Ghost Politic (သို့မဟုတ်)
သူရဲနိုင်ငံရေး
💻👿💻😖💻👿💻😖
ရှင်လူ(မန်းမှုတ်သည်)
"ကျောင်းဖွင့်ချိန်...စိန်ပန်းတွေလဲ..ဟဲ မြေမှာကျဲ့ပြန့်နေ..
ကံ့ကော်ပန်းတွေနဲ့အတူ..သူနဲ့တွေ့ရာမြေ..တက္ကသိုလ်သို့မဟုတ် မြကျွန်းသာအင်းယားကန်နယ်မြေ..."
ရှင်လူကြီး တယောက်ထဲ သီချင်းဆိုနေတုန်း တပည့်ကျော် ပကိဏ်းလူ သူ့စက်ဘီးလေးတွန်းရင်းခြံထဲဝင်လာပါတယ်။
"အောင်မယ်..ဆရာက မဆိုစဖူး
သီချင်းတွေဘာတွေဆိုလို့ ပါလား"
"သြော်...ပကိဏ်း ၊လာကွာ..
ထိုင်"
ရှင်လူက ပကိဏ်း ကို ခရီးဦးကြိုပြုရင်း တဆက်တည်း
"ဒီလိုကွ..ပကိဏ်းရ.. မင်းလည်းကြားပြီးရောပေါ့... ရန်ကုန်တက္ကသိုလ် ပတ်လမ်းကိစ္စ၊အဲ့ဒီကိစ္စကြောင့် တက္ကသိုလ် ဝန်းကျင်ကသစ်ပင်တွေ လက်မြန်ခြေမြန် ခုတ်ပစ်ကြတယ်ဆိုတော့ ငါ့မှာ စိန်ပန်ပင်ကြီးတွေကို အလိုလိုလွမ်းမိသွားတာပါ"
"ဟုတ်ဆရာ..ကြားပြီးပါပြီ၊
အတော်ဆိုးတဲ့လူတွေပဲ"
"အေး..မင်းပြောသလိုပဲ ဒီလူတွေ အတော်ဆိုးလွန်းပါတယ်။
တနေ့တနေ့.. အဲ့ဒီသတင်းတွေချည်းပဲ..ကြားကြားနေရတယ်၊
ဟို..အထက်ဘက်က ကျောင်းတကျောင်းမှာလည်း..သစ်ပင်တွေခုတ်ပစ်လို့..ရှစ်တန်းကျောင်းသူလေးတွေကိုသူရဲဝင်ပူးတယ်ဆိုတဲ့ ဗွီဒီယို ဖိုင်တောင်ကြည့်လိုက်ရသေးတယ်"
"ဟုတ်...ဆရာ၊အော်ကြ ငိုကြနဲ့ ပွက်လောညံနေတာပဲ၊သစ်ပင်မှီခိုနေကြရတဲ့ သူရဲတွေ ဆန္ဒထုတ်ဖော်တယ်ပြောရမလားပဲ"
"အင်း..မင်းစကားကြားမှ..ငါ့ခေါင်းထဲ.. သံသယပွားစရာတွေတောင်ဝင်လာတယ်"
"ဘာများလဲဆရာ၊ဆရာက သူရဲတို့ ရုက္ခစိုးတို့မယုံလို့လား"
"မဟုတ်ဘူးကွ ပကိဏ်းရ၊ဒါတွေယုံတာမယုံတာနဲ့တော့မဆို
င်ပါဘူး၊ ငါတွေးမိတာက ဒီသူရဲတွေ အရင်စစ်အစိုးရလက်ထက်က ဘယ်ရောက်နေကြသလဲလို့ တွေးမိတာပါ"
"အမ်...ဘာလို့လဲဆရာရဲ့"
"မင်းကလည်း..တုံးပကွာ၊စစ်အစိုးရသက်တမ်းတခုလုံး သူပုန်ရော အစိုးရကပါ သစ်တွေဒီလောက်ခုတ်ရောင်းခဲ့တာ
တနိုင်ငံလုံးလည်း ပြောင်နေပြီ၊
အဲ့သူရဲတွေ အဲ့ချိန်က ဘယ်သွား သေနေကြလဲလို့ပါ၊တကယ်တော့ တို့နိုင်ငံမှာ အရှည်တွေးတတ်တဲ့ပညာရှင်ကြီးတွေ ခေတ်တိုင်းပေါ်ပေါက်ခဲ့ကြပါတယ်၊ယောမင်းကြီးကထားတော့နည်းနည်းဝေးနေလို့၊
တို့ရာစုထဲမှာပေါ်ခဲ့တဲ့ ဆရာဇော်ဂျီရဲ့ကဗျာလေး ကြည့်ပါအုံး
သစ်ပင်ကို တော်တော်ခုတ်ကြပါ
တောပြုတ်လိမ့် နောက်နောင်
တောပြုတ်လို့တောပြောင်လျှင်
မိုးခေါင်တော့မှာပဲ။
မိုးခေါင်လို့ ရေမကြွယ်
သဲပင်လယ် ဖြစ်လိမ့်မလွဲ..တဲ့ကွ။
"အင်း..ကောင်းလိုက်တဲ့ ကဗျာလေး၊ကိုယ့်ရေ ကိုယ့်မြေသယံဇာတကို ချစ်တတ်တဲ့
လူကြီးလူကောင်းဆန်လိုက်တာ"
"အဲဒါပဲကွ..ကဗျာဆရာပဲလုပ်လုပ်၊နိုင်ငံရေးသမားပဲ လုပ်လုပ်၊စီးပွားရေးသမားပဲလုပ်လုပ် ၊လူကြီးလူကောင်းဆန်ဖို့အရေးကြီးတာ၊နောင်ဖြစ်လာမယ့်အရေးတွေအထိ အရှည်မတွေးတတ်ရင် ဘာမှမလုပ်တာပဲကောင်းတယ်"
"တက္ကသိုလ် ပတ်လမ်းကိစ္စကတော့ လတ်တလောမှာ
ရပ်သွားပါပြီ ဆရာ။လုပ်ငန်းတွေယာယီရပ်ဆိုင်းထားဖို့
အဆင့်မြင့်ပညာ ဦးစီးဌာနနဲ့
ရန်ကုန်တက္ကသိုလ် ကျောင်းသားများသမဂ္ဂတို့သဘောတူလိုက်ပါပြီ"
"အေး..တော်သေးတယ်၊ နို့မို့
သူရဲတွေ အလုပ်ရှုပ်အုံးမယ်"
"မရှုပ်ပါဘူးဆရာရယ်၊ လူအလုပ်လူတွေလုပ်ရင် သူရဲတွေက အနေသာကြီး ပါ၊ဆရာပြောခဲ့သလိုပဲ စစ်အစိုးရအဆက်ဆက်လုပ်ခဲ့သမျှ
ကျနော်တို့ ၈ လေးလုံးအရေးတော်ပုံကြီးနဲ့ ဆန္ဒတွေထုတ်ဖော်ခဲ့လို့ သူရဲတွေလည်းသူရဲဒုက္ခသည်ခြုံဖုတ်တွေမှာ
အေးအေးလူလူထန်းရည်သောက်နေခဲ့ကြတာပါ"
"ဟားဟား..ပကိဏ်းဆိုတဲ့ကောင်၊ငါ့တပည့်ပြီသပါပေတယ်၊သမိုင်းကောက်ချက်ဆွဲတဲ့နေရာမှာတော့ အတော်ဟုတ်လာပြီ။ဒါပေမယ့် အတွေးဒေါင့်ဆိုတာ အဖက်ဖက်ကတွေးခေါ်တတ်ရတယ်ကွ။
တကယ်လို့ သူရဲတွေက ဒိုင်ခံပူးပေးရင် ငါတို့လူတွေ စစ်ရှောင်ဒုက္ခသည်စခန်းမှာ ဘီယာထိုင်မသောက်နေနိုင်ဘူးလား"
"တိန်..!!!"
ရှင်လူ
story#observation#shinlhu
