ရှင်လူ
- - - - - - - -
ဘူတာဝင်ကာနီးရထားလို
အရှိန်တွေလျော့လာပြီ တဲ့၊
အေးဆေးပေါ့၊ အကုန်လွှတ်ချထားလိုက်
ဒါမှမဟုတ် ကောက်ရိုးမျှင်သေးသေးလေးပဲဖြစ်ဖြစ် ကျစ်ကျစ်ဆုပ်ထားလိုက်၊
သစ်ကိုင်းပေါ်ကပြုတ်ကျရင်တောင်
ကိုယ့်လျှာဖျားမှာ နောက်ဆုံးပျားရည်စက်လေး ပါသွားစေရမယ်။
လွှတ်ချလို့မရသေးတော့ ဆုပ်မိဆုပ်ရာပေါ့တဲ့လား၊
တခါတလေ ပြီးပြီဆိုတဲ့စာတမ်းထိုးတာတောင် ခုံပေါ်မှာ ဆက်ထိုင်နေမိတဲ့သူလိုပေါ့
ကိုယ်ကြည့်ခဲ့တဲ့ရုပ်ရှင်က အရသာရှိနေဖို့ပဲလိုတာပါ။
- - - - -
နှင်းခါးမိုး
(ချစ်သောအကို ဇေယျဝတီမင်းလွင်စိုး၊ ရှင်လူ ခေါ် ကိုအောင်မြင့်သို့)
No comments:
Post a Comment