Dancing Lady နဲ့ Buddy Phway💐🎶😎👍
ဒီနေ့ အိမ်ရှေ့ အုတ် ရေစည်နားထိုင်ရင်း စည်ပေါ်မှာရေစိမ်ထားတဲ့ပန်းဝါဝါကလေးတွေမြင်တော့ ရှင်လူကြီးစိတ်ဝင်စားမိသွားတယ်။သေချာကြည့်တော့ ပန်းတပွင့်ချင်းစီဟာ Angel လေးတွေကနေသလို အရမ်းလှနေတယ်။
"ဖွေးဖွေးရေ လာကြည့်စမ်း ၊ပန်းကလေးတွေက Angel လေးတွေကနေသလိုပဲ"ဆိုတော့ သူ့အဖွားနောက်ကပ်ပြီးဖုန်းကြည့်နေတဲ့ဖွေးထွက်လာတယ်။
"ဟုတ်တယ်လေ၊Dancing Lady "
"ဟုတ်လို့လား"
"ဟုတ်တယ်နော် အဖွား"
"ဟုတ်တယ်" ဖွေးက သူ့အဖွားကိုလှမ်းမေးပြီးအတည်ပြုလိုက်တယ်။အင်း...ဖွေးတောင် အရာရာသိတတ်နေပြီ။ဖွေးလမ်းလျှောက်တတ်စအရွယ်ကတည်းက ကန်စွန်းခင်းဘက်"ဘဲကြည့်"ဆိုပြီးခေါ်သွားပြီး ငှက်လေးတွေ ငါးကလေးတွေ သစ်ပင် ပန်းပင်လေးတွေလိုက်ပြခဲ့တာ မှန်သွားပြီ။ဖွေးဟာ ခုဆို သဘာဝပတ်ဝန်းကျင်ကို ချစ်ခင်နားလည်တတ်တဲ့ ၁၂ နှစ်အရွယ်မိန်းကလေးဖြစ်လာပြီ။
"ကဲ...သမီး ၊ဒီပန်းလေးတွေကိုင်ထား၊ရှင်လူ ဓပုံရိုက်မယ်"ဆိုတော့
"လူတော့မရိုက်နဲ့နော်ဆိုပြီး ပန်းခက်ကိုကိုင်ပေးထားတယ်။ပဌမတခါရိုက်ပြီးကြည့်လိုက်တော့ နောက်ခံ ဆံခါခုံးကြီးပါနေတယ်။
"လာအုံးသမီး နောက်ခံရွေးတာမှားသွားတယ်၊ နေရာရွေးပြီးပြန်ရိုက်မယ်"ဆိုတော့ သူပြန်လာကူတယ်။သူကစားနေတဲ့အပြာရောင်ဘူးခွံလေးနဲ့ပါ အနေအထားအမျိုးမျိုးပြောင်းပြီးရိုက်ခဲ့ကြတာ။တချိန်ကပုလုကွေးလေးက ခုဆိုရှင်လူနဲ့ ဓပုံအနုပညာ ဆက်တင်ဆင်ပြီးကူညီဖော်ရလာတာ အရမ်းပျော်စရာကောင်းပဗျာ။
story#observation#shinlhu
No comments:
Post a Comment