story

ရေသန့်ဗူးမြည်​သံ(သို့မဟုတ်​)

ည​စောင့့််​ခေါင်းအုံး

♥ ♥ ♥ ♥ ♥ ♥ ♥ ♥ ♥ ♥ (^_^) 

ရှင်​လူ အသက်​ ၂၀ ​ကျော်​အရွယ်​ အိမ်​​ထောင်​မကျခင်​

ပထမဆုံးလုပ်​ခဲ့တဲ့အလုပ်က အကျိုး​ဆောင်​ ကုမ္ပဏီ မှာ အ​ထွေ​ထွေ

မန်​​နေဂျာ။ယ္ခု NLD ဗဟိုရ်​ ရုံးရှိရာ အမှတ်​

၂၂၉ (-)အ​ရှေ့​ရွှေှဂုံတိုင်​မှာ ဖြစ်​ပါတယ်​။အကျိုး​ဆောင်​ကုမ္ပဏီဆိုတာ

အဲဒီ ​ခေတ်​က နိုင်​ငံ​တော်​အလံ၊ သာသနာ့အလံ၊သံရုံးအမျိုးမျိုးရဲ့အလံ​တွေနဲ့ စစ်​တံဆိပ်​၊ရဲတံဆိပ်​ အမျိုးမျိုးကို ရိုက်​နှိပ်​

​ရောင်းချ​ပေးတဲ့ ​ဆေးဆိုးပန်းရိုက်​ ကုမ္ပဏီ

ကြီးပါ။နိုင်​ငံ​တော်​အလံများကို အ​မြောက်​အမြားရိုက်​နှိပ်​ချုပ်​လုပ်​ပြီး

ကုန်​သွယ်​​ရေးကိုပြန်​သွင်းရတဲ့အထိ 

လုပ်​ငန်း​အောင်​မြင်​ခဲ့တာပါ။အဲ့အချိန်​က

လျှပ်​စစ်​ဋ္ဌာန ဘက်​တံဆိပ်​များကို

ESB က​နေပြီး EPC ​ပြောင်းရာမှာ အလုံလျှပ်​

စစ်​ဓာတ်​အား​ကော်​ပို​ရေးရှင်းက အရာရှိကြီး နဲ့​တွေ့ပြီး လုပ်​ငန်းကိစ္စညှိနှိုင်းခဲ့ဖူးပါတယ်​။

ဒါ​ပေမယ့် အဲ့အလုပ်​မှာ ရှင်​လူ မ​ပျော်​လို့

သုံး​လေးလနဲ့ ထွက်​ခဲ့ပါတယ်​။ဘာ​ကြောင့်

မ​ပျော်​ရတာလဲ ဆို​တော့ သူ​ဋ္ဌေးက အဆဲ

ပုပ်​လို့ပါပဲ။အမှန်​​တော့ သူ​ဋ္ဌေးက ရှင်​လူ့ကို

သာမာန်​အလုပ်​သမားအဖြစ်​ အလုပ်​ဆင်းပြီး ​လေးရက်​​မြောက်​​နေ့မှာ

အ​ထွေ​ထွေမန်​​နေဂျာခန့်လိုက်​တာဖြစ်​ပါတယ်​။ ရှင်​လူ့ကို အလွန်​အကျွံ​မြောက်​စား

လိုက်​တာပါ။ည​နေတိုင်း ရှင်​လူ့ကို မုန့်ဖိုးသပ်​သပ်​​ပေးပြီး ​ရွှေဂုံတိုင်​စာတိုက်​မှာ

​ငွေစုစာအုပ်​နဲ့စု​စေပါတယ်​။ အစားအ​သောက်​​ကောင်းဆိုလည်း

ချစ်​တီးထမင်း ဆိတ်​ဦး​နှောက်​ဟင်းနဲ့က

ဘယ်​ဆိုင်​​ကောင်းတယ်​၊ ဆီချက်​​ခေါက်​ဆွဲကအစ ဘယ်​​ဆိုင်​​ကောင်း

တယ်​ဆိုတာ ကိုယ်​တိုင်​သူ့ ​ဘောက်​​ဆော

ကားနက်​​လေးနဲ့လိုက်​ပို့ပြီး​ကြွေးခဲ့တာပါ။

သူ့ကိုရှင်​လူမကြိုက်​တာက အဆဲသန်​တဲ့

ဝသီပါပဲ။ငါနဲ့ကိုင်​တုတ်​တယ်​ခင်​ဗျ။ပြီး​တော့လည်း တဟဲဟဲနဲ့။ဒါမျိုးလာလုပ်​လို့မရ

ဘူး​လေ ၊ ရှင်​လူက ၁၆နှစ်​သားကတည်းက

ကဗျာဆရာလုပ်​လာတာ။ဆတ်​ဆတ်​ထိမခံ

တတ်​တဲ့​ကောင်။​လောကကြီးတခုလုံး

​တောင်​​ပြောင်းလဲပစ်​မယ်​ဆိုတဲ့​ကောင်​​လေ။

ဘယ်​ရမလဲ သူ့အလုပ်​ကိုဆက်​မလုပ်​နိုင်​​တော့ဘူးဆိုပြီး

အ​ထွေ​ထွေမန်​​နေဂျာရာဘာတံဆိပ်​တုံးကို

သူ့စားပွဲ​ပေါ် ​ဒေါက်​ခနဲ...

ခတ်​တည်​တည်​​ကျောခိုင်းထွက်​လာခဲ့​တော့

သူ​ဋ္ဌေးခင်​ဗျာ 

မျက်​စိသူငယ်​ နားသူငယ်​ဖြစ်​ပြီးကျန်​ခဲ့တာ။

ဟုတ်​တယ်​​လေ သူ သုံး​လေးလ​လောက်​ အပင်​ပန်းခံ သင်​ကြားပြသ​ပေးထားရတဲ့

အ​ထွေ​ထွေမန်​​နေဂျာကထွက်​​တော့မယ်​ဆို​တော့ စီးပွားတွက်​တွက်​ရင်​ သူရှုံးတယ်​​

လေ။အဲ့ ကုမ္ပဏီကထွက်​ပြီး ​လေဘာလုပ်​၊

ပြီး​တော့ သူငယ်​ချင်းတ​ယောက်​ရဲ့အကူအညီနဲ့ 

စက်​မှုတွင်းထွက်​ကုန်​ကြမ်း​ကော်​ပို​ရေးရှင်း

အမှုန့်ကြိတ်​စက်​ရုံမှာဝင်​လုပ်​ခဲ့တာ။အဲ့တုန်းက စက်​ရုံမှူးကိုယ်​တိုင်​ ရှင်​လူ့ကို အင်​တာဗျူးပြီး ``မင်း ​ပေါင်​၁၆၀ အိတ်​ထမ်းနိုင်​မလား ´´ဆို​တော့ လူကိုယ်​တိုင်​ ​ပေါင်​၁၀၀မပြည့်တဲ့​ကောင်​က ခတ်​တည်​တည်နဲ့``ထမ်းနိုင်တယ်​´´ဆိုပြီး

ဝင်​လုပ်​ခဲ့တာ။စုစု​ပေါင်းလုပ်​သက်​သုံးနှစ်​။

ပါမင့်နင့်ဖြစ်​ပြီ။မိန်းမသွားခိုးဖို့ခွင့်တင်​​တော့။

ခွင့်ယူရခြင်းအ​ကြောင်းရင်းမှာ မိန်းမခိုးရန်​

ဆိုပီးဖြည့်လိုက်​တယ်​။စက်​ရုံမှူးက 

မင်္ဂလာ​ဆောင်​ရန်​လို့ ပြင်​​ရေးခိုင်းတယ်​။

ဒါသက်​သက်​အနိုင်​ကျင့်တာပဲ။မိန်းမခိုးတာနဲ မင်္ဂလာဆောင်​တာမတူဘူး။ မိန်းမခိုးတာက အခန့်မသင့်ရင်​ ဓားနဲ့အခုတ်​ခံရနိုင်​တယ်​​လေ။ထား​တော့။မိန်းမကမခိုးလို့မှမဖြစ်​​တော့တာ။

သူ​ပြောသလို မင်္ဂလာ​ဆောင်​ရန်​ပဲ ဖြည့်လိုက်​ရတယ်​။

အဲဒါ ဟိုမှာ ခိုးဖို့ဝှက်​ဖို့ ​ခြောင်းတာ အဆင်​မ​ပြေနိုင်​တာနဲ့ ခွင့်ရက်​က သုံးရက်​လွန်​သွားတယ်​။ကိစ္စပြီးလို့

စက်​ရုံပြန်​​ရောက်​​တော့ စက်​ရုံမှူးက ``မင်း

ခွင့်ရက်​​နောက်​ကျတဲ့အတွက်​ EC အစည်း​ဝေးထိုင်​ရအုံးမယ်​ တဲ့။​သြော်​

ဟုတ်​လား..​ပေါ့။``ECထိုင်​မ​နေပါနဲ့​တော့ဗျာ၊အလုပ်​ရှုပ်​ပါတယ် ၊ကျုပ်အလုပ်ထွက်တယ်​

ဗျာ ´´ဆိုပီးထွက်​လာတာ ၊ပြီး​ရော။

အင်း ရှင်​လူ ၂၄ နှစ်​မပြည့်ခင်​ကထဲက

ဝန်​ထမ်းအလုပ်​​တွေကထွက်​ခဲ့တာ ခု

အသက်​၆၄နှစ်​ထိ ။ကိုယ်​ပိုင်​ အိမ်​တွင်း

လက်​မှုလုပ်​ငန်း​လေးနဲ့ရှင်​သန်​​နေခဲ့တာ။

၂၀၀၉ ဇန္နဝါရီမှာ ဇနီးသည်​ကွယ်​လွန်​။

သားထောက်​သမီးခံကလည်းမကျန်​။​

ဆွေမျိုး​တွေကလည်း ရှင်​လူ့ကို မျိုးချစ်​စိတ်​

မရှိတဲ့​ကောင်​လို့မြင်​ကြ​တော့အားလုံးအဆက်​ပြတ်​။

(တ​လောကလုံးကို

ချစ်​တဲ့​ကောင်​ဆိုမျိုးချစ်​​တွေကအထင်​မကြီးတတ်​)

ဒီနှစ်​ပိုင်းရှင်​လူကြီးအိမ်​ကကိုယ်​ပိုင်​အလုပ်​ကသိတ်​မ​ကောင်း။အ​ရောင်းအဝယ်​က

​အေး​တော့ အသုံးစားရိပ်​ကမလုံ​လောက်​။

ဒါ​ကြောင့်တ​နေ့ငါး​ထောင်​စားည​စောင့်အလုပ်​ဝင်​လုပ်​​နေတာပါ။ခုည​စောင့်လုပ်​​တော့လည်း ရှင်​လူ့အ​ပေါင်းသင်းထဲက ဝါရင့်

ည​စောင့်ဆီမှာ အနီးကပ်​သင်​တန်းတက်​ပြီးမှလုပ်​တာပါ။

သူ့ပို့ချချက်​ကကြည့်ပါဦး။``ည​စောင့်

အလုပ်​က လုပ်​သက်​ သုံးလ​​ကျော်​မှ

​အောင်​မြင်​တဲ့ည​စောင့်ဖြစ်​တာအဘရ၊

တချို့ မခံနိုင်​လို့ထွက်​​ပြေးတယ်​။တချို့

မအိပ်​တတ်​​တော့ဦး​နှောက်​​သွေး​ကြောပြတ်​

​သေတာချည်းပဲ​။လုပ်​သက်​သုံးလကျော်​တဲ့လူဟာ အိပ်​​ရေးဝလို့...တဲ့။ဗု​ဒ္ဓေါ...ရှင်​လူနားလည်​တာက မိမိတာဝန်​ယူထားတဲ့ အရာ​တွေကို

သတိဝိရိယနဲ့ ​စောင့်ကြပ်​ဖို့ပဲ၊ အိပ်​​နေရင်​

ည​စောင့်ဘယ်​ဟုတ်​​တော့မလဲ။ရှင်​လူတို့

က​ဆေးရုံမှာလူနာ​စောင့်လည်းဒီအတိုင်းပဲ။

ဘိုပီ နှလုံး​ရောဂါ​ကြောင့်​မြောက်​ဥက္ကလာ

နှလုံးအထူးကြပ်​မ ကုသ​ဆောင်​မှာတက်​

​တော့ရှင်လူသွား​​စောင့်​​ပေးခဲ့ဖူးတယ်​။​ဆေးရုံကသန့်ရှင်းသပ်​ယပ်​ပြီး​ဟော်​တယ်​ကြီးအတိုင်းပဲ။ ခုတင်​လွတ်​​တွေအများချည်းပဲ။

ခုတင်​အသစ်​ ကူရှင်​အသစ်​​တွေဆို​တော့ 

တခြားလူနာ​စောင့်​တွေတ​ခေါခေါ။ထစားလိုက်​ကြပြန်​အိပ်​လိုက်​ကြနဲ့အဆင်​ကို​ပြေလို့။ရှင်​လူက​တော့သူတို့ကိုအံ့သြ​နေမိတယ်။နှလုံးအထူးကုသမား​တော်​ကြီးက

လူနာနဲ့မှားပြီးခွဲသွားရင်​ဒုက္ခပါပဲလို့​တွေးမိတယ်။မနက်ကျ​​တော့ ဘိုပီက ``အဘညက တ​ရေးမှမအိပ်​ဘူးလား´´တဲ့။

``​အေး​လေ..ငါကလူနာ​စောင့်​လေ´´ဆို

​တော့``သူများ​တွေလည်းအိပ်​​နေတာပါပဲအဘရာ´´တဲ့။တတ်​နိုင်​ဘူး ကိုယ်​မှ

မအိပ်​ချင်​တာ။ ခု ည​စောင့်အလုပ်​ဝင်​​တော့

ချက်​ချင်းပဲ ည​စောင့်​ခေါင်းအုံးကို ရှင်​လူ

တီထွင်​လိုက်​တယ်​။အလုပ်​သမား​ကောင်​

​လေး​တွေပစ်​ထားတဲ့​ရေသန့်ဗူးခွံတခု​

​ကောက်ပြီးမိုးကာ​ဘောင်းဘီနဲ့ပတ်​လိုက်​တယ်​။​ညောင်းလာရင်​ အဲဒါကို​ခေါင်းအုံးပြီး

အိပ်​ချလိုက်​ ...​ ​ဖောက်​ဖောက်​နုဲ့မြည်​တယ်​၊

ဟိုဘက်​ ဒီဘက်​​စောင်းလိုက်​ရင်​လည်း

​ဖောက်​က​လောက်​​လောက်​မြည်​တယ်​။

ကဲ မျက်​လုံးဖွင့်ပြီး အိပ်​ကြည့်စမ်းပါ အချစ်​ရယ်​​ပေါ့။ဘယ်​အိပ်​​ပျော်​​တော့မလဲ။မ​တော်​လို့

ဦး​နှောက်​​သွေး​ကြောပြတ်​ရင်​​တောင်​​ ဘေးလူမသိနိုင်​ဘူး ရေသန့်ဗူးမြည်​တာပဲလို့ထင်​နိုင်​တယ်​။

story#observation#shinlhu