သုခ သီတဂူ🤠😎🥸
ရှင်အဇ္ဇဂေါဏ က ဆိတ်မျက်လုံးတဘက် နွားမျက်လုံးတဘက် အစားထိုးကုသပြီး အဇ္ဇ ဂေါဏ တွင်တော့ ရှင်လူ့မျက်လုံးကုသမှုက သုခ သီတဂူခေါ်ရမလားပဲ။လွန်ခဲ့တဲ့၅ နှစ်လောက်က ညီကဗျာဆရာ ပေးတဲ့သတင်းအချက်အလက်နဲ့ ကိုကျော်သူရဲ့ သုခ ကုသိုလ်ဖြစ်မျက်စိဆေးရုံမှာ ဘယ်ဘက်မျက်စိတိမ်ကို အောင်မြင်စွာခွဲနိုင်ခဲ့တယ်။အဲ့ဒီနောက် ၄ နှစ်အကြာ 2025 March 27 ရက်နေ့မှာ ကျန်တဲ့ညာဘက်မျက်စိကို မိတ်ဆွေသင်္ဂဟတွေရဲ့တိုက်တွန်းကူညီမှုနဲ့ပဲ
သီတဂူ စက္ခုဒါန မှာအောင်မြင်စွာခွဲဖြစ်ခဲ့ပါတယ်။မှတ်မှတ်ရရ 2025 March 27 မှာ ရှင်လူမျက်စိခွဲပြီး March 28 မနက်မှာပတ်တီးဖြည်ရပါတယ်။ပတ်တီးဖြည်ပြီးပြန်အရောက် စစ်ကိုင်းငလျင်လှုပ်ပါတယ်။အိမ်ထဲက ထွက်ပြီးအိမ်ရှေ့ လမ်းမထွက်ထိုင်တဲ့ ဖွေးဖွေးသိမ့်တို့သားအမိကိုပတ်တီးဖြည်ပြီးစ ရှင်လူက VD ခိုးရိုက်ပါတယ်။ဖွေးအမေငမိုးရိပ်က ရိပ်မိသွားပြီး
"ကိုယ့်အကြောင်းကိုယ်သိနော်"လို့ မြည်တွန်ရင်း ခြံပြင်ထွက်သွားကြပါတယ်။အမှန်တော့ ရှင်လူကြီးက ကံကောင်းတဲ့အထဲပါ ပါတယ်။2025 March 28 ရက်နေ့ခွဲရမယ့်မျက်စိဝေဒနာသည်အားလုံး စစ်ကိုင်းငလျင်ကြောင့် ခွဲရက် နှစ်ပါတ်နောက်ဆုတ်ကုန်ပါတယ်။ရှင်လူကြီးကပ်လွတ်သွားပါတယ်။ရှင်လူကြီးက ပထမ သုခ ခွဲမျက်စိကော သီတဂူခွဲမျက်စိပါ ပတ်တီးဖြည်ပြီးတာနဲ့ ဖုန်းသုံးပါတယ်။အခါတိုင်းလောက်တနေကုန်မသုံးတာပဲကွာပါတယ်။
ဒီနေ့ဆို ဒုတိယ ညာမျက်လုံးခွဲတာ ၁ နှစ်ပြည့်သွားပါပြီ။ဖုန်းနှစ်လုံးကိုင်ပြီး အသကုန်သုံးပါတယ်။ရှင်အဇ္ဇဂေါဏ မတဲ့ကိန်းပါပဲ သုခသီတဂူ ကုသိုလ်ရှင်အပေါင်းနဲ့ ဆရာဝန်ဆရာမများအားလုံးကိုကျေးဇူးတင်ပါတယ််
story#observation#shinlhu
No comments:
Post a Comment