story

ရှင်​လူနဲ့ ဂေါက်​​ကြောင်​ရာဇဝင်​

~~~~~~~~~~~~~~

ရှင်​လူ​နေထိုင်​ရာ ငါတ​ကောရပ်​ကွက်​ထဲမှာ ​ဂေါက်​​ကြောင်​​တွေ​က ပေါပါဘိ။ ရှင်​လူဒီလို​ပြောလို့ ဘာလဲဟ

ဘာ​ဂေါက်​​ကြောင်​လဲ ဟု ကွက်​ရှင်​​ ထုတ်​သူကထုတ်​လာနိုင်​သဖြင့် ရှင်းပါအံ့။ ဘယ်​သူမှမ​မေးလည်း ​ပြောဖို့က ပလန်​ ရှိပြီးသားပါ။ ဟဲ ဟဲ..။ ဒီလိုပါ ငါတ​ကောရပ်​ကွက်​ဆိုတာမျိုးက ဒီနိုင်​ငံအတွင်း ဘယ်​​ဒေသမျိုးမှာမဆို ရှိ​နေ ​တွေ့​နေကျ ရပ်​ကွက်​မျိုးပါ။ဖုတ်​ထူ ခြင်​ပေါ ၊က​လေး​ပေါ ​ခွေး​ပေါ ၊ဖ​သောဖဿ မဆင်​ခြင်​

၊ကိုယ်​ထင်​ရာကိုယ်​စိုင်း ၊ crime မသိ၊ law မရှိ၊က​လေးကအစ ​ခွေးကအစ အဘ အဆုံး ၊ဘွား​အေကြီးအဆုံး ကိုယ်​ပိုင်​အုပ်​ချုပ်​ခွင့် ကို ကိုယ့်ဖာသာ

​စိတ်​ကြိုက်​​ရေးဆွဲပြီး ပမာမခန့်​နေထိုင်​ကြတဲ့ ဒူးတင်​​ပေါင်​တင်​တိုင်း​ဒေသကြီး ထင်​ရာစိုင်းမြို့နယ်​အတွင်း ပါဝင်​​နေတဲ့ ငါတ​ကောရပ်​ကွက်​လေးပါ။ ​နေရာအခင်းအကျင်းကို နိဒါန်းပျိုးနေရတာက ဒီလို​နေရာမျိုးမှာ ဒီလို အပင်​

နဲ့ ဒီလိုသက်​ရှိမျိုးသာရှင်​သန်​နိုင်​​ကြောင်းသိ​စေချင်​လို့ပါ။

အဲ ..အဲဒီရပ်​ကွက်​ထဲမှာရှိကြတဲ့ ​ဂေါက်​​ကြောင်​ဆိုတာက

ဥပမာ ဒီလူက တချိန်​(မဆလ)​ခေတ်​တုန်းက ရပ်​ကွက်​ သမဝါယမအသင်းတခုမှာ ဥက္ကဋ္ဌ လုပ်​ခဲ့ဖူးတယ်​၊ ခု​လော​လောဆည်​​တော့ သူက Trishaw master ဆိုက္ကားသမား၊ဒီလူက ဆိုက္ကား​တော့နင်းတယ်​ ဒါ​ပေမယ့်သတင်းစာတ​စောင်​ကိုအမြဲ ချိုင်းကြားညှပ်​ထားတယ်​။အားရင်​ အရိပ်​​ကောင်း​ကောင်း​အောက်​မှာထ်ို​င်​ရင်း ဒီသမဝါယမဆိုင်​ကြီးရှိတုန်းက သူကဥက္ကဋ္ဌအဖြစ်​ ဘယ်​လို​တွေ​ဆောင်​ရွက်​ခဲ့တာ၊ အဲဒီအချိန်​က ဘယ်​သူဘယ်​ဝါက အတွင်း​ရေးမှူး ဘာညာစသဖြင့်​တော်​ကီပစ်​​လေ့ရှိပြီး သူ့ရဲ့ အရည်​အချင်းဟာ လက်​ရှိဘဝနဲ့ မထိုက်​တန်​သလိုမျက်​နှာ​ပေးကြီးနဲ့ ​သော့ခတ်​ထားတဲ့ သမဆိုင်​ဘက်​ကိုလွမ်းလွမ်း​ဆွေး​ဆွေး​ငေး​မျှော်​​နေတတ်​ပါတယ်​။​နောက်​တ​ယောက်​က​တော့ စစ်​ပြန်​ကြီးတ​ယောက်​ပါ သူက​တော့သနားစရာလည်း​ကောင်းပါတယ်​၊​ရှေ့တန်းမှာငှက်​ဖျားအပြင်းအထန်​မိပြီး တပ်​ကထွက်​လာရတာဆို​တော့သူ့ရဲ့ အနှစ်​၂၀ ​ကျော်​ တပ်​​မ​တော်​သားအကျင့်ကိုအရပ်​သားအကျင့်နဲ့ ပြန်​အစားထိုးမရ​တော့တာပါ ။တ​ပေါင်းလရဲ့ တရှိန်းရှိန်း​တောက်​​နေတဲ့ ​နေအပူရှိန်​​အောက်​မှာ ​ပျောက်​ကျားယူနီ​ဖောင်း အပြည့်အစုံ ၊ရင်​ထိုးတံဆိပ်​အပြည့်အစုံနဲ့ ​တော​ဆောင်းဦးထုပ်​ကြီး​ဆောင်းကာ လမ်းသလား​လေ့ရှိပါတယ်​၊လက်​ဖက်​ရည်​ဆိုင်​​တွေမှာ နား​ထောင်​သူ တ​ယောက်​​လောက်​ရှိရင်​​တော့သူရဲ့တိုက်​ပွဲ အ​တွေ့အကြုံ​တွေကို ​ပြောပြ​လေ့ရှိပါတယ်​။ ​နောက်​တ​ယောက်​က​တော့ တချိန်​က နာမည်​ အလတ်​တန်း​လောက်​ရှိခဲ့တဲ့ ဇာတ်​အဖွဲ့တခုက ပြဇာတ်​မင်းသားပါ။ခုအချိန်​ ပြဇာတ်​​ခေတ်​ကလည်းမရှိ​တော့။ ဇာတ်​သဘင်​ကလွင့်စင်​ထွက်​လာပြီးရှင်​ကျန်​တာဆိုလို့ လူပြက်​​တွေပဲရှိပါ​တော့တယ်​၊ ရုပ်​ရှင်​မင်းသား ၊ဇာတ်​မင်းသားနဲ့ Popအဆို​တော်​​တွေကအစ လူပြက်​ခွင်​မကြာမကြာဝင်​​နေကြရတယ်​ ၊​သြော်​ လူပြက်​​ခေတ်​​ပေကိုး။ဒီ​တော့ ခုနပြဇာတ်​မင်းသားခမြာ လူပြက်​ကလည်း မလုပ်​တတ်​

အသက်​ကလည်း ၆၀ ​ကျော်​ဆို​တော့ စိတ်​ညစ်​ညစ်​နဲ့ အရက်​တစွပ်​စွပ်​​သောက်​ရင်း တလမ်းဝင်​တလမ်းထွက်​ ဘဝလက်​ကျန်​ ပြဇာတ်​ဟန်​က​လေးထုတ်​ထုတ်​ပြီး

အင်္ကျီလက်​ရှည်​​လေးကိုအသာ​ခေါက်​၊လက်​​မောင်းက​လေးကိုဟန်​ပါပါ​ပင့်ရင်း အကို​နေ​ကောင်းလား၊ ​အော်​ ငါ့နှမ​လေးမ​တွေ့တာကြာပြီ​နော်​၊ အဟဲ အကိုက​စေတနာနဲ့​ပြောတာပါညီရ စိတ်​မဆိုးနဲ့​နော်​ စသဖြင့် ​တွေ့ကရာလူကို ဇာတ်​မင်းသား​လေနဲ့ ဟန်​ပါပါ စကားအစရှာ ရင်းဇာတ်​စုံခင်း​လေ့ရှိ​ပေရဲ့။ ဒါက ​ဂေါက်​​ကြောင်​​တွေ​အ​ကြောင်း နမူနာမျှ ထုတ်​ပြခြင်းပါ။ ပင်​နီတိုက်​ပုံ ကျူးနစ်​အင်္ကျီ ဗမာ ပင်​နီရှမ်းပင်​နီအမျိုးမျိုးဖက်​ရှင်​​တွေဝတ်​ပြီးတနိုင်​ငံလုံးကို ကယ်​တင်​​ပေး​တော့မယ့်ဟန်​နဲ့နိုင်​ငံ​ရေးသမား​ဂေါက်​​ကြောင်​၊ အ​ကောင်​ကြီးကြီး

အမြီးရှည်​ရှည်​​တွေနဲ့ သူနဲ့က ​ဂေါ်လီရိုက်​ဖက်​၊ရည်းစားလုဖက်​ စတိုင်​မျိုးနဲ့ ​လေမျိုး ၈၀ ပစ်​တတ်​တဲ့ ဘဝင်​​ဂေါက်​​ကြောင်​စသဖြင့် ​ပေါ့​လေ ။​ဂေါက်​​ကြောင်​သမိုင်းကားငါတ​ကောရပ်​ကွက်​သမိုင်းနဲ့အတူ တ​နေ့တည်း​မွေးလို့ဆိုရမလားပဲ။ ရှင်​လူ့မှာတ​နေ့​တနေ့ အဲဒီ​ဂေါက်​​ကြောင်​​တွေကိုပတ်​​ရှောင်​​နေရတဲ့ ဒုက္ခကမ​သေးလှပါ။သူတို့စက်​ကွင်းသာမိသွားရင်​ ​ပြောမဆုံး​ပေါင်​ ​တောသုံး​တောင်​ဇာတ်​ထဲ​မျောပြီး အလုပ်​အကိုင်​ပျက်​ကာ အချိန်​ပါ အ​ချောင်​ကုန်​ဦးမယ်​။ အဲဒီလို​ရှောင်​လင်​လုပ်​နေတဲ့ ကြားက ​

တ​နေ့ခင်း လမ်းထိပ်​အထွက်​ ပြဇာတ်​မင်းသားနဲ့ ပက်​ပင်းတိုးပါ​လေ​ရော ။ ``အာ ဒီယ​နေ့ အကိုနဲ့​တွေ့တာ အ​တော်​ပဲ၊အကို့ကိုကျ​နော်​တခု​ပြောချင်​​နေတာ၊ ခန​လေးပါအကို´´သူက​ပြော​ပြောဆိုဆို ရှင်​လူ့လက်​ကိုဖမ်းဆွဲထားပြီး၊ ``ဒီလိုအကိုရ အကို့ကိုကျ​နော်​​ပြောမှာက ၊အကိုဟာ​လေ နိုင်​ငံ​တော်​သမ္မတကြီးနဲ့ ​တော်​​တော့ကိုတူတာပဲ´´ ``အာ မဟုတ်​တာဗျာ´´``ဟုတ်​ပါတယ်​အကိုရ ၊ တကယ်​ သမ္မတကြီး ဦးသိန်းစိန်​နဲ့တူတာပါ ``​နေစမ်းပါဗျာ စိတ်​ညစ်​ရတဲ့အထဲ ခင်​ဗျားကတ​မှောင့်´´``ကဲပါ အကိုရာ စိတ်​မရှိပါနဲ့ ညီ့ကိုအ​ကြွေ​လေးပါရင်​ တရာ​လောက်​​ပေးခဲ့ပါ ကွမ်းစားချင်​လို့´´

ရှင်​လူလည်း​လေမရှည်​ချင်​​တော့သဖြင့် ​ငွေတရာထုတ်​​ပေးပြီးသူ့​ရှေ့ကအမြန်​လစ်​ခဲ့ရ​ပေါ့ ။ဒီလိုနှင့် ​နေ့တိုင်းလိုလို ပြဇာတ်​မင်းသားကလမ်းထိပ်​မှာ​စောင့်​စောင့်ပြီးလက်​အုပ်​က​လေးချီလို့ ခါး​လေးညွှတ်​ပြီး``သမ္မတကြီး

တရာ​လောက်​´´လုပ်​မြဲလုပ်​​ချေ​ပေါ့။ ရှင်​လူကလည်းတရာ တရာ​လောက်​နဲ့​တော့မ​ပြောပ​လောက်​၊သူကလည်းတရာရရင်​ တရာဖိုး​သောက်​။အိုစ​ကေလို့။ ရှင်​လူ့ခမျာလည်း အိမ်​ကထွက်​ကာနီးရင်​ မှန်​​ရှေ့ရပ်​ရပ်​ပြီးထိပ်​​ပြောင်​​လေးပွတ်​သပ်​လို့``အင်း သူ​ပြောတာလည်းဟုတ်​ချင်​ချင်​ရယ်​´´ ဒီလိုနဲ့ မိတ်​​​ဆွေတချို့ကရှင်​လူ့ကိုကြည့်ကြည့် ပြီး ``ကိုရှင်​လူကြီး ခုတ​လောဘာဖြစ်​​နေလဲဗျ´´``ဘာဖြစ်​လို့လဲ​ဗျ ´´ ``ခင်​ဗျားကြည့်လိုက်​ရင်​အရင်​ကလိုမဟုတ်​ဘူး ၊အမြဲလိုုလို မချိပြုံးကြီးနဲ့´´

ဟိုက်​ ဗု​ဒ္ဓေါ.. ၊ငါဘာဖြစ်​​နေပါလိမ့် ။ကိုယ့်ဘာသာအတန်​တန်​​တွေး​တော့ အ​ဖြေက​ရေး​ရေး ။ ဟို​ခွေးမသား ပြဇာတ်​မင်းသားလက်​ချက်​၊ဒင်းလုပ်​တာနဲ့ ငါ့ကိုယ်​ငါ

​ယုံထင်​ ​ကြောင်​ထင်​။ဒီတိုင်းဆိုမဖြစ်​တော့ဘူး ။ငါ့မျက်​နှာကိုပလပ်​စတစ်​ဆာဂျရီ လုပ်​ရင်​လုပ်​ ၊ မလုပ်​နိုင်​ရင်​​တော့ ငါလည်း သမ္မတ​ဂေါက်​​ကြောင်​​နေပြီ၊ မြတ်​စွာဘုရား ကယ်​​တော်​မူပါ့။

ရှင်​လူ

(နှင်းဆီဖြူဂျာနယ်)

story#observation#shinlhu

shinlhu at 7:07 AM