သေတဲ့တိုင်
မေ့မရတဲ့ မှတ်တမ်း@@@@@@@@@
သိမ်းထားတဲ့ စာအုပ်တွေ ဖတ်ဖို့မျက်စိကလည်းအားမကောင်းတော့ ၊ပိုးဟပ်နဲ့ ကြွက်တွေရဲ့ဒဏ်ကြောင့်လည်း တချို့ပျက်စီးခဲ့ပေါ့။
ဆက်လက်သိမ်းဆည်းထားဖို့မတတ်နိုင်တော့
လို့့ရဲရင့်အောင်အကူအညီနဲ့ ဘော်တယ်ဆိုင်ပို့တာ သုံးလေး ကြိမ်ရှိသွား ပြီ။
ဒီနေ့ အချိန်တဆယ် လေးထောင်ကျပ် ရတယ်။ရဲရင့်အောင်ကို နှစ်ထောင်ခွဲပေးတာ ရဲရင့်အောင်က
ငြင်းနေလို့အတင်းပေးတော့မှ တထောင်ပဲယူတယ်။
နောက်ဘေးခန်းထဲမှာ
စာအုပ်တွေ သုံးပုံတပုံလောက်ကျန်အုံးမလားပဲ။ ဒီနေ့စာအုပ်ပုံရှင်းတော့ အတိတ်ရုပ်ပုံ ကားချပ်တခု ထွက်လာတယ်။ ရှင်လူ့သမီးလေးတွေ ဒပ်ဖရင် သားဖွားဆေးရုံက ဆင်းတဲ့လက်မှတ်။
၂၆.၆.၇၆ ဆိုတော့
အမွှာသမီးလေးတွေ အဖတ်တင်ခဲ့ရင် ၄၆ နှစ်အရွယ်တွေပေါ့။နောက်တနှစ် အ ကြာမှာမွေးခဲ့တဲ့သားလေးကရှိခဲ့ရင် ၄၅ နှစ်ပေါ့။ ခုတော့
သူတို့အမေပါ မရှိတော့တာ
၁၂ နှစ်ကျော်ခဲ့ ပြီ။
အ မြဲတမ်း မပြောင်းလဲ တည်တန့်နေတာကတော့ သင်္ခါရ တရားပဲ။ ဒီမှတ်တမ်း ကတ်လေးကိုလည်း
တခါထဲ စွန့်ပစ်လိုက်ပါ ပြီ။
တကယ်တော့ ရုပ်
ဝေဒနာ သညာ သင်္ခါရ ဝိဉာဉ် ဆိုတဲ့ ခန္ဓာ၅ ပါး ရုပ်နာမ်တရား အစုဟာလည်း အနိစ္စပါပဲလေ။
story#observation#shinlhu
No comments:
Post a Comment