°º¤ø,¸¸,ø¤º°`°º¤ø,¸,
ခုတလော ရှင်လူကြီးမှာ မွန်တာ့ဂျ တွေများနေတယ်။ မွန်တာ့ဂျ ဆိုတာ
ရုပ်ရှင်တို့ဗွီဒီယိုတို့မှာ တကတ်ထဲနဲ့ အချိန်တို့ အာကာသတို့ကို ဆွဲချုံ့ပြလိုက်သလို ပြကွက်မျိုးလို့ဆိုရမလားပဲ။ကိုယ်က ရုပ်ရှင်
သမားမဟုတ်တော့ အသေအချာတော့
မပြောပြတတ်ဘူး။ဒါပေမယ့် ဒါရိုက်တာ
မောင်ဝဏ္ဍတို့ဘာတို့ အဲဒါမျိုးလေးတွေရိုက်တာကြည့်ဖူးတယ်။
ပြီးတော့ TV က Wild Channel ..
Animal Planet မှာလည်း ဒါမျိုး မွန်တာ့ဂျ
တွေအသုံးများတယ်။ သစ်စေ့လေးက ချက်ချင်း အပင်ပေါက်လာပြီး စက္ကန့်ပိုင်း
အတွင်းမှာ အသီးတွေ အပွင့်တွေဝေဆာလာတာမျိုး။
တဦးနဲ့တဦးခွဲခွာရတဲ့ကာလတွေ
ကြာညောင်းလာတာမျိုးကို နွေမိုးဆောင်း
ရာသီပြောင်းပုံ မျိုး သစ်ရွက်ကြွေတာ မိုးရွာတာ နှင်းကျတာတွေကို ဥတုသုံးလီ
ရာသီတွေပြောင်း ဘာညာနဲ့ နောက်ခံဘက်ဂရောင်းတေးလေးပံ့ပိုးပြီး
ရုပ်ရှင်ရုံထဲက ငါးမိနစ်ကို ငါးနှစ်ဆယ်နှစ်ဖြစ်အောင်လုပ်ပစ်တာမျိုး။
အင်းလေ ..ရှင်လူနိဒါန်းချီနေရတာနဲ့ လိုရင်းကမရောက်နိုင်ဘူး။ ခုတလောစာလေးဘာလေးပိုဖတ်ဖြစ်နေ
တော့ ဆရာကြီးအထာနဲ့ လေရှည်ချင်စိတ်က ခတ်များများရယ်။
တခုက ဒီလိုပါ ..ပြီးခဲ့တဲ့ တရက်နှစ်ရက်က
fb ပေါ်မှာ နှင်းခါးမိုးတင်လိုက်တဲ့ဓာတ်ပုံ
လေးတပုံ တွေ့လိုက်ပါတယ်။သူ့အဆိုအရတော့ ဒီဓာတ်ပုံလေးကိုသူ့ မိတ်ဆွေတယောက်
ဓာတ်ပုံပြပွဲမှာတွေ့လို့ရိုက်လာပေးတာပြောပါတယ်။သမိုင်းဝင်ပုံလေးတပုံပေါ့ဗျာ။
ရှစ်လေးလုံးအရေးတော်ပုံကာလ တုန်းက
ဒေါ်အောင်ဆန်းစုကြည်ရဲ့ ပဋ္ဌမဆုံးလူထုတရားပွဲ ရွှေတိဂုံဘုရားအနောက်မုခ်မှာလုပ်တဲ့ပုံ
လေးပါ။ အဲ့ပုံထဲမှာ လူထုဟောပြောပွဲစင်မြင့်ကြီးကို ရင်ဘတ်နဲ့ဆီးကာခဲ့တုန်းကတို့ ဘာတို့ ဆိုပြီး စာတန်းထိုးထားတယ်။ ပုံကို
အသေအချာကြည့်လိုက်တော့ လွန်ခဲ့တဲ့
နှစ်ပေါင်း ၃၀ ကနွေလယ်နေနဲ့နှင်းခါးမိုး
သူနာပြုဆရာမတွေနောက်မှာ။
ရှင်လူသူတို့ပုံတွေကြည့်ရင်းတွေးမိတာက
နွေလယ်နေ အဲ့ချိန်ကရုပ်က ဟိုတုန်းက
ရုပ်ရှင်မင်းသားကြီး ဗိုလ်ဗကိုလိုရုပ်မျိုးဗျ။
အခု အသက် ၆၀ ပြည့်လို့အလုပ်ကပင်စင်ယူချိန်မှာ ဗိုလ်ဗိုက်ကို ဖြစ်နေပြီ။အမရိကားက သူရိုက်တင်တဲ့ပုံတွေကြည့်လိုက်ရင် ဗိုက်အသားပေးရိုက်ချက်တွေချည်း။နှင်းခါး
မိုးကျတော့လည်း အဲ့တုန်းက အသက်ကလေး၂၀လောက်ဆိုတော့ ရုပ်ကလေးသနားကမားနဲ့ ရန်အောင်ငယ်ငယ်ကအတိုင်း။ ခုတော့လည်း ၅၀ ကျော်လာတော့ ဟိုတုန်းက မင်းသားကြီး ဦးကျောက်လုံးတို့နဲ့ခေတ်ပြိုင် ဦးသိမ်းမောင်ကြီးနဲ့ တထေရာထဲဖြစ်လာတယ်။ရှင်လူ့မျက်စိထဲတော့ သူတို့နှစ်ယောက် မွန်တာ့ခ်ျက
နတ်ရေကန်ထဲချလိုက်တာ ဘွားခနဲ
အိုပယ်ဖွတ်ချက်ကြီးတွေဖြစ်ကုန်သလိုပဲ။
အာ့လာတောင် သူတို့က ရှင်ပြုတုန်း
ရွှေထီးဆောင်းခဲ့တာကြွားချင်သေးတယ်။
နောက် မွန်တာ့ခ်ျ တခုကတော့ အကျဉ်းရုံး
လိုက်ပါတော့မယ်။ဒီနေ့ မွန်းလွဲပိုင်းမှာ ရှင်လူကြီး ဖွေးဖွေးသ်ိမ့် အဖေ မောင်ဝင်းနဲ့ ရွှေနဂါးလက်ဖက်ရည်ဆိုင်ထွက်ထိုင်တော့
ကွယ်လွန်သူ သ္ခင်စိုးမြင့်၊ NLD ဗဟိုအလုပ်အမှုဆောင်နဲ့ ရန်ကုန်တိုင်း
ဥက္ကဋ္ဌ။၁၉၉၀ပါတီစုံအထွေထွေ
ွရွေးကောက်ပွဲကြီးမှာတောင်ဥက္ကလာပမြို့နယ်မဲဆန္နနယ်အမှတ်( ၁) က အရွေးချယ်ခံရတဲ့ ပြည်သူ့လွှတ်တော်ကိုယ်စားလှယ်ကြီးရဲ့ မြေး(နာမည်မေ့နေလို့)က တဖက်စားပွဲမှာ
သားငယ်လေးကိုရင်ခွင်ပိုက်ပြီး သူ့မောင်
ကိုပေါက်ရယ်နောက်သူ့အမျိုးသားပါမယ်ထင်တယ်။သူတို့ကိုလှမ်းနှုတ်ဆက်လိုက်ပြီး ရှင်လူဓာတ်ပုံရိုက်မယ်လုပ်တော့ ဖွေးအဖေက``ရှင်လူကလည်း လက်ဖက်ရည်ဆိုင်ထဲ ဓာတ်ပုံရိုက်မနေပါနဲ့´´တဲ့ ။``ရပါတယ်ကွာ
ဒီကလေးတွေငါ့မျက်စိရှေ့တင်ကြီးလာကြတာ၊ အဲဒီကလေးအမေက ၁၉၉၀ ခုက တောင်ဥက္ကလာပြည်သူ့လွှတ်တော်ကိုယ်စားလှယ် သ္ခင်စိုးမြင့်ရဲ့သမီးလတ် မချိုကမွေးတဲ့တဦးတည်းသောသမီးပဲ။ ၉၃ ခုနောက်ပိုင်းငါနဲ့သူတို့အဖိုး ကိစ္စရှိလို့ ရန်ကင်း စာတိုက်က ဦးဟံသာမြင့် NLD(စာရေးဆရာသိန်းဖေမြင့်သား)အိမ်နဲ့
သူ့ရဲဘော် ဦးမြင့်စိုးတို့အိမ်ဖက်သွားတဲ့အခါတိုင်း
အပြန်မှာသ္ခင်စိုးမြင့်က ပိုက်လုံးကြီးအနောက်ဖက်လက်ဖက်ရည်ဆိုင်ကနေပြီးသူ့မြေးကျောင်းအသွားကို
စောင့်လေ့ရှိတယ်။အဲ့ကလေးအမေက
အဲ့ချိန်က ကျောင်းစိမ်းဂါဝန်လေးနဲ့ မူကြို
အရွယ်လေး ။ ``ကျောင်းမသွားခင် ပါပါကြီးကို အာဘွားပေးသွားပါအုံး´´ဆိုရင်
မတ်တတ်ကသူ့အဖိုးကို ကုန်းပြီးနမ်းနေတဲ့ပုံကလေး ငါ့မျက်စိထဲခုထိမြင်တုန်း´´
အဲ့ချိန်ကဆို ရှင်လူ့အသက်က ၃၅နှစ်ကျော်
ရုံလေးဆိုတော့ စိုင်းစိုင်းတို့ချောတယ်ဆိုတာကွာ ပျင်းတောင်ပျင်းသေး။ ခုလက်ရှိကတော့
အများသိတဲ့အတိုင်း ...ဟုဟု...
story#observation #shinlhu
Sent from my ALCATEL ONE TOUCH POP C9
No comments:
Post a Comment