Friday, August 1, 2025

story

ထူးဆန်းတဲ့ ဒေါင်ဒေါင်မြည်နေ့လယ်စာ😀😬🤓😎🤩🥳👏👋👍
10:32 AM မှာ ဖုန်း Call တခု ဝင်လာတာနဲ့ ကောက်ကိုင်လိုက်တော့ ကဗျာဆရာ စေတ ဆီကဖြစ်ပါတယ်။တကယ်တော့ ခုနောက်ပိုင်း တယောက်နဲ့တယောက် ဖုန်းအဆက်အသွယ် မဖြစ်ကြတာ အတန်ကြာပြီလို့ဆိုနိုင်ပါတယ်။ FB ပေါ်မှာတော့ စေတတယောက် ဇနီးသည်ကွယ်လွန်ပြီးနောက်ပိုင်း ကျန်းမာရေး ချူခြာနေကြောင်းတွေမကြာခဏတွေ့နေရပါတယ်။သွားပြဿနာ၊ သိုင်းရွိုက်ပြဿနာ၊ ပါကင်ဆန် စတဲ့ပြဿနာတွေလည်းမကြာခဏတွေ့နေရလို့ တလောကတော့ ဖုန်းဆက် အားပေးခဲ့မိသေးတယ်။အဲဒါ ဒီနေ့တော့ သူရှင်လူ့ကိုသတိရတယ်ထင်ပါတယ်။ဖုန်းဆက်ပြီးမြောက်ဒဂုံ"ဒေါင်" တီးဟောက်စ်မှာ သူရှိမယ့်အကြောင်း ၊အားရင်လာခဲ့ဖို့အကြောင်းပြောပါတယ်၊ သူ့ပြင်ဘယ်သူတွေပါသေးလဲမေးတော့ တယောက်ထဲလို့ပြောပါတယ်။ဒါနဲ့ရှင်လူလည်းအားနေတာကြောင့် တဥက ဘတ်စ်ကားစီးပြီး
မြောက်ဒဂုံ "ဒေါင်"ရှိရာထွက်လာခဲ့ပါတယ်။ကားပေါ်ရောက်တော့သတိရပြီး ညီကဗျာဆရာ နေလအောင်ဖုန်းကိုလှမ်းတောက်မိပါတယ်။ အားရင်အတူဆုံဖြစ်အောင်ပေါ့။ဒါပေမယ့်နေလအောင်လည်း
သင်္ဘောပြန်တက်ဖို့ အလုပ်ရှုပ်နေတော့ မလာနိုင်။ တခြားရဲဘော်များလည်း သူတို့ကိစ္စနဲ့သူတို့မို့ ဒီနေ့တော့ စေတနဲ့ရှင်လူ နှစ်ယောက်ထဲသီးသန့်လိုဆုံဖြစ်ခဲ့ကြတယ်။သူ ဂျပန်သွားမလိုလို သတင်းကြားထားတာကြောင့် အခြေနေသိချင်လို့မေးတော့"သွားရင်လည်း ခဏပါပဲ၊သမီးကခေါ်နေတာကြာပြီ"။သူ့သမီးငယ်က ဂျပန်မှာအတော်ကြာနေပါပြီ။သူ့ကြည့်ပြီးရှင်လူလည်းစိုးရိမ်တာနဲ့"ခုချိန်တော့ဘယ်မှမသွားတာကောင်းပါတယ်၊ လတ်တလောကတော့ ကျုပ်တို့နေတဲ့ရန်ကုန်က အကောင်းဆုံးပါပဲ၊ဂျပန်ကမှ ဆူနာမီကြောက်နေရသေးတယ်။ရှင်လူလည်းအနာဂတံသညာဏ်တော်ရှိလို့မဟုတ်ပါဘူး၊ မိတ်ဆွေချင်းကြံဖန်အားပေးရတာပါ။တကယ်တော့ ကိုယ်လည်း ကျန်းမာရေးက ကောင်းလှတာမဟုတ်ပါဘူး။"အင်း..နိုင်ငံခြားနဲ့ပတ်သက်ရင် သတိတော့ထားပေါ့ဗျာ၊ နွေလယ်နေတောင် အမေရိကားရောက်နေတာ "ကျားဖောင်ပေါ်ရောက်နေပြီ"ဆိုပြီးပို့စ်တင်တင်နေတာ လှိုင်သာယာကိုကြီးရှင်လူလည်းမကယ်နိုင်ဘူးဗျ။ဒီလိုနဲ့ ကိုစေတက
"ဘာစားမလဲ မှာလေ"ဆိုလို့၊ သူစားနေတဲ့ အမဲနှပ်နဲ့ထမင်းတလုံး ကိုကြည့်ပြီး၊"အင်း..ခင်ဗျားစားတဲ့အတိုင်းမှာလိုက်ဗျာ၊အမဲနှပ်ဟင်းကကောင်းပုံပဲ"ဆိုတော့ သူကိုယ်တိုင်ငွေသွားရှင်းပြီးမှာပေးလို့ နေ့လယ်စာကိုစားဖြစ်သွားတယ် ။ချဥ်ပေါင်ကြော်လေးနဲ့ အမဲနှပ် နူးအိအိလေးဆိုတော့ မဆိုးပါဘူး။
story#observation #shinlhu

No comments:

Post a Comment