ကဗျာ

ဆောင်းခိုငှက်​တ​ကောင်​ရဲ့ဆင်​ဖနီ

♪ ♬ ♪ ♬ ♪ ♬ ♬ ♪ ♪ ♬ ♪

​ဆောင်းရေ♪ ♬

ပြက္ခဒိန်​​ တွေPhoto slide ဆွဲသလို

သက္ကရာဇ်​​တွေလည်းဇရာ​ထောင်းပေါ့ကွယ်

နှင််းတွေက ​ဝေ​​နေတာလား ​ကြွေတာလား

မြက်​ဖျားခိုစီး နှင်းသီးပေါက်​ရဲ့ည​နေဟာ

ဆည်းဆာ​တောက်​​တောက်​အ​ဝေး​ပြေးလမ်းမကြီးပေါ်

အရှိန်​နဲ့ဖြတ်​သန်းနေကြတဲ့ ကား​တွေ​နောက်​က

အချက်​ပြမီး ရဲရဲ​လေး​တွေ လက်​ပြနှုတ်​ဆက်​မှုကို အသိမှတ်​ပြုရင်း

ကုန်းဆင်းကုန်းတက်​နဲ့ အ​ကွေ့အ​ကောက်​​တွေများတဲ့ခရီး

​ဝေးသလား နီးသလားမသိနိုင်​ခဲ့

သီချင်းတွေ ဆက်​ဆိုချင်​ပါ​သေးတယ်​​ဆောင်းရယ်​

သံစဉ်အက်​အက်​ ရင်​ကွဲထွက်​အန်​

ဖိတ်​လျှံ​သွေးစ နှင်းလွလွကြား

ပန်​ချီးကားတချပ်​ အပြီးသတ်​​တော့မလား

ဘဝ​ဖော်​နဲ့ ​ပျော်​ခဲ့တဲ့​ဆောင်း

​ဆောင်း  ဆောင်း ဆောင်း

ဆောင်းအဟောင်းတွေ

​ကြွေခဲ့ပြီလား ​ဝေးပြီလားကွယ်​

ရာသီနုသစ်​ ပြူတင်းလှစ်​ရင်း

နှင်းငွေ့​ဝေ​ဝေ ​မြောက်​ပြန်​​လေမှာ

​မျောပါတဲ့​ဆောင်း

သစ်​​တဲ့ ​ဆောင်းရေ

အ​ကြောင်း မသင့် အခွင့်မသာ

မကြိုပါက ငါ့ကိုပြစ်​တင်​

မငြိုငြင်​ပါနဲ့​တော့

သင်​နဲ့ ငါ ဟာ အခါလွန်သတင်းစာအ​​​ဟောင်းတရွက်ရဲ့

အထီးကျန်​​နေ့​တွေမှာ

တစိမ်းပြင်ပြင် တွေပ ကွယ်​...

ညိုမြ​သွေး

6:18 pm

Thu,19 Oct 2017

poem#observation#shinlhu