story

ပါးကွက်​ကြားကာကွယ်​​ရေး ရှင်​လူ

♡ ❀ ♪ ♥ ♡ ❀ ♪ ♥ ♡ ❀ ♪ 

​နေ့ခင်း ရှင်​လူကွမ်းယာဝယ်​ဖို့အထွက်​

``​ဖွေး​ရေ ရှင်​လူကွမ်းယာ သွားဝယ်​မလို့

လိုက်​အုံးမလား´´ဆို​တော့ ​ဖွေး​ဖွေးသိမ့်က

ဖိနပ်​​ကောက်​စီးပြီးလိုက်​လာတယ်​။ခုတ

​လော​ဖွေးတ​ယောက်​ရှင်​လူ့ကို ပိုခင်​တွယ််​လာတယ်​ထင်​ပြီး ရှင်​လူကြီး

မ​နော​ခွေ့​နေ​ပေါ့။ကွမ်းယာဆိုင်​​ရောက်​​တော့

ချိတ်​ထားတဲ့သီး​မွှေးငှက်​​ပျောသီးတွဲကို

​ဖွေး​မော့ကြည့်​နေလို့``စားမလား´´​မေးတာ

​ခေါင်းညိတ်​တာနဲ့တလုံးဖြုတ်​​ပေးလိုက်​

တယ်​။ခဏ​နေ​တော့ငှက်​​ပျောသီးကိုရှင်​လူ့လက်​ထဲလာထည့်ပြီးသူ့အရပ်​လက်​ခုပ်​

တ​ဖောင်​​လောက်​မြင့်တဲ့ကွမ်းယာခုံကို တွဲ​လောင်းခိုတက်​​နေတယ်​။

``ဘာလုပ်​မလို့လဲသမီး´´ဆို​တော့``ကြည့်မယ်​´´တဲ့။ဒါနဲ့ သူ့ကိုမပြီး ကွမ်းယာသည်​ ကွမ်းယာပုံကိုပြရတယ်​။

အိမ်​ပြန်​​ရောက်​ပြီးရှင်​လူအလုပ်​ထိုင်​ ​​နေ​တော့ ​ဖွေးက အိမ်​​ရှေ့တံခါးဝမှာ တ​ယောက်​တည်း​ဆော့​နေတယ်​။

သူ ထသွားလိုက်​ ပြန်​ထိုင်​လိုက်​နဲ့ အလုပ်​ရှုပ်​​နေတာ​တွေ့လို့ ဘာလုပ်​​နေလဲ

ကြည့်လိုက်​​တော့ရှင်​လူ့စက္ကူပန်းပင်​က

အရွက်​​တွေ ထခူး​နေတာကိုး။

``​ဖွေး​ဖွေး ရှင်​လူ့ပန်းပင်​ကို မခူးရဘူး

​ပြောထားတယ်​​လေ´´ဆို​တော့ ``နည်းနည်းပါ ကွယ်းယာမလို့´´တဲ့။

အင်းဒါ​ကြောင့်ကွမ်းယာခုံကိုတွဲ​လောင်းခိုတက်​ခဲ့တာကိုး

ည​နေဘက်​အလုပ်​နားပြီးရှင်​လူကြီး​ဖွေးတို့အိမ်​ဖက်​ကူးသွား​တော့​ဖွေးကကိုယ်​လုံးတီး

နဲ့ ၊သူတို့သားအမိနှစ်​​ယောက်​ပလပ်​စတစ်​ပုံး

ကြီးဖွင့်ပြီးအင်္ကျီရှာ​နေတယ်​။​ဖွေးလက်​ထဲမှာ

အနီစင်းနဲ့ အားကစား​ဘောင်းဘီတိုကို

ကိုင်​ထားပြီးစိတ်​တိုင်းကျအင်္ကျီမရဘူးဖြစ်

​​​နေတယ်။သူ့အ​မေ မလှိုင်​က ``ဒါဝတ်​မလား´´ဆိုလဲ ``ဟင့်အင်း´´ပဲ။

``​အောင်​မယ်​  ငါ့သမီး​လေးက ​ရေချိုးပြီး

သနပ်​ခါးပါးကွက်​ကြား​တွေဘာ​တွေနဲ့ပါ

လား´´ဆို​တော့ မလှိုင်​က``ဟုတ်​တယ်​​လေ

အဲဒါ သူ့ဟာသူ​သွေးလိမ်းထားတာ´´တဲ့။

တယ်​ဟုတ်​ပါလား။``​ဖွေး​ဖွေး..နင်​​နော်​

ငါစိတ်​မရှည်​​တော့ဘူး၊အင်္ကျီဝတ်​တာပဲ၊

ကိုယ့်အ​မေ​ပေးတာဝတ်​​ပေါ့´´​ဖွေးကလက်​ထဲက​ဘောင်းဘီပါပစ်​ချလိုက်​ပြီးနှုတ်​ခမ်းစူ

နေတယ်။အ​ခြေအ​နေက တဖြည်းဖြည်း

တင်းမာလာတယ်​။ဒါ နဲ့ရှင်​လူလည်းထမပြန်​

​သေးပဲ အရိပ်​အ​ခြေကြည့်​နေရတယ်​။

``ငါ့သမီး​လေးကလိမ္မာပါတယ်​ဟာ၊သူ့ပိုင်း

ဖြတ်​မှုနဲ့သူ ဝတ်​ချင်​တာ ရှာ​ပေးလိုက်​ပါ´´

ရှင်​လူကြီး ကြားဝင်​​လေ​ပြေထိုးရတယ်​။

မလှိုင်​စိတ်​ကလည်း လက်​တဆစ်​ရယ်​။

​တော်​ကြာထဗြင်းလို့​ဖွေးသနပ်​ခါး

ပါးကွက်​ကြား​လေးအရည်​​ပျော်​သွားမှဖြင့်။ဒီလိုနဲ့ ပလပ်​စတစ်​ပုံးပြန်​ပိတ်​ ဘီဒိုကြီးဆွဲဖွင့်

လှန်​​လှောရှာမှ သူဝတ်​ချင်​တဲ့အင်္ကျီရတယ်​။

​တော်​​သေးရဲ့။

​ဖွေး​ရေ ခုတကြိမ်​​တော့ နင့်ပါးကွက်​ကြားကို

ရှင်​လူကာကွယ်​​ပေးနိုင်​ခဲ့ပြီ။သမီး​လေး

အပျိုဖြစ်​တဲ့ထိ​တော့ ရှင်​လူကာကွယ်​​ပေးနိုင်​ပါ့မလားကွယ်​။

story #observation#shinlhu

story

ပါးစပ်ဟတိုင်းကောင်းတယ်မထင်နဲ့🥱🙊🤧🤠🥸😎

ရှင်လူက မနက်ဘက် ရွှေနဂါး-၃ လက်ဖက်ရည်ဝိုင်းကို

"ရွှေနဂါး-၃ လေသိုင်းအဖွဲ့"လို့

တင်စားလေ့ရှိပါတယ်။ဒီအဖွဲ့လေးမှာ အသက်အားဖြင့် ငါးဆယ်ကျော်ကစပြီး ခြောက်ဆယ်ကျော် ခွန်နှစ်ဆယ်ကျော် ရှစ်ဆယ်ကျော်တွေထိပါသလို လူပျိုကြီးတွေ မုဆိုးဖိုတွေနဲ့ လက်ရှိအိမ်ထောင်သည်တွေလည်းပါကြပါတယ်။တခုထူးခြားတာက ဒီအဖွဲ့ဝင်အားလုံးလိုလိုဟာ လွတ်လပ်ပွင့်လင်းကြတဲ့အတွက် Open Society လေးတခု ဆိုရင်မမှားဘူးပေါ့ဗျာ။နေ့စဉ် မနက်၉နာရီလောက်ဆို စက်ဘီးလေးတွေနဲ့ ဖြစ်စေ လမ်းလျောက်ရင်းဖြစ်စေ ရွှေနဂါး -၃ ကိုရောက်လာလေ့ရှိကြပါတယ်။ဘဝတွေကလည်းအမျိုးမျိုးပေါ့ ဝန်ထမ်း အငြိမ်းစားတွေပါသလို တက္ကစီဆရာ ဆိုက်တွဲဆရာကအစ ရွှေဆိုင်ပိုင်ရှင်အထိပါကြပါတယ်။တနေ့တနေ့ ဆွေးနွေးကြတဲ့အကြောင်းအရာတွေကလည်း အမျိုးစုံလှတယ်။နိဗ္ဗာန်ကအစ တောင်ကြာပန်းတို့ မြဟင်္သာတို့အထိ။အသက်အကြီးဆုံး ရှစ်ဆယ်ကျော်ပုဂ္ဂိုလ်က "နိဗ္ဗာန်ဆိုတာ နိဝါန ၊လွတ်မြောက်တာကိုခေါ်တာ"ဆိုတဲ့အပြောမျိုးကလည်း နေ့စဉ် မကြားချင်အဆုံး။သူနိဗ္ဗာန်အကြောင်းပြောနေတုန်း တယောက်က တောင်ကြာပန်းအကြောင်းဝင်ထောက်လိုက်ပြန်တော့လည်း အဲဒီအဘက သူ့မှာ သားသမီး ခွန်နှစ်ယောက်မို့ လုပ်သားမောင်ဖြစ်ကြောင်းဂုဏ်ယူဝင့်ကြွားပြန်တယ်။ရှင်လူကြီးလည်း နဂါး-၃ ဝိုင်းသားပြီပြီ တခါတခါတော့ ဝင်ပြောမိတာပေါ့။အဲဒါ ဒီနေ့တော့ မျက်နှားချင်းဆိုင်ထိုင်နေတဲ့ ကိုမျိုးက "အကို့ ပါးစပ်ကအနံ့ကလည်း ဒီကတောင်နံတယ်"တဲ့။ "ဗုဒ္ဓေါ..."

"ဟုတ်တယ် ၊ကျနော်လည်းပြောမလို့ အားနာလို့"တဲ့။ဘေးချင်းယှဉ်ထိုင်နေတဲ့ ကိုကွန့်က ဝင်ထောက်ခံတယ်။သူတို့ပြောတာမှန်နေတော့လည်း

ရှင်လူကြီးအားနာနာနဲ့ ပါးစပ်ကိုပိတ်ပြီးငြိမ်‌နေလိုက်ရတယ်။       

       တခါက မော်စီတုံးရဲ့ဆရာဝန်လေးကမော်စီတုန်းကို"ဥက္ကဌကြီးခင်ဗျာ ၊ကျန်းမာရေးအတွက်သွားကိုမှန်မှန်တိုက်ဖို့လိုပါတယ်"လို့ပြောတော့ မော်က"ဟ..ကျားတွေကသွားမတိုက်ပေမယ့်သူတို့သွားတွေကချွန်ထက်နေတာပဲ"လို့ပြန်ပြောသတဲ့။

မော်စီတုံးဆိုတာ Lin Biao နဲ့ Confucius ကို ဆန့်ကျင်ခဲ့သလို ဘာသာရေးကိုဘိန်းလို့ဝေဖန်ခဲ့တဲ့ တော်လှန်ရေးသမားပဲ။နည်းနည်းနောနောပုဂ္ဂိုလ်မှမဟုတ်တာ။ရှင်လူဆိုတဲ့ကောင်ကလည်း "ဘဝကို တယုတယဝိုင်ခွက်လိုမုန်းတယ်၊ထန်းတောထဲကဝါးဆစ်ခွက်လိုသောက်ပြီးလွှင့်ပစ်ချင်တယ်"လို့ ကဗျာရေးခဲ့ဖူးတယ်။ဥဒိစ္စဝင်နေတဲ့ကောင်။သွားတိုက်ရမှာပျင်းလို့ မော်စီတုံးလမ်းစဉ်လိုက်ခဲ့တာ။ခုတော့ Open Society (ပွင့်လင်းလူ့ဘောင်)ကလက်မခံဘူး။ကိုမျိုးရဲ့ကန့်ကွက်အဆိုကို ကိုကွန့်ရဲ့ထောက်ခံချက်နဲ့ ရှင်လူကြီးသွားပြန်တိုက်နေရပြီ။အင်းလေ ပါးစပ်ပုပ်ကြီးတွေအတွက်ဆင်ခြင်စရာပေါ့။

story #observation#shinlhu

story

အရိပ်ပြရင် အကောင်ထင်ပြီးသား ဖွေးဖွေးသိမ့်

👩👩👩👩👩👩👩👩👩👩👩

ဒီညနေ ဖွေးဖွေးသိမ့် မူကြိုကပြန်ရောက်တော့ 

ရှင်လူ့အခန်းထဲတန်းဝင်လာပြီး တူတချောင်းယူသွား

တယ်။ ပြီးတော့ ရှင်လူ့အခန်းရှေ့မှာတင်

ဗာဒံသီးတွေထုတော့တာပဲ။ သူ့အမေနဲ့အတူ

ကျောင်းကအပြန်လမ်းမှာ ဗာဒံသီးတွေကောက်ခဲ့ဆိုပဲ။ 

ငမိုးရိပ်ကိုဖွေးက"မေမေကလဲ..မြန်မြန်ကောက်ပါဆို"ပြီး လောဆော်သတဲ့။ ဒီဗာဒံသီးကိုထုခွဲပီး အဆံကိုစားလို့ရတယ်ဆိုတဲ့အသိကလည်း တကယ်တော့ အသက်မွေးမှုနဲ့ဆိုင်တဲ့ပညာပဲ။ တချို့ကလေးတွေဆို ဒါမျိုးမသိပဲကြီးလာကြတာတောင်အများကြီးရှိတယ်။ဒါတွေက ဆရာ

ဆရာမတွေကသင်ပေးတာမဟုတ်ဘူး။အတွေ့အကြုံရှိတဲ့ ကျောင်းသားတွေက ရှေ့ကဦးဆောင်လုပ်ပြတာ အတုခိုးရတာ။ရှင်လူတို့ငယ်ငယ်ကဆို လယ်ထဲ 

ငါးနှိုက်ဖားနှိုက်ကအစ လက်တွေ့သင်လာခဲ့ကြတာ။

ဖွေးတယောက်ဗာဒံသီးထိုင်ထုနေတုန်း သစ်သီးလှည်း

အော်သံကြားတော့"မာလကာသီးစားမယ်"ထအော်တယ်။ဒါနဲ့အသည်ခေါ်လိုက်ဆိုပြီး ရှင်လူကြီးက ပိုက်ဆံ

အိတ်ဝင်ယူရတယ်။ မာလကာသီးအလုံးကြီးတလုံး

ခြောက်ရာတဲ့။ အခွံခွာ လှီးစိတ်ပြီး အချိုအစပ်နယ်ပေးတာဆိုတော့ ဖွေးအတွက်အချို ၊ရှင်လူ့အတွက်အစပ် 

နှစ်ထုပ်ခွဲဝယ်ရတယ်။အဲဒါ ဖွေးက စားနေရင်း အပေါ်

ထပ်က သူ့ဖွားဖွားနွဲ့ခေါ်လို့တက်သွားတော့ မာလကာသီးထုပ် လှေကားမှာချိတ်ခဲ့ပြီးတက်သွားတယ်။သူမရှိတုန်း

ရှေ့အဆောင်က မာမာအေးကနှိုက်စားတာပေါ့။

သူပြန်ဆင်းလာတော့ သူ့မာလကာသီးတွေနည်းနည်းပဲကျန်တော့တယ်ဆိုပြီးပြဿနာလုပ်တယ်။ ဒါနဲ့ ရှင်လူက "သမီးမာလကာသီးကို နာမည်မှာ မ ပါတဲ့သူ

ယူစားတာ"ဆိုတော့ မာမာအေးဆီတန်းသွားတယ်။ မာမာအေးက"မ ပါတာ ငါတယောက်ထဲမဟုတ်ဘူး 

မနွဲ့လည်းရှိသေးတယ်"ဆိုတော့ ဖွေးက ပြန်ပြောတယ်

"ဒေါ်နွဲ့ပါ"တဲ့။ ကဲ ဖွေး တရားခံဖမ်းပုံ မပိုင်လား..

ဟား..ဟား..

story #observation#shinlhu

story

စာမှုကူညီ​ရေးတပ်​ဖွဲ့

❀ ♡ ♥ ♪ ❀ ♡ ♥ 

``ရှင်​လူ​ရေလာကြည့်စမ်း စာက​လေး​သေး

​သေး​လေး´´အိမ်​​ရှေ့မှာ ဇွဲနဲ့ကစား​နေတဲ့​ ​ဖွေး​ဖွေးသိမ့်အသံစာစာ​ကြောင့်

ရှင်​လူထွက်​ကြည့်လိုက်​တယ်​။ အိမ်​​ရှေ့

​မြောင်းကူးကွန်​ကရစ်​တံတားအစပ်​မှာ

အပျံသင်​စ စာသူငယ်​​လေးတ​ကောင်​။

ဒီတိုင်းဆို လမ်း​ပေါ်​ရောက်​သွားရင်​ စက်​ဘီး​တွေကား​တွေနဲ့ဒုက္ခ​ရောက်​သွားမယ်​။ ​မိငယ်​ဆိုင်​​အောက်​ဝင်​သွားရင်​လည်း

​မြေကြွက်​​တွေအဆွဲခံရမယ်​။ဒါနဲ့ ကိုက်​တံယူပြီးစက်​ဘီး​တွေကြားထဲဝင်​သွားတဲ့စာငယ်​ကို​ကော်​ထုတ်​ပြီး ဖမ်းရတယ်​။

ပြီး​တော့ ရှင်​လူ့စက္ကူပန်းကိုင်း​ပေါ်တင်​​ပေး

လိုက်​တယ်​။စာသူငယ်​ကလည်းအသည်းငယ်​လိုက်​တာ

ပန်းကိုင်းကိုတွယ်​ရင်း​ခေါင်းကိုနံရံ​လေဝင်​​ပေါက်​ထဲဝှက်​ထားတယ်​။

``ဓာတ်​ပုံရိုက်​ ဓာတ်​ပုံရိုက်​´´​ဖွေး​အော်​မှ

ဓာတ်​ပုံရိုက်​ဖို့သတိရတယ်​။ဖုန်းဝင်​ယူပြီး

စာသူငယ်​ကိုတပုံရိုက်​လိုက်​တယ်​။ပြီး​တော့

``စာက​လေးကိုကယ်​တဲ့သူ​တွေလည်းရိုက်​ရမယ်´´ဆို

​တော့​ဖွေးက``လာဒီနားမှာရိုက်​ရမယ်​´´ဆိုပြီးဇွဲကို

ဖက်​ရင်းအသာတကြည်​ အရိုက်​ခံတယ်​။ဓာတ်​ပုံ​တွေ

ရတာနဲ့ fb ​ပေါ်တင်​ဖို့ စာထိုင်​​ရေးရတယ်​။

စာ​ရေး​နေတုန်း ဟင်းအိုးနံ့ရကာမှ ဒယ်​နီထဲမှာဝက်​သားနဲ့ပဲငါးပိလုံး​ရေထည့်ပြီးလုံးထားတာသတိရတယ်​။ကမန်းကတမ်း

​ပြေးပြီးမီးခလုတ်​ပိတ်​အဖုံးဖွင့်ကြည့်လိုက်​

​တော့ ဝက်​သား​တွေကပ်​​နေပြီ။

တတ်​နိုင်​ဘူး အနားမှာအသင့်ရှိတဲ့ခွက်​ထဲက

​ရေ​တွေအများကြီး​လောင်းထည့်ပြီးမနည်းခွာရတယ်​။

ဒါရှင်​လူတို့``စာမှုကူညီ​ရေးတပ်​ဖွဲ့´´ရဲ့မှတ်​တမ်းတခုပါပဲ။

story #observation#shinlhu

story

ပြည်ထောင်စုနေ့ နီးပါပြီ

💻👿💻😖💻👿💻😖

ညနေ ၇နာရီ ကျော်ကျော်လောက် အပြင်က "ဧည့်သည်လာတယ်၊တံခါးဖွင့်ပေးပါအုံး"ဆိုတဲ့အသံကြောင့် ထကြည့်လိုက်တော့ အငယ်လေးဖြစ်နေတယ်။အငယ်လေး သံတွဲမှာ

ဆိုင်ပြန်မဖွင့်ခင်တခေါက်ကတွေ့လိုက်ပြီး လအတန်ကြာမတွေ့ဖြစ်ခဲ့။"ခု..ဘယ်ကလာတာလဲ"ဆိုတော့" ပု သိမ်က တန်းလာတာ"တဲ့။

"ဒါဆို သရုပ်ပြပွဲမှာ ပါခဲ့တာပေါ့ "ဆိုတော့ "ဟုတ်တယ်၊ပုသိမ်မှာရောက်နေတာ တပတ်ကျော်ပြီ"တဲ့။ပြီးခဲ့တဲ့ 8/1/2020

နေ့က ဧရာဝတီ တိုင်း ဒေသကြီး ၊ကန်ကြီးထောင့်မြို့နယ်၊

အုတ်စီကုန်းကျေးရွာမှာ ရှင်လူကြီးတို့ TET ကုမ္ပဏီ ကတောင်သူများ စိုက်ပျိုးရေးအတွက် လိုအပ်တဲ့ရေရရှိဖို့

နေရောင်ခြည်စွမ်းအင်သုံး

Solar Pump များနဲ့ ရေတင် သရုပ်ပြပွဲကတည်းက ရောက်နေပုံရပါတယ်။

အငယ်လေးက ဆိုင်ထဲဝင်ပြီး

Solar Pump ​​တွေကိုကြည့်ရင်း

"ဒါတွေခန ဝင်ကြည့်တာ"တဲ့။

"ဒီ...Solar Pump တွေက ဘက်ထရီမလိုဘူးနော်"ဆိုတော့။

"ဟုတ်တယ်"

"ဒါဆို တော်တော်အဆင်ပြေတာပဲ၊ဆိုလာပြားနဲ့ ပန့်နဲ့ ဒါရိုက်ရေတင်နိုင်တာပေါ့"

အငယ်လေး Solar Pumpကြည့်အပြီး နှစ်ယောက်သားဆိုင်ရှေ့ထွက် ဆေးလိပ်သောက်ရင်း ခနတဖြုတ်စကားစမြည်ပြောကြတယ်။စကားပြောပြီးကြတော့"ဒီည ပုသိမ်ကိုပဲပြန်တော့မယ်"ဆိုပြီး အငယ်လေးက ဆိုင်ရှေ့ရပ်ထားတဲ့LiteTruck ပေါ်တက်ပြီးထွက်မယ့်ဆဲဆဲ ကားရှေ့ မလှမ်းမကမ်းမအူပင်နားမှာလူတယောက်လမ်းကျောပေးထိုင်နေတာတွေ့ရတယ်။အငယ်လေးက သူ့ကားဟွန်းကိုနှစ်ချက်သုံးချက်လောက်တောက်လိုက်လို့ ရှင်လူက"ဘာလဲ..သေးထိုင်ပေါက်နေတာလား"မေးလိုက်တော့

"မဟုတ်ဘူး၊ကြွက်အရှင်ကို ဟိုဘက်ခြမ်းမှာမလွှတ်ပဲ၊ဒီဘက်လာလွှတ်နေတာ၊အတော်ဆိုးတဲ့လူပဲ"တဲ့။ရှင်လူကအငယ်လေးလောက်အမြင်အာရုံမကောင်းတော့ အသေးစိတ်မမြင်လိုက်ရဘူး။မလှမ်းမကမ်းမှာလည်းအရက်ဆိုင်တွေကရှိနေတော့ အရက်သမား မူးမူးနဲ့သေးထိုင်ပေါက်နေတယ်ထင်တာ။တကယ်တော့ ဇီဇဝါ(၂)အိမ်ယာဘက်ခြမ်း

မြင်သာဘက်က​​နေ

သံသုမာလမ်းမကြီးကိုကူးပြီး

ရှင်လူတို့ (၅)ရပ်ကွက်ခြမ်းမှာ

ကြွက်လာလွှတ်တာ။

အင်း...ဒီလူတွေကိုပြည်ထောင်စုစိတ်ဓါတ်ဘယ်လိုသင်ပေးရပါလိမ့်။

story #observation#shinlhu

story

 ခါး၊နှာ၊လိပ်၊မျက် ဗျာဓိစက်

           😠🤔🤗😕🐽🤧

           ၂၀၂၁ နဲ့ ၂၀၂၂ အကူးကာလမှာ ရှင်လူ ကြီးကို နှိပ်စက်နေတာ အဲ့ဒီ ခါး၊နှာ၊လိပ်၊မျက် ဆိုတဲ့ ဗျာဓိ လေးကောင် ပေါ့ဗျာ။

            ၂၀၂၁ သြဂုတ်လကစ ပြီး ခါး ဆိုတဲ့ကောင် ခါးစနာလိုက်တာ နှစ်လကျော် သုံးလ

နီးပါး ထိုင်မရ ထမရ ကွတတနဲ့Gofan-400 လို အကိုက်အခဲပျောက်ဆေး ခပ်ပြင်းပြင်းတွေ သောက်ရတဲ့အထိပါပဲ။ အဲဒီခါးနာ ပျောက်ခါ ရှိသေး နှာ ဆိုတဲ့ နှာခေါင်း ကမ ကြုံ စဖူး သွေးတွေ ခွန်နှစ် ကြိမ်ရှစ် ကြိမ်ယိုလို့ အချိန်မတော် ကြီးအောင်ရတနာ ရောက်လိုရောက် ၊လက မ္ဘာဆေးခန်းက နားနှာခေါင်းပါရဂူ

ကြီးဆီ ရောက်လိုရောက် နဲ့ Azeptil -500

လို ဈေး ကြီးတဲ့ သွေးပြစ်ဆေးတွေ ဝယ်သောက်ရ ပြန်တယ်။ ဟော အဲဒါလည်း ပြီးရော

လိပ်ဆိုတဲ့ လိပ်ခေါင်းက သွေးယို လို့ တကဒ်

၇၅၀၀ ပေးရတဲ့ လိပ်ခေါင်းဆေး Daflon

500တွေ ဝယ်သောက်ရ ပြန်ကရော။ အခု

လိပ်ခေါင်းက ဆေးပတ်မလည်သေးဘူး မျက်ဆိုတဲ့ ခွဲထားတဲ့ ညာဘက်မျက်စိက ဒုက္ခပေးလာ ပြန်တယ်။ ၂၀၂၀ ၊ဖေ ‌ဖေါ်ဝါရီတုန်းက

သုခ ကိုသိုလ် ဖြစ်ဆေးခန်းမှာ တ ပြားမှမကုန်ပဲ

မျက်စဉ်းကအစ အလကား ခွဲပေးခဲ့တာ။ မျက်စိပါရဂူ ဒေါက်တာ ချိုချိုလှိုင်ကိုယ်တိုင် ဦးဆောင်လို့ပေါ့။ ခု အဲ့ မျက်စိက စာဖတ်ရင်း ဝါးလာတယ် ။အဲဒါ တနှစ် ပြည့်တုန်းကတော့ ကိုဗစ်တွေ CDM တွေနဲ့ ပတ်ချာလိုက်နေတော့ ကုမ္ပဏီနဲ့ နီးတဲ့ သထုံ မျက်မှန် ဆိုင်မှာပဲ တွေ့တဲ့ဆရာဝန်နဲ့ ပြ ပြီး မျက်မှန်လဲ မျက်ရည်တု မျက်စဉ်းခပ်နေခဲ့တာ ခု ဘာ ကြည့် ကြည့် အားမရတော့ ဘူး။စက်ဘီးစီးလာရင်း လမ်းဘေးက

လက်ပြနှုတ်ဆက်တဲ့ မိတ်ဆွေတွေတောင် ဘသူမှန်းမသိလို့ခပ်‌ကြောင်‌ကြောင် ပြန် ကြည့်ခဲ့တာ တချို့က ချေတယ်ထင် ပြီး စိတ်ကောက်ကုန် ပြီ။ ကဲ မထူးဘူး ဝိပါက် ဝဋ်‌ကြွေးဆိုတာ ကုန်အောင်ဆပ်ရမယ်။ ဒီလ ထုတ်ထားတဲ့ လခ အိတ်ထဲနှိုက် ကြည့်တော့ ၁၅၀၀၀ ပဲကျန်တယ်။ ဟိုဟို ဒီဒီ စုံစမ်း ပြီးရှာလိုက်တော့

အရင် မျက်စိခွဲပေးတဲ့ ဒေါက်တာ ချိုချိုလှိုင်

‌မြောက်ဥက္ကလာ ကန်သာယာ က သထုံမျက်မှန်ဆိုင်မှာ ကြာသာပတေးနေ့တနေ့ထဲ ထိုင်သတဲ့။ကဲ ဒီငွေ တသောင်းခွဲနဲ့ ကြံစမ်း။

ဖွေးဖွေးသိမ့်အဖေ မောင်ဝင်းက ရှင်လူ ပိုက်ဆံချေးနေကျ ဘဏ်တခုပဲ။တ က္ကစီသမားဆိုတော့ တနေ့တနေ့ အုံနာ‌ကြေး နဲ့ အိမ်စားရိပ်ရှာ ပြီးရင် မိန်းမမသိအောင် ဒိုင်လျှိုုရှာစုထားတဲ့ ပိုက်ဆံ သပ်သပ် ရှိတယ်။ ကားအက်ဆိဒင့်

ကိစ္စမျိုးကအစ အရေးပေါ် ပြင်ဆင်စရာကိစ္စတွေအထိ ကားသမားဆိုတာ ပြင်ထား မြဲ။။ဒီတော့ "မောင်ဝင်းရေ ၊ငါ့ ပိုက်ဆံချေးအုံး"ဆိုတော့

"ခုမှ လဝက်မကျိုးသေးဘူး၊ ရှင်လူ ဘာတွေ

လျှောက်သုံးနေလဲ"တဲ့။"ဒီလို ပဲကွာ ငါ့မျက်စိကပါရဂူနဲ့ ပြန်ပြမှ ရတော့မယ်"ဆိုတော့ မောင်ဝင်းက သဘောပေါက်တယ်။ရှင်လူ့ကျန်းမာရေးကိစ္စဆို သူမနေနိုင်ဘူး။ဒီမျက်စိခွဲတုန်းကလည်း

ကိုကျော်သူရဲ့ သုခဆေးရုံ ကို သူ့တက္ကစီနဲ့ပဲ ပို့ပေးခဲ့တာ။နှာခေါင်းသွေးယိုတော့လည်း ဆေးရုံကိစ္စတွေ သူ့ကားနဲ့ပို့တာချည်းပဲ။ ခုလည်း

ပါရဂူနဲ့ ပြမယ်ဆိုတော့ "ဘယ်ချိန်လဲ"တဲ့။အဲဒါ

မနက် ၉ နာရီ ဘွတ်ကင် လုပ်ပြီးမှပဲ တိုကင်နံပတ်၁၇ ၊မနက် ၁၁ နာရီလောက် လို့ သူ့ ကိုဖုန်းဆက်‌ပြောတော့ "အိမ်ကစောင့်နေ၊ သူအော်ဒါ ပို့ပြီး ပြန်ခဲ့မယ်"တဲ့။ ဒီလိုနဲ့ သူ့တက္ကစီလေးနဲ့ပဲ ‌မြောက်ဥက္ကလာ "သထုံ"ဆေးခန်း ရောက်လာခဲ့တယ်။ ကိုယ့်အလှည့် စောင့်နေရတော့

သူ့ကိုအားနာလို့ "မင်းသွားစရာရှိသွားလေ၊ ငါ့ဖာသာ ဘတ်စ်ကားနဲ့ ပြန်မယ်"‌ပြောလည်းမရဘူး ပေကပ်နေတယ်။ခဏနေတော့ ကြိုဖုန်းဆက်ထားလို့ သူ့ယောက်ဖ ဖွေးဦးငယ် လည်းဆိုင်ကယ်လေးနဲ့ ရောက်လာတယ်။ ဖွေးဦးငယ်က

ကန်သာယာ ပြီး နောက်တမှတ်တိုင် ဧရာမှာ Co Co နံမည်နဲ့ Bubble tea ဆိုင်ဖွင့်ထားတဲ့ Boss လေ။လိုရမယ်ရ ပိုက်ဆံ ဆောင်လာခဲ့လို့ မှာထား ပြီးသား။

            ဒေါက်တာ ချိုချို လှိုင်နဲ့ တွေ့တော့

၂၀၂၀ တုန်းက သုခမှာ ဒေါက်တာကိုယ်တိုင်ခွဲပေးထားတာဆိုတော့ ဒေါက်တာက သဘောပေါက်တယ်။အသေအချာ စမ်းသပ်စစ်ဆးပြီး မျက်မှန်လဲ၊မျက်စဉ်းခပ်ဖို့အ ကြံပေးတယ်။

ဘယ်ဘက်မှာ တိမ်ရှိနေပေမယ့် မစိုးရိမ်ရသေးဘူး။ ခုညာဘက်ကလည်း ခွဲ ပြီး ထည့်ထားတဲ့မှန်ဘီလူးကချိုးကပ်တဲ့သဘော တဲ့။ လေဆာပစ် ရင်ရပေမယ့် ငွေကုန်မယ်။မျက်မှန်လဲလည်းအဆင်‌ပြေပါတယ် တဲ့။ ခွဲကတည်းက သုခကုသိုလ် ဖြစ်မှာ သူကိုယ်တိုင် ဖရီးခွဲပေးထားတဲ့ လူနာပဲ။ဒီငနဲ ကြီး ရှင်လူ ဆိုတာ အနံ ကြီးကွင်းကျယ် မဟုတ်။ ရှင်လူသာ ဘောစိဆို လေဆာနဲ့တင်မက အနီအောက်ရောင်ခြည်တွေ ခရမ်းလွန်ရောင်ခြည်တွေနဲ့ပါ ပစ်ရ ပစ်ရ ၊ဘာအရေးလဲ။

          ခု ကောင်တာမှာ ငွေရှင်းတော့ မျက်မှန်(ကိုယ့်ကိုင်းဟောင်း)နဲ့၊ မျက်ရည်တု မျက်စဉ်း၊

စမ်းသပ်ခ စုစုပေါင်း သုံးသောင်း လေးထောင့်ငါးရာ။ ဟိုထဲဒီထဲ နှိုက်လို့ မ ပြည့်လည်း ဘာအရေးလည်း အနားမှာ ဘောစိ နှစ်ယောက်ပါတာ။ရှင်လူတို့က ငွေချေးမယ့် လူတောင်

Plan a,b,c အသင့် လုပ်ထားတတ်တာဆိုတော့ သမတ လောက်တော့ တက်လုပ်လို့ရလောက်တယ်။

         အဲ့ဒါ မောင်ဝင်း တက္ကစီပေါ် တက်ခါနီး

ဖွေးဦးငယ် Boss ဆီက"ငွေ တသောင်းလောက်ပေးအုံး"ဆိုတော့ ဟိုက ရုတ်တရက် သွေးတက်သွားတယ်။ "မဟုတ်ဘူးလေ၊ လခထုတ်တော့ ပြန်ပေးမှာပေါ့၊ ညနေ ဆေးခန်း ပြရင် လိပ်ခေါင်းဆေး Daflon တကဒ် ၇၅၀၀ နဲ့ဝယ်ရအုံးမှာ၊ ဆေးကကုန်နေ ပြီ ဆိုမှ တသောင်းတန်တရွက်ထုတ်ပေးတယ်။

        တကယ်တော့ လူတယောက် ကျန်းမာဖို့ အသက်ရှည်ဖို့ ရာ လူလိုမှ နတ်လို ၊နတ်လိုမှ

ဂြိုဟ်မ ဆိုသလို သားသမီးလို အမျိုးအဆွေလို

ကလျာဏ မိတ္တ ကောင်းတွေရှိဖို့လည်း လိုပါတယ်။ ရှင်လူ ကြီးမှာဆို ကုမ္ပဏီ မန်နေဂျာအမ ကအစ ခုတလော လခထုတ်တိုင်း ဆေးဖိုး အပိုဆောင်း ငွေလေးတွေထည့်ထုတ်ပေးနေတာ။

story #observation#shinlhu

story

အာငူးကြော်ကို လွတ်လပ်ရေးပေးလိုက်ပြီ🎃👍☃️🎶🌞👻🥳

           ဒီနေ့လည်ခင်း ဖွေးဖွေးသိမ့်တယောက် အာလူးကြော်မလို့တဲ့၊ အာလူးတွေပြုတ်ထားပြီး ကွန်ပျူတာရှေ့ YouTube ထိုင်ကြည့်နေတယ်။အချိန် အတန်ကြာတော့ သူ့အမေငမိုးရိပ်က

"ဟဲ့...ဖွေးဖွေး နင့်အာလူးတွေ ရနေပြီ ၊ပြုတ်ထားတာကြာလှပြီ" ဆိုတော့ ဖွေးက "ရတယ် နေပစေ၊ချေပြီးကြော်မှာ"ဆိုပြီး ကွန်ပျူတာပဲဆက်သုံးနေတယ်။ရှင်လူကြီးလည်းဘိုက်ထဲဆာသလိုလိုမို့ သူ့အာလူးကြော်ကိုနားစွင့်နေမိတယ်။ခဏနေတော့ ဖွေးကွန်ပျူတာပိတ်ပြီးထသွားတာတွေ့လိုက်တယ်။ငါးမိနစ်‌လောက်အကြာရှင်လူမီးဖိုချောင်ဘက် လိုက်ဝင်သွားတော့ ဖွေးက အာလူးပြုတ်တွေနယ်ဖတ်ပြီး အလုံးကလေးတွေလုံးနေတယ်။

"အဲ...ငါ့သမီးလေး အာလူးကြော်နေတာ ဓပုံရိုက်ချင်တယ်"

"ဟင့်အင်း...ရိုက်နဲ့"

"ဘာဖြစ်လို့လဲ၊ရိုက်ပြီး မောင်ဝင်းဆီပို့ပြီး သူ့သမီးလုပ်တတ်တာသိအောင်ပြရမယ်"

"ရိုက်နဲ့ ဘာဘာသိပြီးသား"

"ရှင်လူကတိပေးပါတယ်၊လိုင်းပေါ်မတင်ပါဘူး၊ရှင်လူမလိမ်တတ်တာသမီးသိရက်သားနဲ့"

"ဟင့်အင်း ယုံဘူး ၊ရိုက်နဲ့"

ဒီလိုနဲ့ပဲ ရှင်လူကြီး အိမ်ရှေ့ခန်းပြန်ထွက်လာခဲ့တယ်။သူ

၁၂ နှစ်သမီးအရွယ်ရောက်နေပြီ။သူမကြိုက်တာ ၊ဆန္ဒမပါတာကို ရှင်လူ ဇွတ်အတင်းလုပ်လို့မဖြစ်တော့ဘူး။ဒီလိုနဲ့အာလူးကြော်တွေကျက်တော့ ဖွေးပန်းကန်နဲ့ထည့်လာပြီးကွန်ပျူတာရှေ့ပြန်ထိုင်တယ်။ပြီးတော့ အာလူးကြော်တလုံးရှင်လူ့ကိုလာကျွေးတယ်။ရှင်လူကိုက်ဝါးလိုက်တော့ အရသာရှိလိုက်တာ။ဒါနဲ့ "ထပ်ပေးအုံးလေ ရှင်လူဘိုက်ဆာနေတာ"ဆိုတော့ သုံးလေးလုံးထပ်ပေးတယ်။ရှင်လူလည်း သူ့လက်ထဲက ဆော့ ပုလင်းယူပြီးဆော့နဲ့တို့စားပေါ့။ကောင်းလိုက်တာ။လွန်ခဲ့တဲ့ ဆယ်နှစ်ကျော်အတွင်းအန်တီမတင့်ဆိုင်နဲ့ မီနီစတိုးတွေရောက်ရင်ဖွေးအကြိုက်ဆုံးက အာငူးကြော်နဲ့ ရေခဲမုန့်ပဲ။အများအားဖြင့် Amigo Potato Chip ဘူးလေးတွေသူကြိုက်တတ်တယ်။တဖြည်းဖြည်းဈေးတက်လာတာတောင် ဖွေးအတွက်ဆို ရှင်လူမနှမျော။ခုတော့ ဖွေးတယောက် ကိုယ့်အာငူးကြော် ကိုယ်တိုင်ကြော်စားတတ်နေပြီ။ရှင်လူဖုန်းထိုင်ပွတ်နေတုန်းအနားကိုဖွေးရောက်လာလို့မော့ကြည့်လိုက်တော့ အာငူးကြော်တလုံးချဉ်ရည်နဲ့တို့ပြီးရှင်လူ့ပါးစပ်ထဲခွန့်ကျွေးသွားလေရဲ့။

              နှစ်သစ်နဲ့အတူ လွတ်လပ်ပျော်ရွှင်ပါစေသမီးလေး ဖွေးဖွေးသိမ့်(ခေါ်) ချောစုရတီစံရေ🤩🥳🌞🥰🎈

story #observation#shinlhu

Awesome

story

2026 အတွက်မင်္ဂလာတပါး😥🌞🎉🎂☃️😄🤣🤕🎃😍😓🎵🎶👍

"မနက်ဖြန် Workshop မှာ new year party လုပ်မှာ မနက်ကနေ ညအထိပါ

Shop 1 မှာ မနက် ၇နာရီ စုရပ်ပါ

အစားအသောက်နဲ့ကံစမ်းမဲအစီအစဉ်တွေ ရှိတာမို့ 

ဦးလဲ လိုက်ခဲ့လို့ရပါတယ်"

         မန်နေဂျာ အမရဲ့ msg ထဲက massageကိုကြည့်ပြီးရှင်လူကြီး ချက်ချင်းဆုံးဖြတ်ချက်ချလိုက်တယ်။

စိတ်အခြေအနေကတော့ခပ်မှိုင်းမှိုင်းပဲ၊ ဒီလိုပါတီပွဲမျိုး မိမိနဲ့သင့်တော်လှတယ်မမြင်။ဒါပေမယ့်"အစား

အသောက်နဲ့ ကံစမ်းမဲ အစီအစဉ်"ဆိုတာတော့ မျက်လုံးကကျယ်သွားတယ်။ကံစမ်းမဲဆိုတာက ခုလို2025 ရဲ့နှစ်ကုန်ရက် December 31 ရက်မှာ လူတိုင်းမျှော်လင့်ချင်ကြတာပဲ။အစားအသောက် ဆိုတော့လည်း အမြဲ ကြုံသလို ဖြစ်သလို စားသောက်နေရတဲ့ တကိုယ်ရေသမားရှင်လူ့အဖို့ မက်လောက်စရာ။ဒါနဲ့ပဲ နှစ်ကူး Staff party ကိုသွားဖို့ဆုံးဖြတ်လိုက်တယ်။အဲ. .party လုပ်မယ့်နေရာ Work Shop ကိုရောက်တော့ မနေ့ညနေထဲကကြိုတင်စီစဉ်နေကြတဲ့ ရှင်လူတို့ ဆိုင်Shop 1 ကမော်ဒယ်တွေက လှီးချွတ် ပြင်ဆင်ချက်ပြုတ်နေကြပြီ။Workshop က ကောင်လေးတွေကလည်း မီးသွေးအိတ်သယ်တဲ့သူကသယ်၊ရေခဲအိတ် ရေခဲပုံးပြင်သူကပြင် ဘီယာကဒ်တွေ အချိုရည်နဲ့ ဝိုင်ပုလင်းတွေ ရေခဲစိမ်သူကစိမ်နဲ့ ပျားပန်းခပ်နေရဲ့။ခဏနေတော့ ကောင်လေးတဖွဲ့ ကစတီးစားပွဲနဲ့ခုံတွေကိုနေရာချ။မယ်တော်တချို့က ပလပ်စတစ်စားပွဲခင်းအသစ်တွေဖောက်ပြီးခင်း၊ပူပေါင်းတွေမှုတ်ပြီးကြိုးတန်းအလှဆင်။မကြာခင်မှာ တယောက်က နန်းကြီးသုပ် ပန်းကန်တွေ စားပွဲပေါ် စီချလာတယ်။ကောင်လေးတယောက်က"စားလို့ရပြီအဘ"လို့ပြောလာတော့ မနက်ကရပ်ကွက်ထဲစားနေကျ ထမင်းကြော်ဆိုင်က ထမင်းကြော်တပွဲစားထားတဲ့တိုင် ဘိုက်ထဲကဟာတာတာမို့ (အင်း ဆီးချိုသမား ခဏခဏဆာတတ်တယ်ဆိုတာအမှန်)စားပွဲမှာဝင်ထိုင်ပြီးဝါးတီးကိုစဖွင့်လိုက်တယ်။Shop1 ကမော်ဒယ်တွေလက်ရာမဆိုး၊ ပဲမှုန့်များများ ချဉ်ငံစပ် အနေတော် ဆိမ့်ဆိမ့်လေးမို့ တပွဲကုန်အောင်တီးလိုက်တယ်။နန်းကြီးသုပ်စားအပြီးမှာ ကောင်လေးတချို့ Tiger ဘီယာဘူးရှည်လေးတွေကစ်နေတာတွေ့လို့ ရှင်လူလည်း တဘူး တောင်းယူပြီး ဖွင့်လိုက်တယ်။တလောတုန်းကပဲ သွေးတိုးအပေါ်သွေး နှစ်ရာတိုးထားလို့ "ကောင်းဆေးခန်း" ရက်ခြားနှစ်ခါသွားလိုက်တာ နှစ်သောင်းခွဲလောက်ကုန်ထားတာ။အဲတော့ တအားကစ်လို့တော့မဖြစ်။တစိမ့်စိမ့်ပဲငုံမှဖြစ်မယ်။

ကိုယ့်သတိသမ္ပဇဉ်နဲ့ကိုယ် ဘီယာတဘူးနဲ့တနေကုန်ဆိုပါတော့။ဒီလိုနဲ့ ကာရာအိုကေ အော်ဆိုနေတဲ့ကလေးတွေက အတင်းလာဆွဲ ပြီးမိုက်ထိုးပေးလို့ အင်တင်တင်နဲ့ပဲ အငဲရဲ့ "မျှော်လင့်ခြင်းကွင်းပြင်" တပုဒ်ဆိုပေးလိုက်ရတယ်။တော်သေးရဲ့ ကိုယ်က ကီးမြင့်မြင့်တွေအော်နိုင်သေးလို့။ဒီလိုနဲ့ Tiger အရှည်နောက်တဘူးနဲ့ ABC အတိုတဘူးထပ်ကုန်သွားတယ်။MD က ဧည့်သည်တွေနဲ့ Black Label ပုလင်းဖွင့်ရင်း "အကိုကြီး အရက်သောက်အုံးမလား"မေးတော့ "မသောက်တော့ပါဘူး"ငြင်းလိုက်တယ်။ဟုတ်တယ်လေ ဘီယာလောက်သောက်ထားပြီပဲ။ဩဝါဒပါတိမောက်မှာ အာဟာရရဲ့အတိုင်းအရှည်ကိုသိရမယ်ဆုံးမထားတာ။ကိုယ့်ကျန်းမာရေး ကိုယ်ချိန်ဆရမပေါ့။ဒီလိုနဲ့ MDတို့စုံတွဲကအစ ပွဲတောင်းသူတွေကတောင်းလို့ ကာရာအိုကေဝင်ဆိုနေကြရတယ်။တဖြည်းဖြည်းအချိန်လင့်လာတော့ အနွေးထည်ပါးပါးလေးသာပါတဲ့ရှင်လူကြီးချမ်းစိမ့်စိမ့်ဖြစ်လာတယ်။မဖြစ်သေးပါဘူး ဝိုင်းထဲ Black ပုလင်းကြီးကိုင်ထားတဲ့ အငယ်လေး(MD ညီငယ်)ကိုတွေ့တာနဲ့ "အငယ်လေး ရှင်လူ့အတွက်နည်းနည်းငှဲ့လိုက်ကွာ ချမ်းလာပြီ ၊မရတော့ဘူး"ဆိုတော့ အငယ်လေးက လက်နှစ်လုံးလောက်ငှည့်ပြီး ရေသန့်နဲ့တခါထဲစပ်ပေးတယ်။အဲဒါ ကွကိုယ်ရေခဲသုံးတုံးလောက်ညှပ်နဲ့ထည့်ခလောက်ပြီးတငုံချင်းငုံရတယ်။ဒီအချိန်မှာပဲ အခန်းအနားအစီအစဉ် စတော့မယ်ဆိုပြီး New year & Staff party ဗီနိုင်းရှေ့မှာခုံတွေစီပြီးစုဝေးကြလေရဲ့။ရှင်လူလည်း လက်ထဲ အရက်ခွက်ကြီးနဲ့မို့ ချိုမီဇင်က "အဘ ရှေ့တန်းလာလေ"ဆိုတာတောင်"ငါ့မှာ ခွက်ကြီးနဲ့မို့ "ဆိုပြီးနောက်မှာပဲထိုင်နေခဲ့တယ်။ဒါပေမယ့် MD က ဝန်ထမ်းတွေကိုနှစ်သစ်ကူးနှုတ်ခွန်းဆက်စကားပြောကြားပေးပါရန် ဆိုတဲ့ Announcer နန္ဒာရဲ့စကားနဲ့အတူ MD က ရှေ့ထွက်လာတယ်။သူဘာစပြောမလဲကြည့်နေတုန်း "ပဌမဆုံး ကိုကြီးရှင်လူက ကလေးတွေကို ၃၈ဖြာ မင်္ဂလာတရားအကြောင်းပြောပြပါလိမ့်မယ်၊ကိုကြီးရှင်လူကြွပါ"တဲ့။

"ဟိုက် ဗုဒ္ဓေါ၊ ဆိုင်းမဆင့်ဗုံမဆင့်၊ဒါမျိုးက စာပေဟောပြောပွဲတွေမှာတောင် အကြောင်းအရာ ခေါင်းစဉ်ရွေးပြီးနုတ်တွေဘာတွေထုတ် ကြိုတင်ပြင်ဆင်လာရတာ။ခုဟာက ဘာမှလဲကြိုတင်ပြောမထား ၊အသိပေးမထားပဲ ၃၈ဖြာမင်္ဂလာ‌ပြောပြ

ပါဆိုတော့ကာ....

ဟယ် ဘာဖြစ်ဖြစ် တစောက်ကန်းရှင်လူ့အကျင့်အတိုင်းပရိတ်သတ်ရှေ့ခပ်တည်တည်နဲ့ထွက်လိုက်တယ်။ကုမ္ပဏီဝန်ထမ်းကလေးတွေကိုရော ဧည့်ပရိတ်သတ်ကိုပါတချက်ဝေ့ကြည့်လိုက်ပြီး ၊ဘာရမလဲ "အဟမ်းအဟမ်း

M D က မင်္ဂလာတရား၃၈ပါးပြောပြပါဆိုလို့သာ ထွက်လာတာ တကယ်တော့ အဲဒါ တွေကို ရှင်လူမရပါဘူး၊ မကျက်ထားပါဘူး" ။ကလေးတွေက ရှင်လူ့စကားကိုဘယ်လိုပါလိမ့်ဆိုတဲ့ အမူအရာနဲ့ နားစွင့်နေပါတယ်။ "အဲ...ဒါပေမယ့် အရေးအကြီးဆုံးမင်္ဂလာတပါးကိုတော့ သေချာကျက်ထားပါတယ်။အဲဒါကတော့ လောကုတ္တရာမင်္ဂလာဖြစ်တဲ့

ဖုဌဿ လောက ဓမ္မေဟိ စိတ္တံ ယဿ နကမ္ပတိ အသောကံ ဝိရဇံ ခေမံ ပဲဖြစ်ပါတယ်။၃၈ ဖြာမင်္ဂလာတရားတွေထဲမှာကျန်တာတွေထက် ဒါဟာ အရေးကြီးဆုံးမို့ ဒီတခုပဲ ကျက်ထားပါတယ်၊ကျန်တာတွေမရပါ။ဒါက လောကဓံတရား၈ပါးကို ရင်ဆိုင်ရဲဖို့ပါ။

"အဲဒီ လောကဓံတရား ၈ပါးကိုရှင်းပြပါအုံး"

          ရှင်လူ့စကားကိုMDက ဝင်ထောက်ပြန်တော့

လာဘော  အလာဘော

ယဿော

 အယဿော— နိန္ဒာ ပသန္နာ   သုခံ —ဒုက္ခံ 

၁။ လာဘ (လာဘ်ရခြင်း)

၂။ အလာဘ (လာဘ်မရခြင်း)

၃။ ယသ (အခြံအရံ/ကျော်စောမှုရှိခြင်း)

၄။ အယသ (အခြံအရံ/ကျော်စောမှုမရှိခြင်း)

၅။ နိန္ဒာ (ကဲ့ရဲ့ခံရခြင်း)

၆။ ပသံသာ (ချီးမွမ်းခံရခြင်း)

၇။ သုခ (ချမ်းသာခြင်း)

၈။ ဒုက္ခ (ဆင်းရဲခြင်း)

ဤလောကဓမ္မတရား (၈)ပါးဟာ လောကလူသားတိုင်း ကြုံတွေ့ရမြဲဖြစ်တဲ့ သဘာဝဓမ္မများဖြစ်ပြီး၊ 

ဒီအရာတို့ရဲ့အတက်-အကျကို မတုန်မလှုပ် စိတ်ထားနဲ့ ရင်ဆိုင်ရင်ဆိုင်ကျော်လွှားနိုင်ဖို့‌ ဟောကြားထားတာဖြစ်တယ်။‌ဒီလိုနဲ့ နှစ်သစ်ကူး Happy New Year ကြပြီး အငယ်လေးကားနဲ့ပြန်ပို့လို့ Shop 1ကို 

1st January,2025_ 1:00AM

လောက်ပြန်ရောက်တော့ ကမန်းကတမ်းအိပ်ယာလေးပြင်ပြီးတန်းအိပ်ပါတယ်။မနက် 8:00 AM လောက် အိပ်ယာကနိုးနိုးချင်း Digital 

စက်ကလေးနဲ့သွေးပေါင်ချိန်လိုက်တာ 127/79 ဆိုတော့တော်သေးရဲ့။

အမှန်တော့ညက ရှင်လူကြီး ဆက်ရွှီးမယ်ဆို အသေဝနာစ ဗာလနံကစပြီး ပတိရူပတို့ ညာတကာနဉ္စတို့ တပေါစ တို့ အစဉ်လိုက်မဟုတ်တောင် အင်းအဲနဲ့ပြောစရာတွေအများသား။ဒါပေမယ့် မူးပြီး ဆိုချင် ကချင် ကံစမ်းမဲနှိုက်ချင်နေတဲ့ပရိတ်သတ်အတွက်ကတော့မင်္ဂလာ တပါးနဲ့တင်လုံလောက်ပါတယ်လေ။

  နောက်မှ ရှင်လူကြီး ကွကိုယ်တွေးပြီး ဖုဌဿ လောကဓမ္မေဟိ စိတ္တံ ယဿနကမ္ပတိ ကိုအကျဉ်းရုံးဘာသာပြန်လိုက်တော့ "ကိုယ်ဖြစ်ကိုယ်ခံ မတောင်းပန်နဲ့" လို့ပဲ အဓိပ္ပာယ်ရသဗျ။

story #observation#shinlhu

story

နှစ်သစ်နဲ့ ဘာသီးမှန်းမသိစားချင်နေတဲ့ဖွေး☃️🎂🎉🌞😥

January ,the 1st 2026

         နှစ်သစ်ရဲ့ပဌမဆုံးနေ့။ဒီနေ့ မှတ်မှတ်ရရ ဖွေးဖွေးသိမ့်နဲ့ Selfie တပုံလောက်ဆွဲဖို့တွေးမိတယ်။ဖွေးလည်း အိမ်မှာအဆင်သင့်ရှိနေတာမို့

         "ဖွေးဖွေး ဆယ်လ်ဖီတပုံလောက်ဆွဲကြရအောင်"ဆိုတော့ ဖွေးက "ဟင့်အင်း"ဆိုပြီး အိမ်ရှေ့ခန်း အမှောင်ထောင့်ဘက်ဝင်ထိုင်ပြီး ကာကွယ်ဖို့ ခေါင်းအုံးတလုံးဖက်ထားလိုက်တယ်။အမှန်တော့

ဖွေးတယောက်စမွေးတဲ့နေ့ကတည်းက ကာတိုလိပ်ဆေးရုံပေါ်ဇာအုပ်ဆောင်းကလေးနဲ့ပုံကအစ ရှင်လူကြီးဓပုံရိုက်ပြီးfb ပေါ် မင်းသမီးလေး ဆိုပြီးတင်ခဲ့တာ ၁၂ နှစ်တိုင်ခဲ့ပြီ။နောက်ပိုင်းလမ်း‌လျောက်တတ်တဲ့အရွယ်လောက်ကျတော့ သူ့ကိုဗွီဒီယိုရိုက်ရင် အဲ့ဗီဒီယိုကိုပြန်ကြည့်ပြီး ရှင်လူ့ကိုဖက်ပုခုံးပေါ်မှောက်ခါ ရှိုက်ကြီးတငင်ငိုတတ်တယ်။အဲ့လိုအခါတွေမှာ ရှင်လူလည်းသူ့ကိုသနားပြီးစိတ်မကောင်းဖြစ်ရတယ်။ဒီလိုနဲ့ ဖွေးနဲ့ရှင်လူ သံယောဇဉ်ဖွဲ့ ဓပုံ ဗွီဒီယိုတွေအများကြီးရိုက်ဖြစ်ခဲ့တာ ခု ၁၂နှစ်ထိကြာခဲ့ပေါ့။သူသိတတ်တဲ့အရွယ်ကစပြီးသူ့ကိုဓပုံရိုက်ရင်မကြိုက်။fb တင်တာပိုမကြိုက်။ရှင်လူလည်း သူမကြိုက်တာမလုပ်ချင်ပေမယ့် သူ့ကိုဓပုံရိုက်ပြီး သူ့အကြောင်းမှတ်တမ်းလေးတွေရေးနေရတာအကျင့်ပါနေသမို့ ဒီလိုပဲ မရအရ အလစ်ရိုက်ရ ရိုက်ရ၊ရတဲ့ပုံတွေတင်နေမိတယ်။ခု ဆိုရှယ်မီဒီယာပေါ် ပုံတွေတင်လို့ အန္တရာယ်ဖြစ်တဲ့သတင်းတွေလည်းတနေ့တခြားများများလာတယ်။ဖွေးကို သူ့ လွတ်လပ်တဲ့ဆန္ဒအတိုင်း ဓပုံမရိုက် မတင်တော့ဖို့ရှင်လူဆုံးဖြတ်ထားတယ်။ဒါပေမယ့် ဒီနေ့နှစ်သစ်ရဲ့‌နေ့သစ်ကလေးမှာတော့ ယော်ရွက်ဝါရှင်လူကြီး ဖွေးနဲ့အမှတ်တရဆဲလ်ဖီဆွဲချင်စိတ်တွေတအားဖြစ်နေတယ်။သူ့ဖွားဖွားကြီးကလည်း "အရိုက်ခံလိုက်လေ၊ မုန့်ဖိုးပေးမယ်ပြောနေတာ၊ အရင်ရိုက်ထားလို့ပဲ ပုံတွေပြန်ကြည့်နေရတာ"လို့ ရှင်လူ့ဘက်ကစစ်ကူဝင်လာတယ်။ဟုတ်တယ်လေ ရှင်လူရိုက်တင်ထားလို့ပဲ မွေးစကတည်းကခုထိ အရွယ်အစားစားဖွေးဓပုံတွေ နေ့အလိုက်လအလိုက်အကုန်ရှိနေတာ။Royal မိသားစု‌တွေသာ မိသားစုဓပုံဆရာထားနိုင်တာ၊ဖွေးက ကံတရားပေးတဲ့ ကိုယ်ပိုင်ဓာတ်ဆရာရထားတာ။ခု သူ့အဖွားတိုက်တွန်းလို့သာဖွေးကအရိုက်ခံတယ်။ဒါတောင်ကန်တန်တန်။ပဌမတပုံရတော့ အလုအယက်ရိုက်ရသမို့ သူ့မျက်လုံးတွေမှေးပြီး သူ့အမေငမိုးရိပ်လိုဖြစ်နေတယ်။ငမိုးရိပ်က မွေးရာပါ မျက်စိအားနည်းတယ်။ဖုန်းကြည့်ရင်တောင်မျက်စိနားကပ်ပြီးကြည့်နေရတာ။ဒီလိုနဲ့ နောက်တပုံရအောင်မနည်းချော့မော့ယူရတယ်။ပြီးတော့ တညင်းသီးအခွံလို အခွံတမျိုးပြပြီး "အဲ့အသီးဝယ်ကြွေး ကိုးထောင်"ဆိုလား။တညင်းသီးလိုတော့မပြားဘူး၊ခပ်ဝိုင်းဝိုင်းရယ်။အခွံခွာထားတာတော့ ခပ်လုံးလုံးပုံ။ကဲ တတ်နိုင်ဘူး

"ငါ ထီထိုးထားတယ်၊ သိန်းတထောင်ပေါက်ရင်တော့ နင့်ကိုအိတ်လိုက်ဝယ်ကြွေးမယ်"လို့။ဘာသီးမှန်းသေခြာမသိတာလည်း သူမို့စားချင်တတ်တယ်။

story #observation#shinlhu