story

"ညစာ"

🥗🍜

ရှင်လူ ကြီး ထမင်းဟင်းကို ကွကိုယ်ချက်စားရတာ ကြာလာလေ သွားလေသူ မမကို သတိရလွမ်းဆွတ်မိ ‌လေပါပဲ။ မီးဖိုချောင် ပြဿနာက လွယ်မယ်လို့ ထင်ရပေမယ့် တကယ့်တကယ် Pro ကျကျ တတ်ဖို့ ခက်လှပါတယ်။

မမ ရှိစဉ်ကဆို ငါးခူ ငါးကျည်း ချက်တာကအစ

"ဟောဒီ ဇက်အောက်နားက အညှီစေ့ကို ခွဲထုတ် ၊ အရည်ခွံတွေကို စဉ့်တီတုံးနဲ့ ‌ပြောင်အောင်တိုက်ချွတ် ပြီးမှ ‌ကြော်ရ ချက်ရ"သတဲ့ ၊ဒါမှ အညှီနံ့ ကပျောက်သတဲ့။

ငါး‌ပြေမ တို့  ငါးခုံးမ တို့ချက်ရင်လည်း သူ့

လင်တော်မောင် အရိုးနင်မစိုးလို့ ကျောရိုး ဆူးတောင်တွေ ခွဲထုတ် ပြီးမှချက်တော့ ဗိုလ်ရှင်လူတို့ ငါးခုံးမဟင်းကိုတောင် ခပ်ရဲရဲ ဝါးစားခဲ့ရတာ။

ဒန့် ဒလွန်သီးများဆို အခွံမာကို ဓါးနဲ့ခွာ ခြစ်ပြီးမှ ချက်တာဆိုတော့ ဒန့်ဒလွန်သီးဖတ်က ဝါးပြီး မျိုချရုံပဲ။အချဉ်ဟင်းကအစ အရသာတွေချည်းပဲ။ ဇနီးသည် ကွယ်လွန်စ က လမ်းဘေး ထမင်းဆိုင်စားရင်း မျက်ရည်ပါကျခဲ့ရတယ်။ ချဉ်ပေါင်ဟင်းချိုကို ယင်ကောင်ခပ် ချက်ရတာနဲ့ ၊ တခါတခါ ဆံပင်ချည်က ပါသေး။

အဲ့‌ကြောင့် မမဆုံးပြီး မ ကြာခင် ကဗျာလေးတပုဒ်တောင် ရေးဖြစ်ခဲ့သေး။

ညစာ

~~~

ထမင်းနဲ့ဟင်းက အေးစက်...

အသံဗလံတွေလည်း အေးစက်...

နှလုံးသားထိအောင် အေးစက်...

ထွက်ခွာသွားတဲ့ အသံရဲ့နောက်မှာ

နွေထွေးမှု အားလုံး လိုက်ပါသွားခဲ့ပေါ့...

ဒီနေ့ မနက် ထမင်းချက်ဖို့ ဆန်အိတ်ကို ဖွင့်

လိုက်တော့ ဆန်ထဲမှာ ဆန်ပိုး မည်းမည်းလေးတွေ တရွရွနဲ့ တွေ့ ရတယ်။ ဒုက္ခပဲ ။ ဆန်ဆေးရင် သူတို့ကို ရေနှစ်သတ်သလို ဖြစ်မယ်။ ပြီးတော့ဆန် နှစ်ပြည်လောက် ရှိတဲ့အထဲ သူတို့ ဒီလို ပေါက်ပွားနေရင် ဆန်စေ့တွေ အခေါင်းပေါက်ပဲ ကျန်တာ ကိုယ်ချက်စားနေရမှာ။ ဒီတော့

ပလပ်စတစ်ဇလုံ ကြီးထဲ ဆန်တွေသွန်ထည့်၊

သန်း နဲ့တူတဲ့ ဆန်ပိုး မည်းမည်းလေးတွေကို

တကောင်ချင်း ရွေးနေရတယ်။ ရွေး ပြီး လွှင့်ပစ်မယ် ကြံတော့လည်း ရေချိုးခန်းထဲပစ်ရင်

သူတို့ ရေနဲ့ကပ် ပြီးသေကုန်မစိုးလို့ အခန်းထောင့်ကိုပဲ လွှင့် ပစ်နေမိတယ်။

တခါတခါ သူတို့က ရွရွ ရွရွ နဲ့ ‌ခြေသလုံးပေါ် ပြန်တက်လာသေး။ မတတ်နိုင်ဘူး လေးပါးသီလ

ထိမ်းနေတာ ပါဏာတိပါတာရှောင်ထားတဲ့အထဲပါတော့လည်း ဒုက္ခ ခံရတော့တာပေါ့။အင်း 

ရှင်လူ ကြီးရဲ့ အသက်အရွယ်အရ ရှားပါး ပြီး

တန်ဖိုးရှိတဲ့ အချိန်နဲ့ လုပ်အားတွေ ဒီအရေးမပါတဲ့ရွေးကောက်ပွဲ နဲ့ အလဟသ ဖြစ်ရ ပြီ။ထမင်းအိုး တည်ထား ပြီး ဟင်းအတွက် စဉ်းစားတော့ မနေ့က လုံးချန်ထားတဲ့ ပုစွန်ရှိတယ်၊ ရေတိုင်မှာ အိတ်နဲ့ချိတ်ထားတဲ့ ပိန်းဥ သုံးလုံးရှိတယ်။လက်ဆောင်ရထားတဲ့ ရွှေ မြင်း ပုန်းရည် ကြီး တထုပ်ရှိတယ်။ ပင်စိမ်း နှစ်ပင်သုံးပင် ရှိတယ်။ ဒီတော့ ဝယ်ထားတဲ့ ကြက်သွန် အ ဖြူ အနီတွေတောင် တခါတခါ ပုပ်လို့ လွှင့် ပစ်ရတာဆိုတော့ ပုန်းရည် ကြီးလည်း မှိုမတက်အောင်၊

ပိန်းဥလည်း အပင်မပေါက်အောင် ပုစွန် ရယ်

ပိန်းဥရယ် ပုန်းရည် ကြီးရယ် ကို ပင်စိမ်းလေးအုပ် ပြီး ချက်လိုက်တယ်။ ဟင်းချက်ရင်း အပေါ့အငံ မြည်းရင်း စဉ်းစားမိတာက ညက You Tube ထဲက ဗေဒင်ဆရာ ‌ပြောတာ သွားသတိရတယ်။ ဒီ August လထဲ ကြာသာပတေး ဂြိုဟ် ဝဂ္ဂ ဆိုလား ဘာလား။ ကြာသာပတေးနာမ် အရေး ကြီးသတဲ့။ဟုတ်ပ ၊ ရှင်လူချက်ထားတဲ့ ဟင်းက ကြာသာပတေး လေးနာမ်ဟင်းပဲ။ ပုစွန် ပိန်းဥ ပုန်းရည် ပင်စိမ်း။

အင်း ရှင်လူက ဗေဒင် ယ တြာ တွေ လုပ်လေ့တော့ မရှိဘူး။ဒါပေမယ့် ရှင်လူတို့ အမျိုးတွေကတော့ "ထီးရိုးကို မိုး ကြိုးခလိမ့်မည်"တို့။ ၈ လေးလုံး တို့ ၂ လေးလုံးတို့ ကိန်းတွေ တဘောင်တွေ အလေးထား တတ် ကြတာ။

ဘာပဲ‌ပြော‌ပြော ရှင်လူ ရေးပြနေတဲ့ Subject

ကတော့ နေရေး စားရေး ပြဿနာတွေပါပဲ။

မရှင်းရင် အပေါ်က "ညစာ"ကဗျာ ပြန်ဖတ်။

story#observation#shinlhu