story

သိင်္ဂါရထဲက အဆွေးများ

♡ ♡ ♡ ♡ ♡ ♡ ♡ ♡ 

ဒီနေ့ နှစ်ဆန်းတရက်နေ့။ 

သူများတွေ ငါးတွေလွှတ်၊ငှက်တွေလွှတ်

ကြသလို ရှင်လူကြီးကတော့ ဖွေးဖွေးသိမ့်

ရဲ့ ဥပါဒါန်တွေကိုလွှတ်လိုက်ဖို့ စဉ်းစားထားပါတယ်။

လွန်ခဲ့တဲ့ သုံးနှစ်ခွဲ ဖွေးဖွေးသိမ့်လေးစတင်မွေးဖွားလာ

ကတည်းက ဖွေးရဲ့ ချစ်စရာဓာတ်ပုံလေးတွေနဲ့ ဉာဏ်ထက်ပုံ

မြူးပျော်ဆော့ကစားနေပုံများကို fb တင်ခဲ့ရာမှာ အားလုံးလိုလိုဟာ ချစ်ခင်

ကြည်နူးဖွယ်ရာ သိင်္ဂါရ ရသ တွေချည်းပါပဲ။

တကယ်တော့ ဖွေးရဲ့ သနားစဖွယ် ရင်နင့်ဖွယ်ရာ အဖြစ်ကလေးတခုကိုတော့ 

ခုချိန်ထိထိန်ချန်ထားခဲ့မိပါတယ်။ရှင်လူကိုယ်တိုင်မကြာခဏ တုန်လှုပ်ခဲ့ရတဲ့ ဖြစ်ရပ်ကလေးကတော့....ဒီလိုပါ။

ဖွေးရဲ့ ပုံနဲ့ အကြောင်းအရာတွေကို ရှင်လူ

မှတ်တမ်းတင်ရာမှာ တခါတခါ Vedio Clip

လေးနှစ်ခုသုံးခုလောက်လည်းတင်ဖူးပါတယ်။ ပထမ ဆုံးအကြိမ် သူ့ကို Vedio ရိုက်တော့ဖွေးကရှင်လူ့ဖုန်းကိုအတင်းဆွဲယူ

ပြီး ``ကြည့်မယ်´´ဆိုပြီး သူ့Vedio Clip ကို

ကြည့်ပါတယ်။ ကြည့်ရင်း ချက်ချင်းဆိုသလို

မျက်ရည်တွေ ဖြိုင်ဖြိုင်ကျလို့ အီကနဲငိုချလိုက်ပြီးရှင်လူ့ပုခုန်းပေါ်မှောက်ခါရှိုက်ကြီးတငင်ငိုကြွေးပါတယ်။ ဘယ်လိုမှချော့လို့မရပါ။ဒီလိုအဖြစ်မျိုးအကြိမ်ကြိမ်ဖြစ်လာတော့ ရှင်လူလည်းသူ့ကို Vedio မရိုက်ရဲ

တော့ပါ။သူ့Vedioကြည့်မိတဲ့အခါတိုင်းနီးစပ်ရာလူကိုဖက်ပြီး သူ့မျက်ရည်တွေကို ပုဆိုးနဲ့ဖြစ်စေ ထမီနဲ့ အင်္ကျီတွေကိုဖြစ်စေ

ခေါင်းဝှေ့ပွတ်သပ်ပြီးငိုပါတယ်။

ပြီးခဲ့တဲ့ သင်္ကြန်အကြိုနေ့မတိုင်ခင်ညနေက

အိမ်နောက်ဖေးကွက်လပ်မှာ ဖွေးတယောက်အားရပါးရကခုန်နေပါတယ်။

ရှင်လူလည်းသဘောကျတာနဲ့ fb တင်ဖို့

Vedio Clip လေးငါးခု ရိုက်ပါတယ်။ အဲ့ထဲက တခုရွေးပြီး fb တင်ခဲ့ပါတယ်။

အဲ့Vedio Clip ကလေးတွေကို ကြည့်မယ်ဆိုပြီးဖွေးကရှင်လူ့ရင်ခွင်ထဲဝင် 

ပြီးပူဆာပါတယ်။ ဒါနဲ့ရှင်လူက ``သမီးရယ်

မကြည့်ပါနဲ့ နင်ကြည့်ပြီးငိုအုံးမယ်´´ဆိုတော့

``မငိုဘူး´´တဲ့။ ``ဒါဆိုနင် ဂတိပေး´´ဆိုပြီး

သူ့ကိုလက်သန်းချင်းချိတ်ကတိတောင်း

တော့သူကတိပေးတာနဲ့တခုပြလိုက်ပါ

တယ်။ကြည့်မိတာနဲ့တပြိုင်နက် သူ့မျက်ရည်တွေထွက်လာတော့ သူ့ကတိကြောင့် ခေါင်းကိုမော့ပြီးမျက်ရည်မကျအောင်

ထိန်းရှာပါတယ်။ ဒီအချိန်မှာသူ့အမေ

မလှိုင်က``ဘယ်မှာလဲ  ဦးလေး

ကျမကိုပြအုံး´´ဆိုတာနဲ့ မလှိုင်ကိုဖုန်းပေးလိုက်တော့ သူ့အမေကြည့်နေတာကို နောက်ကသူ့အမေပုခုံးကိုမေးတင်ပြီးလိုက်

ကြည့်ပါတယ်။ ခဏနေတော့ ခစ်ခစ်နဲ့

ချောင်းဆိုးပြီး သီးသလိုအသံကြောင့်သူ့ကိုကြည့်လိုက်

တော့ ဖွေးတယောက် မျက်ရည်တွေတွေကျ

ရင်းတက်မလိုချက်မလိုဖြစ်နေပါပြီ။ဒါနဲ့

ရှင်လူသူ့ကိုပွေ့ချီလိုက်ပြီး လက်ဝါးပေါ်

ရင်ဘတ်မှောက်တင်ရင်းကျောကို လက်ဝါးတဖက်နဲ့ဖိလိုက်ပုတ်လိုက်လုပ်တာ

တဘုန်းဘုန်းမြည်နေပါတယ်။ရှင်လူသိလိုက်ပါပြီ။စိတ္တဇဝါယော။ ဖွေးနှလုံးခုန်နေပုံက တဒိန်းဒိန်း ရှင်လူ့လက်ကို လာတိုးနေပါတယ်။သူ့အဖေ

မောင်ဝင်းလည်း အနားမှာရှိနေတာမို့ လက်ပြောင်းယူလိုက်ပြီး အတန်ကြာ နှိပ်နယ်ပြုစုလိုက်မှ သက်သာစပြုလာပါတယ်။ အဲ့တော့မှ ရေလေးနည်းနည်းတိုက်ပေးရပါတယ်။

ရှင်လူလည်း အရမ်းစိတ်မကောင်းဖြစ်သွားပြီး ဒီအတိုင်းဆို ရှော့ခ်ရပြီး အသက်တောင်ပါသွားနိုင်ကြောင်းတွေးမိပါတယ်။

တကယ်တော့ ဝိသုဒ္ဓိမဂ်ထဲမှာ ဇာတိဿရ

ဉာဏ်ကျင့်စဉ်အကြောင်းရှင်လူဖတ်ဖူးခဲ့ပါတယ်။ခု ရှင့်လူ့ဖုန်းထဲမှာ ဝိသုဒ္ဓိမဂ်မရှိတော့

လို့ အမှတ်ရသလောက်ပဲ ပြန်ရေးပြပါမယ်။

ဇာတိဿရဉာဏ်အတွက် ကျင့်ရာမှာ ရှေး

ဦးစွာ ကသိုင်းတမျိုးကျင့်ရပါတယ်။အဲ့ဒီ

ကသိုင်းကထပြီးတဲ့ခါမနက်ကဘာဟင်းနဲ့စားခဲ့လဲ၊ မနေ့ညနေက ဘာဟင်းနဲ့ စားခဲ့လဲ၊

မနေ့မနက်စာ ဘာနဲ့စားခဲ့လဲ တိုးတိုးပြီး

ကျင့်ရင်တချို့ ဆို အရင်ဘဝတွေထိသိရတယ် ဆိုပါတယ်။

ဖားအောက်တောရအကြောင်းဖတ်ဖူးထားတဲ့အထဲမှာလည်း ကျင့်စဉ်တူမတူတော့မသိ။ တချို့ဆို အရင်ဘဝ သုံးလေးဘဝကိုပြန်သိရတယ်

ဆိုပါတယ်။မျက်မှောက်ခေတ် ထင်ရှားသူထဲက မေတ္တာရှင်(ရွှေပြည်သာ)

ကလည်း အရင်ဘဝတုန်းက ဝက်ဖြစ်ခဲ့ဖူး

ကြောင်းပြန်ရေးပြတာ ဖတ်ဖူးပါတယ်။

ရှင်လူကြီးကတော့ ဒိဋ္ဌ တရားကိုသာ

ဒိဋ္ဌေဒိဋ္ဌမတ္တံ နှလုံးပိုက်သူမို့ ဘာဥပါဒါန်မှ

မစွဲပေမယ့်  ဖွေးရဲ့အဖြစ်ကိုမြင်ပြီး ကရုဏာ

သက်မိပါတယ်။ ဖွေးတယောက် သူ့Vedio Clip လေးတွေကတဆင့် အတိတ်သံသရာ

ကို ဘယ်ထိအောင်တွေ့မြင်နေရသလဲ ဆိုတာကိုယ်တွေမသိနိုင်ပါ။ သမီးလေးဖွေး အသက်ပါမတတ်ငိုရှိုက်ပူဆွေးနေတဲ့ဒုက္ခ

ဝေဒနာကိုလည်းရှင်လူမမြင်လိုတော့ပါ။ သူ့အကြောင်းလေးတွေ ဆက်ရေးဖို့တောင်

သူ့ရဲ့ကိုယ်ပိုင်လွတ်လပ်ခွင့်နဲ့ ကျန်းမာ

ပျော်ရွှင်မှုကိုထိခိုက်မယ်ဆိုရင် ရှင်လူကြီး

ဆက်မရေးတော့ဖို့ ဆုံးဖြတ်ပြီးပါပြီ။

ဒီနှစ် နှစ်ဆန်းတရက်မှာ ဖွေးရဲ့ ဥပါဒါန်တွေ

ကိုငှက်ကလေး ငါးကလေးတွေကိုလွတ်

မြောက်စေသလို လွတ်မြောက်စေဖို့ 

ဖွေးရဲ့ လှုပ်ရှားပြုမူပုံ Vedio Clip လေးတွေကိုတော့ ဘယ်တော့မှရိုက်ကူးတော့မှာမဟုတ်ပါ

ကြောင်း....

story#observation#shinlhu