Satellite မလို တဲ့ Telepathy ပိုင်ရှင်
ကာတွန်းဆရာနဲ့ ရှင်လူ
💻👿💻😖💻👿💻😖
ပြီးခဲ့တဲ့ ၃ ရက်လောက်ကတည်းက မနက်ခင်း အရုဏ်မတက်ခင် အိပ်ကောင်းနေတုန်း ရှင်လူကြီးအိပ်မက် တခုမက်တယ်။
အိပ်မက်ထဲမှာ ကာတွန်းဆရာပိုးဇာနဲ့ တောလမ်းတခုမှာ ခရီးအတူသွားခဲ့တဲ့အိပ်မက်။ ကာတွန်းပိုးဇာနဲ့ ရှင်လူက တောင်ဥက္ကလာ ၄ ရပ်ကွက်ထဲမှာ သုတ ၆ လမ်းနဲ့ သုတ ၈ လမ်း ၊ကြားမှာ ၇ လမ်းတခုပဲခြားတယ်။ အဲဒါ လွန်ခဲ့တဲ့ ၃ နှစ်လောက်ကတော့ သူလည်း messenger သုံးနေလို့ "တနင်္ဂနွေနေ့ အောင်မြေမှာ ဝါဆိုသင်္ကန်းကပ်မယ်၊လာခဲ့" ဆိုပြီး messenger
ကဖိတ်တယ်။ နောက်ပိုင်း သူ့ကို online
တက်တာ လုံးဝကို မတွေ့ရတော့။ ဒါပေမယ့် ရှင်လူနဲ့ သူနဲ့ကြားမှာ အဆင့်တော့ပိုမြင့်သွားတယ်။ သူက အလှူရှိရင် Telepathy နဲ့ပဲဖိတ်တော့တယ်။မနှစ်ကစလို့ အိပ်မက်ရတာနဲ့ သူ့ဆီသွားတော့ အလှူနေ့သိခဲ့ရတာပဲ။ အဲဒါ ဒီနှစ်လည်း အိပ်မက်ရတဲ့နေ့ သူ့ဆီသွားမယ်လုပ်တော့
ဖွေးဖွေးသိမ့် ကလည်း လိုက်မယ် တဲ့။
ဖွေးကလိုက်ချင်မှာပေါ့ ဟိုတခေါက်က သူ့အတွက် ကာတွန်းစာအုပ်တွေရော
ကကြီး ခခွေး ရုပ်ပုံကဒ်တွေ လက်ဆောင်ပေးပြီး ပန်းသီးပါကြွေးထားတာဆိုတော့။
အဲဒါ ဖွေးနဲ့နှစ်ယောက်သား ပိုးဇာတို့အိမ်ရောက်တော့ အောက်ထပ်မှာ သူ့မဟေသီ
မဋ္ဌေးနဲ့ပဲတွေ့တယ်။"ဘယ်ကလှည့်လာတာလဲ"မေးလို့"အိပ်မက်မက်လို့လာတာ"လို့ဖြေလိုက်တယ်။ အဲ့ချိန် အနားမှာရှိနေတဲ့ မဋ္ဌေးညီမက"အကိုလတ် ဘုရားရှိခိုးနေတယ်"တဲ့။ဒါနဲ့ ဖွေးနဲ့ရှင်လူလည်းအတော်ကြာကြာထိုင်စောင့်နေရတယ်။ခုနှစ်နေ့ခွန်နှစ်နံ ဘုရားရှိခိုးများလားမသိ အတော်ချည်းကြာတယ်။ ဘုရားရှိခိုးပြီး သူထွက်လာတော့ ကိုင်းကိုင်းကိုင်းကိုင်းနဲ့တချက်စောင်းကြည့်ပြီး စားပွဲပေါ်ကစာအုပ်ကောက်ကိုင်လိုက် ၊ပြန်ချလိုက်နဲ့ဗျူရိုကရက်ဂိုက်ကဖမ်းနေရသေးတယ်။တကယ်တော့ မဋ္ဌေးစောစောကပြောခဲ့သလို ခုရက်ပိုင်းပေးရမယ့် အလုပ်တွေ မပြီးဘူးဆိုတာမှန်နေပုံပဲ။ခဏလောက်နေမှ"ဘယ်ကလှည့်လာတာလဲ "ဆိုတဲ့ မေးခွန်း
သူ့နှုတ်ကထွက်လာတယ်။ဒါနဲ့ ရှင်လူကလည်း ဒဲ့ပဲ"အိပ်မက် မက်လို့လာတာ၊ အလှူလေးဘာလေး လုပ်အုံးမလား လို့"ဆိုတော့
"အလှူက တနင်္ဂနွေနေ့မှ"တဲ့။ အဲဒါ ဖွေးအတွက်ပေးဖို့ဆိုပြီး ကဒ်တွေ တက်ရှာနေသေးတယ်။ ခဏနေတော့ပြန်ဆင်းလာပြီး"ကဒ်က ကုန်နေပြီ နောက်မှယူတော့"ဆိုတာနဲ့"ကဒ်က အရင်တခေါက်ကရပြီးပါပြီ"ပြောပြီးခဏနေတော့ နှုတ်ဆက်ပြန်လာခဲ့တယ်။ရှင်လူတို့အပေါက်ဝရောက်မှ"နေ့ဆွမ်းနော်"လို့လှမ်းသတိပေးတယ်။
ဒီမနက်ကာတွန်း ပိုးဇာအိမ် အလှူသွားမယ်ဆိုတော့ ဖွေးကလည်းရေမိုးချိုးအဝတ်စားလဲပြီး"ရှင်လူ သွားမယ်လေ"တဲ့။
တလောက လမ်းထဲကအလှူခေါ်တော့ဖွေးက"မလိုက်ဘူး"ဆိုပြီးအဆော့မပျက်။ခုပိုးဇာအလှူကျတော့ သူကတက်ကြွနေတယ်။
ဖွေးတို့ဓာတ်ကျပုံများ။"ဟဲ့..နေအုံး စောသေးတယ် ဟိုကနေ့ဆွမ်း ၊ဆယ်နာရီခွဲလောက်မှသွားမယ်"ဆိုတော့"ရဘူး..ရဘူး
သွားမယ်"တဲ့..ဇွတ်။"ဘုန်းကြီးတရားနာအုံးမှာ၊နင်တရားနာမလို့လား"ဆိုတော့
"နာမယ်"တဲ့၊"အင်း..တတ်နိုင်ဘူး ၊တရားကြောက်တဲ့ရှင်လူ ဖွေးကိုတော့ အရှုံးပေးလိုက်ရပြီး ၁၀နာရီမထိုးခင် ထထွက်လာခဲ့ရတယ်။ရောက်ပြီး အခင်းအကျင်းတွေ တပုံနှစ်ပုံရိုက်ပေါ့။ကိုပိုးဇာရဲ့တဦးတည်းသော မြေးမလေး ပုံတုံခေါ်မေမြင့်မြတ်မိုးတို့ကားဆိုက်လာတော့လည်း အိမ်ထဲဝင်မရ၊အိမ်ထဲဝင်ရင်အော်ကရောတဲ့။သူတို့ကမြို့ထဲမှာနေကြတာ၊အဖိုးအဖွားတွေကိုသွေးမနီးပဲသွေးကြီးနေပုံပဲ။ကာတွန်းပိုးဇာခမျာမြေးမလေးကားဆိုက်ကတည်းက အိမ်ရှေ့ပတ်ခြောင်း၊ပုဏ္ဏကွယ်ကပ်ခြောင်း
နဲ့ မြေးကိုချီချင်နေတာဣနြေ္ဒမရဘူး၊ ဒါပေမယ့် ပင်ကိုယ်ကစကားနည်းပြီးလူမှုဆက်ဆံရေးမှာမထုံတက်သေး သမားဆိုတော့ ကိုယ့်မြေးတောင်မစည်းရုံးတတ်တာသနားစရာပဲ။သူ့မဟေသီမဋ္ဌေးကလည်း
ဘယ်ကိစ္စမဆို ဘယ်သူမေးမေး ဘာမေးမေး"ဋ္ဌေးလည်း မသိဘူး"ပဲဖြေတတ်တဲ့သူ။သူတိုစုံတွဲ သမီးရည်းစားဖြစ်ပြီး လင်မယားအရာမြောက်လာပုံ CID ကိုစုံစမ်းခိုင်းရင်တောင် အမှုပိတ်လိုက်ရမယ့်သဘောမျိုးပဲ။အင်း..တော်ပါပြီလေ သူ့အိမ်ကအလှူသွားစားပြီးအိမ်ရှင်တွေကို ဝေဖန်ရတာ ကျင့်ဝတ်အရ မကောင်းပါဘူး။သူတို့ကစကားနည်းပေမယ့် သဒ္ဓါတရား ကတော့မနည်းလှဘူးဗျ။ကောင်းသန့်ဒံပေါက်ကို ကြက်သားအပြင် ဆိတ်သား၊ငါးဖယ်သုပ်၊အစိမ်းကြော်၊အချဉ်ဟင်း စုံမှစုံ။
ဖွေးဖွေးသိမ့်ကိုအရင်ခွံ့တော့မချောလေးကအစားသား။အိမ်မှာဆို ထမင်းစားဖို့ဆိုရင် mission complete ဖြစ်ဖို့မနည်းချော့လိုက်ခြောက်လိုက်လုပ်နေရတာ။ကြည့်ရတာ တရားနာလိုက်ရလို့များဘိုက်ဆာနေသလားမပြောတတ်၊အတော်စားတယ်၊တခုပဲ ကြက်သားကလွဲလို့ တခြားဘာဟင်းမှမစား။သူလည်းဝကရော လာချထားတဲ့ ရေခဲမုန့်ခွက်ကောက်ကိုင်တာပဲ။ရှင်လူလည်း ဆာဆာနဲ့ ဒံပေါက်တွေ အတော်စားလိုက်တယ်။လိုက်ပွဲလိုက်နေတဲ့သဇင်နှင်း(ပိုးဇာသမီး)ကို "သဇင်ရေ လိုက်ပွဲပေးအုံး၊ကလေးကသိတ်စားတာပဲ"ဆိုတော့"ဟဲဟဲ ကလေးအကြောင်းပြတာမဟုတ်လား"တဲ့။
ကြည့် ဒီကောင်မလေး လွန်ခဲ့တဲ့ နှစ်ပေါင်း၃၀ ကျော်တုန်းကသူ့အမေရွာရခိုင်ချောင်အသွား မော်တော်အဆင်းမှာရှင်လူကုန်းပိုး ခဲ့တာမှ အားမနာ။ အင်း..သူ့အဖေထက်စာရင်တော့ သူ့သမီးက ဟာသရှိသေး။
ထမင်းစားပြီး အချိုပွဲနားသွားထိုင်တော့ ဖွေးက မုန့်အချိုတွေဘာမှကြွေးလို့မရ၊ စပျစ်သီးတွေပဲ လေးငါးလုံးကောက်စားတယ်။ရှင်လူကတော့ အလှူရှင်တွေ ဒါနမြောက်သွားအောင် ဆိုင်း ဆရာ ရွာစား စိန်ရှင်လူ လက်စွမ်းလေးပြခဲ့ပါရဲ့..ဂေ့...
(ကာတွန်းပိုးဇာ ဝါဆိုသင်္ကန်းကပ်မွေးနေ့အလှူ ပုံတွေ ရသလောက်တော့တင်လိုက်ပါရဲ့၊တပုံချင်းတော့ အောက်ကစာမကပ်နိုင်တော့ဘူး၊စားထားတာတွေက အီတော့ထိနမိဒ္ဓဝင်နေပြီ၊သွေးကျဆေးရော၊အစာကြေဆေးပါသောက်ရအုံးမယ်..တာ့တာ)
story#observation #shinlhu
