ဘာရယ်မဟုတ် စာခြောက်ရုပ်
👻👻👻👻👻👻👻
အပိုင်း-၂
ဘာရယ်မဟုတ် ဒီနေ့ ဆို မိမိမွေးနေ့  ၆၈ ကြိမ် မြောက်ခဲ့ ပြီ။ မွေးနေ့ တွေမှာ ပျော်သလားဆိုတော့လည်း တကယ်တမ်း အမှန်တိုင်းဝန်ခံရရင် ပျော်လှတယ် ရယ်လို့ မဟုတ်ပြန်။ FB စသုံး ဖြစ်တဲ့ လွန်ခဲ့တဲ့ ဆယ်နှစ်ကျော် ကာလတုန်းက စ ပြီး FB ယဉ်ကျေးမှုတခုအ ဖြစ် မွေးနေ့ ဆုတောင်း တွေ အ ပြန်အလှန်ပို့  ကြရင်း Happy birthday ပါဆိုတဲ့ အလေ့အထလေး စခဲ့မိပါတယ်။
ငယ်စဉ်တောင်ကျေး ကလေးဘဝ ကတော့ မွေးနေ့ ရယ် ဘာရယ်မသိလှပေမယ့်
မိဘရဲ့အရိပ်အောက်မှာ သာသာယာယာ ရှိခဲ့ပါတယ်။ ဘယ်သွားသွား ဘယ်လာလာ ချီပိုးယုယ ခရီးဦး ကြို ပြုသူ့ များလွန်းလို့  လောကဆိုတာ ပျော်စရာ ကစားကွင်း ကြီးတခုအ ဖြစ်ထင်ခဲ့မိတယ်။ ဒါပေမယ့် သိတ်မ ကြာလိုက်ပါဘူး ၊ မိမိ အင်မတန် အားကိုးချစ်ခင် အတုယူအားကျခဲ့ရတဲ့ ဖခင်ဟာ သူ့ ပုခုန်းပေါ်က ရာထူးအမှတ်အသားတွေကို စမူဆာနဲ့ လဲပလိုက်ပါတယ်။ မိမိ နဲ့ တကွ ညီအကို မောင်နှမ အားလုံး ၅ယောက်ထဲမှာ မိမိက အ ကြီးဆုံးပါ။ မိမိအသက် ၁၂ နှစ် ၁၃ နှစ်အရွယ်မှာပဲ မိသားစု အဆောက်အဦ ကြီးဟာ တစစီ ပြိုကွဲ ပျက်စီး ခဲ့ပါတယ်။ ဖခင်ရဲ့ ဖောက်လွဲဖေါက်ပြန်မှု ကို သည်းမခံ နိုင်တဲ့မိခင်က တရားရုံးမှာ ကွာရှင်းခွင့်တောင်းပါတယ်။ဒီအခါ ဖခင်က ကပ်သပ် ပြီး အ ကြပ်ကိုင်ပါတယ်။ ကွာချင်ကွာ သားသမီးအားလုံး သူ့ ကိုပေးရမယ် ဆို ပြီး အညှာကိုင်ပါတယ်။ဒီလိုနဲ့ အခြေအတင် ငြင်းခုံ ကြ ပြီး မိခင်ကဆုံး ဖြတ်ချက်တခုကို အဆို ပြုပါတယ်။ ကလေး ၅ ယောက်မှာ အ ကြီး၎ ယောက်ကို ဖခင်ကယူ၊ နို့စို့ကလေး ကိုတော့ သူနဲ့ ပဲခေါ်သွားမယ် ပေါ့။ နောက်ဆုံး အမေ့ အဆိုနဲ့ ပဲ ကွာရှင်းမှု အထမြောက် သွားပါတယ်။
မိမိလည်း အဲ့အရွယ်ကစလို့ မိခင်ကိုနာကျည်းစိတ်ဝင်ခဲ့ပါတယ်။ ၁၂ နှစ် ၁၃ နှစ်အရွယ်မှာ လောကသဘာဝတရားတွေ ဘာတွေနားမလည်ခဲ့ပါ။ ရုပ်ရှင်တွေ ဇာတ်လမ်းတွေထဲက သားသမီးတွေအပေါ် အနစ်နာခံတဲ့။ အရာရာ စွန့်လွှတ်တဲ့ မိဘကိုပဲ အလိုရှိပါတယ်။ငယ်စဉ်ကတည်းက ဖခင်လက်သပ်မွေးခံရတဲ့သား ကြီးတယောက်အနေနဲ့ ဖခင်ရဲ့ ရုံးအ ပြန်
ချွေးစွန်းနေတဲ့ လက်ကိုင်ပုဝါလေးကို လျှော်မယ့် အဝတ်ပုံထဲက ယူ ယူနမ်း ပြီး ညီလေး ညီမလေးတွေနဲ့ အတူ ဖခင်နောက်ကို ခွေးတကောင်လို လိုက်ခဲ့တယ်။ မင်းအမေ သစ္စာမရှိဘူးဆိုတဲ့ ဖခင်ရဲ့ ဝါဒမှိုင်းတိုက်မှုကို လက်တွေ့ ဖြစ်ရပ်နဲ့ ယှဉ်ထိုး ပြီး မိခင်ကို ထာဝရ ကျောခိုင်း
လိုက်ပါတယ်။
ဖခင်ဟာ တချိန်ကတော့ ဖက်ဆစ်နဲ့ ကိုလိုနီ ကို တော်လှန်ခဲ့တဲ့ မိမိရဲ့ ဟီးရိုးပါ။
ဖခင်က ပုခုန်းပေါ်ကရာထူးကို စမူဆာနဲ့ လဲ ပြီး
မိခင်နဲ့ ပြတ်စဲ ပြီးတဲ့အထိလည်း မိမိဟာ ဖခင်
ရဲ့ အာဝါသအောက်မှာပဲ နေထိုင်ရင်း ညီလေးညီမလေးတွေနဲ့အတူ ဖခင်ရဲ့ စည်းရုံးသိမ်းသွင်းမှု ကို တသွေမတိမ်း လိုက်နာခဲ့ပါတယ်။
ပြောင်းလဲတတ်တဲ့ လောကအကြောင်းကိုလည်း အဲ့ဒီအချိန်မှာ စသိပါတယ်။ နဂိုရ်က ဖက်လှဲတကင်း အ ပြုံးမျက်နှာတွေဟာ
ဖခင်ရဲ့ ပုခုန်းပေါ်ကရာထူးတွေနည်းတူ ပျောက်ဆုံးကုန်ပါတယ်။
ဒါကြောင့် မွေးနေ့ တွေမှာ ပျော်ရဲ့လားဆိုရင် အထက်က စကားခံခဲ့သလို ပျော်လှတယ်ရယ်လို့ မဟုတ်ဘူး လို့ ပဲ ဆိုရပါမယ်။ ဘာ
လို့လဲဆိုတော့ ၁၂နှစ် ၁၃ နှစ်သားက စတင်တဲ့ဘဝ မုန်တိုင်းဟာ အခု ၆၈ နှစ်တိုင်အောင် အဖျားခတ်နေဆဲ ပါပဲ။
ဒီ ကြားထဲ နူရာဝဲစွဲ လဲရာသူခိုးထောင်းဆိုသလို ကိုဗစ်ဗီဇပြောင်း အိုမီခရွန်လှိုင်းသစ်က တမှောင့် မီးပုလင်းပစ်သူတွေကတမှောင့်။
ကဲ ဒီနေ့  ၂၀၂၁ နိုဝင်္ဘာ၂၉ ရက် ၊၆၈ နှစ်မြောက်မွေးနေ့ ၊ မိမိအတွက် FB ထဲက မိတ်ဆွေတချို့ မွေးနေ့ ဆုတောင်း တွေ ပို့ ကြအုံးမယ်။
မိမိကိုယ်တိုင်ကတော့ အော့နှလုံးနာလွန်းလို့  ၆၈ နှစ်မြောက်မွေးနေ့  ကြီးကို သပိတ်မှောက်လိုက်ပါ ပြီ။
အပိုင်း-၃ ဆက်ရန်
No comments:
Post a Comment