သရော်စာ

SATIRE (သရော်စာ)

သင့်ကို ဘုရားသခင်များမှ အလိုရှိသည်

= = = = = = = = = = = = = = = = = = =

ရှင်လူ (လူသစ်စုဆောင်းရေးအရာရှိ)

ရှင်လူစာဖတ်နေတုန်း ရုတ်တရက် ပြောက်ကျား စစ်ယူနီဖောင်းနဲ့ လူတယောက်ဝင်လာတာတွေ့လိုက်တော့ ရင်ထဲ ထိတ်ခနဲဖြစ်ပြီးမော့ကြည့်မိတယ်။

"အာ...ကမ္ဘာစစ်များဖြစ်နေလားလို့၊ လန့်လိုက်တာပကိဏ်းရယ်"

တပည့်ကျော် ပကိဏ်းလူက သူ့ ကွန်မန်ဒိုဦးထုပ်ကိုချွတ်၊ စားပွဲပေါ်ပစ်တင်လိုက်ရင်း

"ဘာလဲ..ဆရာက ကိုယ့်တပည့်တောင်မမှတ်မိတော့ဘူးလား"

"ဘယ် မှတ်မိပါ့မလဲကွ၊ မင်းဟာက အမြဲတမ်း ရှော့ပင်န်နဲ့ တီရှပ်နဲ့နေတဲ့ကောင်က ဒီပြောက်ကျားယူနီဖောင်းပွယောင်းယောင်းကြီးနဲ့ဆိုတော့"

"မစိုးရိမ်ပါနဲ့ဆရာရယ်၊ ဒါ ဘေထုပ်တန်းမှာ မနည်းရွေးပြီး ဝယ်ထားရတာ၊ ဖစ်ဆိုဒ်တော့ဘယ်ရမလဲ"

"ဘာရောဂါဝင်နေပြန်လဲ ပကိဏ်းရာ.."

"Performance လေ ဆရာရဲ့"

"ဟေ လုပ်စမ်းပါအုံး ၊ဘာ Performance လဲ"

"ဆရာ သတင်း Vedio တွေ မကြည့်ဘူးလား၊ ဘုလက်တို့ အမျိုးသားရေးထောက်ခံပွဲတွေလုပ်နေတာ"

"အေးလေ..အမျိုးသားရေး ထောက်ခံတာနဲ့ ဒီယူနီဖောင်းနဲ့က ဘာဆိုင်လို့လဲ"

"ဆိုင်တာပေါ့ ဆရာရယ်၊ ဒီလို အမျိုးသားရေးပွဲလာတဲ့ လူအတော်များများက Performance ကို အမျိုးမျိုးထွင်ကြရတာဗျ၊ တချို့ကောင်မလေးတွေဆို ပါးမှာ စတစ်ကာတွေကပ်လို့ ချစ်ခြာလေးဒေ ဆရာရဲ့၊ ဘုလက်ကိုယ်တိုင်လည်း ကျော်ဟိန်း စတိုင်နဲ့ စင်ပေါ်တက်လာတာ"

"ကျော်ဟိန်းက ခု ဦးကိတ္တိသာရဖြစ်နေပါပြီကွာ"

"အာ့ကြောင့် Performance ဘုန်းဘုန်းတွေလည်း ပါလာတာပေါ့"

"ဟေ..."

"ဘုန်းဘုန်း တပါးကဆို ကျနော်တို့ ဗုဒ္ဓသာသနာဟာ တိုက်စစ်မရှိဘဲ ခံစစ်နဲ့သာသွားနေရင် ရင်လေးစရာလို့ ပြောသွားတယ်ဗျ"

"မော်ရင်ဟိုလို ကောင်တာဆော့နေတာပါ..အမ်..ငါတောင် ယောင်တောင်တောင် ဖြစ်လာပြီ၊ ဗုဒ္ဓသာသနာနဲ့ ခံစစ် တိုက်စစ်နဲ့ကဘာဆိုင်လို့လဲဟ"

"အာ..ဆရာကလည်း ဒုန်းဝေးပြန်ပြီ၊ ကျနော်တို့ ပုဂံ ဘုရားတွေတောင် UNESCO ကသိမ်းတော့မတဲ့၊ အဲဒါ အကောင်းဆုံးခံစစ်သည် အကောင်းဆုံးတိုက်စစ်လို့ မော်ရင်ဟိုပြောခဲ့ဘူးတာပဲ"

"အင်း.မင်းတို့ဆရာတွေနဲ့ မင်းတို့ဒကာတွေကတော့ လိုက်ဖက်ပါ့ကွာ"

"ပြီးတော့ US သံရုံး Face book page မှာ ဗုဒ္ဓဘာသာကို စော်ကားတဲ့ ဘုရားပုံပန်းချီကားတင်လို့ အမျိုးသားရေးဆရာတော်က သံအမတ်ကိုပါ တရားစွဲတာ ဆိုင်ရာက စွဲခွင့်မပေးဘူးလေ"

"ဟုတ်လား..ပန်းချီကားက ဘယ်သူဆွဲတာလဲ"

"မြန်မာ မိန်းကလေးတယောက်ပဲ...တဲ့"

"အင်း...သူကဘယ်လိုစော်ကားလဲ"

"ဘုရားပုံတော်ကို အသက်ရှူကိရိယာ Mask တပ်ပေးထားသတဲ့"

"သြော် တိပိဋကဆရာတော် ဦးဝိစိတ္တသာရာဘိဝံသ နေမကောင်းတုန်းကလည်း အောက်ဆီဂျင်ပိုက်တွေတပ်ရတာပဲလေ"

"ဒါပေမယ့် ဒါက ဘုန်းတော်အနန္တ၊ ကံတော်အနန္တ၊ ဉာဏ်တော်အနန္တနဲ့ပြည့်စုံတော်မူသော သမ္မာသဗ္မုဒ္ဓဘုရားလေ"

"အင်းလေ..ဒါပေမယ့် ခန္ဓာရှိရင် ဝေဒနာရှိတာပဲ၊ ဘုရားရှင်ဟာ ဝက်ပျိုသားစားမိလို့ ဝမ်းတော်လားခဲ့ရတာမဟုတ်လား၊ ခုခေတ်လို စက်ရုံအလုပ်ရုံတွေကြောင့် လေထုညစ်ညမ်းလာတဲ့ဒဏ်ကို ဘုရားရှင်သာရှိသေးရင် ဘုရားလည်းထိခိုက်တဲ့ထဲပါမှာပဲ"

"အာ. ရုပ်ပွားတော်တွေပဲရှိတော့တဲ့ဥစ္စာ၊ ဆရာကလဲ"

"အေး.ပုဂံငလျှင်ကြောင့် ပြိုကျ ပျက်စီးခဲ့တာ ရုပ်ပွားစေတီတွေပဲမဟုတ်လား"

"အင်း...ဒါတော့"

"ပြီးတော့ ကြည်လင်းတို့လို ဘုရားသူခိုးတွေ ခိုးပြီး နိုင်ငံခြားရောင်းစားခံရတာလည်းဒီရုပ်ပွားတော်တွေပဲ မဟုတ်လား"

"ဆရာက..ကပ်ဖဲ့ပြောနေပြန်ပြီ၊အမျိုးသားစိတ်ခေါင်းပါးလိုက်တာ"

"ဟားဟား မင်းအထင်မှားနေပြီ ပကိဏ်းရ၊ အမျိုးသားရေး မဟာဗျူဟာကို ချမှတ်တဲ့အခါ လိုရင်းကို နားလည်မှ National intrest ကိုသဲသဲကွဲကွဲဖြစ်မှာကွ၊ ကျန်တဲ့ပြည်တွင်းငြိမ်းချမ်းရေးအတွက် အမျိုးသားရင်ကြားစေ့ရေး ခြေဥ ပြင်ဖို့ကိစ္စတွေအသာထားအုံး၊ လောလောဆယ် မင်းတို့အမျိုးသားရေးသမားတွေလုပ်ရမှာက မြန်မာပြည်အရပ်ရပ်က ဘုရားစေတီပုထိုးတွေမှာ လက်နက်ကိုင်လုံခြုံရေးတပ်ဖွဲ့တွေဖွဲ့ပြီး အလှည့်ကျ ကင်းစောင့်ကြဖို့ပဲ"

"ဘာဆိုင်လို့လဲ ဆရာရဲ့"

"ဆိုင်တာပေါ့ကွ။ ငါတို့လူမျိုးတွေက ဘုရားတွေတည်ရင် အဖိုးတန်ရတနာတွေကိုဋ္ဌာပနာထည့်ကြတာ၊ အဲဒါ လုံခြုံတဲ့အစောင့်မရှိတော့ ဘီလူးတွေ နဂါးတွေ ခြင်္သေ့ရုပ်တွေလောက်နဲ့တာဝန်ချထား။ ကြည်လင်းတို့လိုလူမျိုးက အဲ့လောက်ကိုဂရုမစိုက်ဘူးကွ၊ စွယ်တော်မြတ်စေတီကွာ မျက်နှာကျက်ကကြိုးနဲ့ဆင်းပြီး ဝင်ခိုးခံရတယ်၊ မြန်မာပြည်အရပ်ရပ်က ဘုရားစေတီတွေ ဋ္ဌာပနာတိုက်အဖောက်ခံရတာ၊ စိန်ဖူးတော်အခိုးခံရတာ၊ ရှေးခေါင်းလောင်းကြီးတွေအခိုးခံရတာ မင်းတို့ဘယ်လိုကာကွယ်မလဲ၊ ဦးစံလင်းဆယ်နေတဲ့ ဓမ္မစေတီခေါင်းလောင်းတောင် ဒီဘရစ်တိုက အမြောက်သွန်းဖို့တက်ဖြုတ်တာကွ။ တို့အားလုံးက သံသရာအတွက်ပဲစဉ်းစားတာ သူခိုး ဓမြ နယ်ချဲ့  ကိုလိုနီဆိုတာက တဘဝစာပဲစဉ်းစားတာ။ ဒီတော့ တို့နိုင်ငံမှာရှိတဲ့ စေတီပုထိုးအားလုံးဟာ အကာအကွယ်မဲ့တဲ့အဖြစ်ကိုရောက်နေပြီ၊ မင်းတို့အမျိုးသားရေးသမားတွေပဲ အားကိုးရမှာပဲ"

"အာ..ဆရာရယ် ၊တောင်ကုန်းမှန်ရင် စေတီရှိနေတဲ့နိုင်ငံမှာ ဒီလောက်များတဲ့ ဘုရားတွေ ဘယ်သူကအလုပ်ပျက်အကိုင်ပျက်ခံပြီး စောင့်ရှောက်နိုင်မလဲဗျ"

"ဟ...မင်းတို့ပဲ..အမျိုးဘာသာထိရင် မချိအောင်နာနေကြတာ၊ လက်တွေ့ကာကွယ်ဖို့ကျ တာဝန်မယူချင်တော့ဘူးလား"

"ဒီလိုတော့ မကပ်နဲ့ဆရာရယ်"

"မကပ်ပါဘူး တပည့်ရာ၊ လောလောဆယ် မင်းနဲ့ဘူးလက်ကတော့ ယူနီဖောင်းရှိပြီ၊ ကျန်တဲ့လူတွေအတွက် အလှူခံရှာပြီး ဝယ်ပေးရုံပေါ့၊ ဒါမျိုးဆို သိန်းသုံးလေးရာအလှူရှင် မရှားပါဘူး"

"တော်ပါတော့ ဆရာရယ်"

"အေး..နောက်တခါဆို Performance လုပ်ရင် ထမီသာပြောင်းဝတ်ခဲ့တော့ဟေ့။ ဟဟပဲ"

ရှင်လူ

story#observation #shinlhu