ဒီနေရာမှာ ငါတို့သွေးစစ်ခဲ့ကြ
ဗာဒံရွက်ကျင်တို့ လေဝဲကြွေဆင်းရာ
ငယ်ရွယ်ပျိုမြစ်ခြင်းတွေ မျှဝေသုံးစွဲခဲ့ကြပြီး
နာမည်သစ်တွေ တခုပြီးတခု ပြောင်းခဲ့တဲ့
ဟောဒီ ခွေးခြေပု လက္ဘက်ရည်ဆိုင်ကလေး
တယောက်ရီရင် အားလုံးလိုက်ရီကြ
တယောက်ငိုရင် အားလုံးလိုက်ငိုကြ
ငါ့ဘေးကခုံလွတ်ကလေး ခုတိုင်ပူနွေးနေသေး
လူကအထီးကျန်တာတောင် စိတ်က
အထီးမကျန်နိုင်သေး
အဲဒီအတိတ်တွေ ဆေးတခွက်လို ငါ
အကြိမ်ကြိမ် သောက်ခဲ့ရ
ရက်တွေ ကုန်လွန်ခဲ့တာတောင်
ရက်စွဲတွေက မကုန်လွန်နိုင်သေး
ဟေး သူငယ်ချင်းတို့ရေ
အားလုံး ငါ့လိုပဲလား
ညိုမြသွေး
#poem#observation
No comments:
Post a Comment