story

ဒီမိုက​ရေစီ ​လေ့ကျင့်ခန်းများ

♥ ♥ ♥ ♥ ♥ ♥ ♥ ♥ ♥ 

၁၉၈၀ ခု ဝန်းကျင်​က ​တောင်​ဥက္ကလာမှာ

စာ​ပေလုပ်​သား အဖွဲ့ရှိခဲ့တယ်​။အဲ့တုန်းက အဖွဲ့ထဲမှာမကြာခနဆုံကြရင်း ရှင်​လူ

စာ​ရေးဆရာ ​မောင်​​ရွှေစွန်​နဲ့တွဲဖြစ်​ခဲ့တယ်​။

​မောင်​​ရွှေစွန်က ​ရှင်​လူ့ထက်​ ၁၀နှစ်​​လောက်​ကြီးတယ်​။အဲ့အချိန်​မှာ 

​မောင်​​ရွှေစွန်​ဟာ ``​ပေ​ပေ​တေ​တေ´´ဆိုတဲ့

ဝတ္ထုနဲ့ စာ​ပေဗိမာန်​စာမူဆုရပြီးပြီ။လုံးချင်း​ခေတ်​ကျန်​​သေး​တော့ ``နီပအို့ယိုဝ်​နီခမ်းကို´´

``အ​ဖော်​​ကောင်းရင်​ ငရဲထိလိုက်​မယ်​´´ ``အိမ်​ပြေး´´စတဲ့ စာအုပ်​​တွေလည်း

​ရေးခဲ့သူ​ပေါ့။ခု​တော့သူကွယ်​လွန်​တာ

သုံးနှစ်​​လောက်​ရှိမလားပဲ။တ​လောက 

ရုပ်​ရှင်​``အုတ်​ကြားမြက်​​ပေါက်​´´​ဟာ

​မောင်​​ရွှေစွန်​ရဲ့ဝတ္ထု​ပေါ့။သူ စာ​ပေ​ဟော​ပြောပွဲ​တွေမှာ မကြာမကြာ

​ဟော​လေ့ရှိတာ ဆရာကြီး ဦးဉာဏအ​ကြောင်းပဲ။တချိန်​က မြန်​မာစာ​ပေ​လောကမှာ စာ​ရေးဆရာ

ဒါရိုက်​တာဦးဉာဏဟာ နာမည်​ကြီးတ​ယောက်​ပဲ။​မောင်​​ရွှေစွန်​ရဲ့

ဖခင်​ဟာ ရုပ်​ရှင်​မျက်​မှန်​မဂ္ဂဇင်းကိုထုတ်​​ဝေတဲ့

ရုပ်​ရှင်​မျက်​မှန်​ ဦး​အောင်​သိန်းဖြစ်ပြီး​ မောင်​​ရွှေစွန်​ ချာတိတ်​ဘဝကတည်းက မဂ္ဂဇင်းစာမူကိစ္စ​တွေကို သူ့အ​ဖေက​တောင်းခိုင်းရင်​ လိုက်​​တောင်း​ပေးရတယ်​။တ​နေ့မှာ သူ့အ​ဖေက ​မောင်​​ရွှေစွန်​ကို ဦးဉာဏဆီက

စာမူ​တောင်းခိုင်းလိုက်​တယ်​၊အဲ့မှာပြဿနာကစတာပဲ၊ဦးဉာဏက``ချာတိတ်​ မင်းငါ့ဆီကစာမူလိုချင်​သလား´´``ဟုတ်​ကဲ့ဆရာကြီး´´ဆို​တော့``အဲဒါပဲကွ

မင်းငါ့ဆီကစာမူလိုချင်​ရင်​ ​ဟေ့​ကောင်​ဉာဏ ငါ့ကိုစာမူ​ပေစမ်းလို့​ပြောမှ​ပေးမယ်​၊မ​ပြောရင်​မ​ပေးဘူး´´လို့ဆိုက​ရော။ဟိုကလည်း

ချာတိတ်​ဆို​တော့ ဒီလို အသက်​​ရောဂုဏ်​ပါကြီးတဲ့စာ​ရေးဆရာကြီးကို ဘယ်​​ပြောရဲမလဲ၊မ​ပြောရဲ​တော့

ဆရာကြီးကတကယ်​မ​ပေးဘူးတဲ့ဗျ။အဲဒါနဲ့​နောက်​ဆုံး မှာစာမူလိုချင်​လွန်း​တော့

``​ဟေ့​ကောင်​ဉာဏငါ့ကိုမင်းစာမူ​ပေးစမ်း´´ဆိုမှ​ပေးသတဲ့။ သ​ဘောက​တော့ ဆရာကြီးဆိုသူ​တွေဟာ 

ဟိုလူရို​သေ ဒီလူရို​သေ နဲ့ရို​သေ​လေးစားခံရတာ​တွေများ​တော့ ဘဝင်​မြင့်လာတတ်​သတဲ့။က​လေးတ

​ယောက်​က အဲ့လိုအ​ပြောခံရမှ သတိဖြစ်​သတဲ့။အဲဒါကို​မောင်​​ရွှေစွန်​ကလည်းအစဉ်​အလာအတိုင်း​ကျင့်သုံးလာတာ။တ​နေ့ည​နေစာ​ပေလုပ်​သားအဖွဲ့ အစည်း​ဝေးအခမ်းအနားတခုအပြီး အတွင်း​ရေးမှူး မြင့်ဝင်းနီအိမ်​မှာ စားကြ​သောက်​ကြပြီး မူးလာကြ​တော့

​ညီငယ်​ကဗျာဆရာ​တွေဖြစ်​ကြတဲ့ 

​မောင်​​မောက်​(ဥက္ကလာ)နဲ့ နန္ဒာမိုးကြယ်​တို့က အင်းဝလမ်းထဲမှာ 

အသံကျယ်​ကြီး​တွေနဲ့``​မောင်​​ရွှေစွန်​

မ​အေယ်ိုးကြီး ´´ဆိုပီး အကြိမ်​ကြိမ်​​အော်​ဆဲ​နေတာ တရပ်​ကွက်​လုံးကြားကြတယ်​။ရှင်​လူ့မှာ

အ​ကြောင်းမသိ​တော့ မျက်​နှာ​တွေပူလို့။

​ဟော ​နောက်​​နေ့ကျ​တော့လည်း ​ရွှေညီကို​တွေ မ​နေ့ညကဘာမှမဖြစ်​ခဲ့သလို တပူးပူးတတွဲတွဲ

(ဓာတ်​ပုံ #ဆရာ​မောင်​​ရွှေစွန်​#၏ ​မြေးဖြစ်​သူ၏ fb မှပုံကိုယူပါသည်​)

story#observation #shinlhu