကမ္ဘာကျော် ပုံ‌ပြောဆရာ ကြီး Hans Christian

Andersen ရဲ့ ပုံ ပြင်ကို ဆရာ

အံ့မောင် ဘာသာ ပြန်ထားတဲ့ 

"အင်းတော်ရှင်သမီး"ပုံ ပြင်ထဲက

နေ့နဲ့ည အကူးအ‌ပြောင်း မှာ

ချောမောလှပတဲ့ မင်းသမီးလေးတလှည့် ဖားပြုတ်လို ပုံဆိုး ပန်းဆိုး ကြီးတလှည့် နှစ်ဘဝ ‌ပြောင်းနေရတဲ့ အင်းတော်ရှင်သမီး

အ‌ကြောင်း လည်းသတိရမိတယ်။

             ရှင်လူ ကြီးရဲ့အိပ်မက်

ရန်ပွဲ တွေကလည်း တကယ်တော့ လူတဖက်သားအပေါ်မှာ ကောင်းစေချင်တဲ့ မေတ္တာစိတ် ၊ရုန့်ရင်း

ကြမ်းတမ်းမှု မရှိတဲ့ စရိုက်တွေနဲ့ကတော့ တ ခြားစီပါပဲ။

            ကဲ ဘယ်လို လုပ်ရမလဲ။

ကိုယ့်အ‌ကြောင်းတောင် ဘာမှန်း

ဘယ်လိုမှန်းမသိနိုင်တဲ့ လူ့ဘဝ ကြီးမှာ။

          တခုပဲရှိတယ် ခေတ်မီသိပ္ပံနည်းနဲ့ မ‌ဖြေရှင်းနိုင်တဲ့ကိစ္စကို Parapsychology ခေါ်

စိတ်တန်ခိုး ဆိုင်ရာ စိတ်နယ်လွန်ပညာနဲ့ စိတ်ညှို့ကုသရရင်တော့

အဆင်‌ပြေမလားဘဲ။

story#observation#shinlhu

story

ပြိုင်မြင်းခွာသံ သုံးသောင်းတန်🏇🏇🚴🚴🚴🚴🏇

"ဖောင်း💥💥💥"

ဖောင်းခနဲ ကြယ်လောင်တဲ့ပေါက်ကွဲသံကြောင့် ရှင်လူကြီးထမင်းစားပြီးပန်းကန်ဆေးနေရာက တွန့်ခနဲဖြစ်သွားတယ်။

"ဟဲ့..ဘာသံလဲ..၊ အကျယ်ကြီး ပဲ" အိမ်နီးနားချင်းတွေပါ ထိတ်လန့်တကြားဖြစ်ကုန်ပေါ့။သေခြာလေ့လာလိုက်တော့ မိုးတစိမ့်စိမ့်ကြား ဖွေးတို့အိမ်ရှေ့ရပ်ထားတဲ့ရှင်လူ့မြင်းလေးဆီကအသံ။ကြည့်စမ်း မနေ့ကမှ မင်းမင်းဆီကလေထိုးတန်ငှားပြီး လိုရမယ်ရ ခပ်တင်းတင်းထိုးထားတဲ့နောက်ဘီးပေါက်တာကိုး။ဇူလိုင်လက ကွယ်လွန်ခဲ့တဲ့

ကိုကြီး လူရှင်း(မိုးကုတ်)ခေါ်

သံမဏိ ခေါ် ကိုကြီးသောင်းထူးထားခဲ့တဲ့အမွေ BM ဘီးကလေး။မိုးအစဲမှာ စက်ဘီးပြင်ဆိုင်ဘက်တွန်းထွက်ခဲ့တယ်။ဆိုင်သမားမအားသေးလို့ ထားခဲ့ပါ တနာရီလောက်လာယူ ဆိုတာနဲ့ အပျင်းပြေ မင်းမင်းတို့ ဆိုင်ဘက်ထွက်ခဲ့တယ်။မင်းမင်းတို့"ရွှေနဒီ" ဆိုင်ရောက်တော့ စျေးထိုင်ရောင်းနေတဲ့မင်းမင်းတွေ့တာနဲ့ သူ့ဘေးဝင်ထိုင်ပြီး စကားလေးဘာလေးပြောပေါ့။တနာရီလောက်နေတော့ စက်ဘီးဆိုင်ပြန်သွားရတယ်။မသွားလို့လည်းမဖြစ်ဘူး ဒီစက်ဘီးဆရာတွေကလူကိုယ်တိုင်ထိုင်စောင့်ပြီးလောဆော်မနေရင် ကြုံရာဘီးကောက်ကိုင်နေတာ၊ကိုယ့်အလှည့်တော်တော်နဲ့မရောက်။ထင်တဲ့အတိုင်း ဆိုင်ရောက်တော့ ဆိုက္ကားဘီးဖာနေတဲ့ အဖိုးကြီးက သူ့သားထမင်းပြန်စားနေလို့ စောင့်ပါအုံးဆိုတာနဲ့ စောင့်နေရသေးတယ်။ အတန်ကြာ စက်ဘီးဆရာပြန်ရောက်လာတော့ "ဦးလေးဘီးကမရတော့ဘူး.. တာယာပါကွဲသွားတာ"တဲ့။အင်း...ဟုတ်ပါရဲ့..

တာယာပါစုတ်ပြတ်ပွင့်ထွက်သွားလေတော့။ကျွတ်ကောတာယာပါဝယ်ရတော့မပေါ့။"အင်း..စေတနာမှာသွားဝယ်ရမှာပေါ့၊ အမျိုးအစား ဘယ်လိုပြောရမလဲ"ဆိုတော့

BM 20 တဲ့။ဒီလိုနဲ့ စေတနာစက်ဘီးအပိုပစ္စည်းဆိုင်ရောက်တော့ ကျွတ်တလုံး၉၅၀၀ ကျပ်၊ တာယာက

၁၉၅၀၀ ကျပ်။လက်ခက၂၅၀၀ ကျပ်ဆိုတော့ အိတ်ထဲကသုံးသောင်းကျော်ထွက်သွားပြီ။ကဲ.ညည်း မနေတော့ပါဘူး တမနက်ကိုဆိုက်တွဲကယ်ရီ၁၅၀၀ ကျပ်

တလဆို ၁၅သုံးလီ ၄၅၀၀ကျပ် ... ဒါ ညနေ

ဘတ်စ်ကားခမပါသေး။

story#observation#shinlhu

story

တိမ်လို လေလို⛅🌥🌦🌼🌷💐🌧☁🌧
စက်ဘီးနင်းရင်း မောလို့ဖြစ်စေ၊လမ်းလျောက်ရင်း ညောင်းညာလို့ဖြစ်စေ ၊သာယာခင်းပြန့်တဲ့ လမ်းဘေးအုတ်ခုံလေးများ အရိပ်အာဝါသများကိုရှင်လူနှစ်သက်တတ်ပါတယ်။ရှင်လူတို့နိုင်ငံမှာ ရှေးအခါကတည်းက ဇရပ်ဆိုတဲ့ အသုံးရှိဖူးပါတယ်။ဇရပ်ဆိုတာ ခရီးသွားဝေနေယျများအချိန်မရွေးဝင်ရောက်နားခိုအိပ်စက်နိုင်တဲ့နေရာများဖြစ်ပြီး ရှေးအခါက ဟိုတယ်/မိုတယ် ဆိုတဲ့အသုံးများမတွေ့ခဲ့ဖူးပါ။ရဟန်းသံဃာများကိုစောင့်ဆိုင်းပြီးဆွမ်းလောင်းတဲ့အဆောင်တဲများကိုဆွမ်းလောင်းဇရပ်လို့ခေါ်လေ့ရှိပြီးဘုရားကျောင်းကန်ပရိဝုဏ်များအနီးမှာလည်းတည်းခိုဇရပ်များကို ဆောက်လုပ်လှူဒါန်းထားလေ့ရှိပါတယ်။ဒါပေမယ့် ခေတ်ကာလတွေအလီလီပြောင်းလာတဲ့နောက် ဇရပ်တွေက သစ်ခွာရောင်း ၊သွပ်ခွာရောင်း ဖျက်လိုဖျက်စီး ကိစ္စတွေများလာတော့ ငွေပေးတည်းခိုရတဲ့ ဟိုတယ်/မိုတယ်တွေပဲအားကိုးရပါတော့တယ်။လမ်းဘေးအုတ်ခုံလေးထိုင်ဖို့ကြည့်လိုက်တော့ ထိုင်လို့မရအောင် အပြားလိုက်မလုပ်ပဲ အလယ်စောင်းကိုအိမ်အမိုးပုံတင်ထားတော့ သူ့ပေါ်ထိုင်မရတော့။ညညဂစ်တာလာတီးကြတဲ့ ဖိုသံလာပေးကြတဲ့ ကာလသားများအပေါ်ထားတဲ့ဝန်တိုမှုပါပဲ။
သူတို့ညဥ့်နက်သန်းခေါင်ရှိနေလို့ ခိုးဆိုးလုယက်များမသောင်းကျန်းနိုင်တာသတိမရ တဖက်သတ်တချက်လွှတ်အမြင်နဲ့ လုံခြုံရေးစည်းများကိုပေါက်စေခဲ့ပြန်တယ်။ရှင်လူကြီးကတော့ အင်တာနက်သုံးရင် အထူးသဖြင့် ဥရောပနဲ့ ကမ္ဘာ့ယဥ်ကျေးမှုမြင့်တဲ့နိုင်ငံတွေမှာ ခရီးသွားအများသူငါ အတွက် သောက်သုံးနိုင်အောင်ပြုလုပ်ထားတဲ့
Fountain (ရေပန်း)များကိုသဘောကျပေါ့။ဘာခွက်မှမလိုပဲ ပါးစပ်ဟခံသောက်လို့ရသလို ဆေးကျောမလားသန့်စင်မလား ၊အသုံးပြုရလွယ်ပါ့။ရှင်လူကြီးက ကလေကချေစိတ်ခေါ်မလား၊လွတ်လပ်တဲ့စိတ်ခေါ်မလား ဒီကမ္ဘာကြီးပေါ် ဘယ်နေရာမဆို လမ်းဘေးအုတ်ခုံသန့်သန့်ခန့်ခန့်လေးတွေပေါ်စိတ်အေးလက်အေးထိုင်ငေးနေရတာဝါသနာပါပါတယ်။မြက်ခင်းသန့်သန့်လေးတွေပေါ် ပက်လက်လှန်ရင်း ကောင်းကင်တိမ်တိုက်တွေကိုငေးနေချင်ပါတယ်။ငြိမ်းချမ်းပျော်ရွှင်လိုတဲ့စိတ်မို့ ကလေကချေစိတ်တော့မဟုတ်။လူတွေရဲ့ ငြိမ်းချမ်းပျော်ရွှင်မှုကိုဖျက်ဆီးမှသာကလေကချေစိတ်လို့ပြောရမှာပေါ့နော်.....

story#observation #shinlhu