မနက်ခင်းကတည်းက ငမိုးရိပ်နဲ့ ဖွေးဖွေးသိမ့်တို့သားအမိ
ခတ်ကွင်းပြင်နေတာ။ ဖွေးက ထူးထူးခြားခြား "ရှင်လူပါ လိုက်ခဲ့"တဲ့။ အခါတိုင်းဆို "အဖိုးကြီး
ရှုပ်တယ်၊မလိုက်ခဲ့နဲ့"လို့ပြောနေကျ။ ဖွေးစကားကို သူ့အဖွားကြားတော့"ရှင်လူ့ကို ဘာလို့ခေါ်နေတာလဲ၊ကိုယ့်ဟာကိုယ်သွားတာမဟုတ်ဘူး၊ရှင်လူကလိုက်ပြီး သူများကြွေးတာအကုန်စားတာ၊ ငါသာဆိုမခေါ်ဘူး"ဆိုတော့ ဖွေးက"ခေါ်မှာပဲ"တဲ့။ဟဲဟဲ..ရှင်လူတို့ ဒီနေ့
ဇာတာကောင်းနေတာ။
ဒီလိုနဲ့ မောင်ဝင်းကားလေးနဲ့ရောက်လာပြီး အားလုံးထွက်ခါနီးတော့ဖွေးက ရှင်လူ့ လက်ဖမိုးကိုအသာလာကုပ်တယ်။သူ့အဖွားမသိအောင်
ခေါ်တာလေ။ ဒီလိုနဲ့ ကားပေါ်တက်ပြီး လိုက်လာခဲ့တယ်။
ကျောင်းတွေဖွင့်ရင် ကျောင်းအပ်ဖို့ ဖွေးအတွက် သန်းခေါင်စာရင်းသွင်းဖို့ကိစ္စထွက်ကြတာ။မောင်ဝင်းက
သူ့အမနဲ့ တူကို မြောက်ဒဂုံ ပြည်ထောင်စုလမ်းမကြီးပေါ်က Infinity Martရှေ့မှာ အရင်သွားကြိုရတယ်။Infinity Martရှေ့ ရောက်တော့ ငမိုးရိပ်နဲ့ဖွေးတို့သားအမိ ကြက်ကြော်ဆိုင်ဝင်ပြီးဒုတ်ထိုးတွေ နှစ်ထောင်ဖိုးရွေးဝယ်လာကြတယ်။ငမိုးရိပ်ကြွေးလို့ ရှင်လူလည်း တော်တော်ဝအောင်စားလိုက်တယ်။အချဥ်ရည်ထုပ် ပက်ကင် ကောင်းကောင်းလေးတွေနဲ့ စားလို့ကောင်းသား။
စားပြီးတော့ ရောက်လက်စနဲ့ Infinity Mart ထဲဝင်ကြည့်မိတယ်။ရှင်လူ့နောက်က ဖွေးပါကပ်လိုက်လာတယ်။သိတဲ့အတိုင်းပေါ့ ဖွေးက Freezer ကိုဆွဲဖွင့်ပြီး သူကြိုက်တဲ့ရေခဲမုန့်ဘူးရွေးယူလိုက်တယ်။
၁၂၀၀ ရှင်းလိုက်ပေါ့။သူခေါ်လာတာပဲ ကျေးဇူးတင်ရသေး
story#observation #shinlhu
No comments:
Post a Comment